مين عنده فكرة عن المدارس التجريبية ؟

**Lion_Heart** · 06-02-2010 10:03 PM

وايه اخبار التعليم فيها و هل هى لغات بس و لا ممكن يكون فيها عربى
و ايه النظام فيها .... وهل هى الافضل ام المدارس الخاصة ؟

**Lion_Heart** · 07-02-2010 07:58 AM

؟؟؟؟؟؟؟؟؟؟؟؟؟؟؟؟؟

**M.Mosaad** · 07-02-2010 09:56 AM

انا هقولك معلوماتي اللي متأكد منها بس

معظم المدارس التجريبي فيها قسمين لغات و عربي

انا في رايي انها افضل من المدارس الخاصة العاديه اللي هي مش امريكان مثلا بس مش كل المدارس يعني انا ناوي ان شاء الله ادخل بنتي مجمع الملك فهد سمعتها كويسة و مصاريفها معقوله

العيب الوحيد ان الطفل بيدخل كبير شوية لان الاولويه للاقدم في التقديم و في مدارس الضغط عليها كبير

**Fouad Ezz** · 07-02-2010 11:29 AM

المدارس التجريبية (حكومية رسمية) لغات فقط!!!
ودخول الطفل من سن 4.5 ألي 5.5 إلي kg1 طبقا لتنسيق معين مثل تنسيق الثانوية العامة لكنة يكون تابع لـ سن الطفل مقارنة بسن أقرانة المتقدمين وسعة الفصول ...
اما مدرسة المللك فهد فهي تابعة لقطاع (مدارس المستقبل) وهي حكومية رسمية لغات فقط ولكن مصاريفها أعلي ومناهجها أصعب وتنسيقها يجعل الطفل يدخل kg1 من سن 5 إلي 6.5
وأي أسئلة أخري انا في الخدمة

**Lion_Heart** · 07-02-2010 02:09 PM

اشكرك على الرد
وهل التعليم بهذه المدارس افضل ام مدارس اللغات الخاصة ؟
و فى الثانوية العامة هل بيكون لهم تنسيق خاص بهم و لا الحسبة بتكون ازاى ؟

**mohamed_mohsen** · 07-02-2010 05:19 PM

أنا هقول لحضرتك رأيي و ممكن يكون غريب شويه
دخلهم مارس خاصه عاديه و ماتكونش مصاريفها غاليه
(و كده كده التعليم بايظ فمفرقتش كتير)
و بعدين لما يكبروا و يدخلوا الجامعه دخلهم جامعات خاصه
احسن من الجامعات الحكوميه

(نصيحه من طالب في جامعه حكوميه و كان في مدارس خاصه وفوّت فرصه الدخول لجامعه خاصه)

**Lion_Heart** · 08-02-2010 12:18 AM

ربنا يستر اهوه الواحد بيعمل اللى عليه.... ياريت لو فى حد جرب المدارس التجريبية يعرفنا مميزاتها وعيوبها ........

**Nader** · 08-02-2010 12:35 AM

المشاركة الأصلية كتبت بواسطة lion_heart

اشكرك على الرد
وهل التعليم بهذه المدارس افضل ام مدارس اللغات الخاصة ؟
و فى الثانوية العامة هل بيكون لهم تنسيق خاص بهم و لا الحسبة بتكون ازاى ؟

بشكل عام المدارس التجريبية تعتبر افضل المداس الحكومية اللي مصاريفها معقولة
الدراسة فيها باللغة الانجليزية (العلوم أو (الكمياء والفزياء والاحياء) والرياضيات ولغة انجليزية مستويين مستوى رفيع والمستوى العادي بالإضافة للغة اجنبية ثانية غير الانجليزية )
المشكلة هتبقى في السن لانهم بياخدوا سن كبير واعداد قليلة .... بس هترجع ونقول دي حكومة قلو عندك واسطة الامور هتكون اسهل كتير.
بالنسبة للتنسيق فبيبقوا زيهم زي غيرهم

-

الموضوع: مين عنده فكرة عن المدارس التجريبية ؟

LinkBack

أدوات الموضوع

عرض

مين عنده فكرة عن المدارس التجريبية ؟ - انشر الموضوع فى :

-

-

-

-

-

المواضيع المتشابهه

حد عنده فكرة عن الموضوع دة ...

حد عنده فكرة عن الموضوع ده ؟

حد عنده فكرة

حد عنده فكرة عن الرينو 17؟

حد عنده فكرة

الكلمات الدلالية لهذا الموضوع

المفضلات

المفضلات

ضوابط المشاركة