الموضوع: ارجو المساعدة من خبراء و ملاك الفورد

اخي الكريم انتا محتاج عربية جديدة اسهل
هقولك علي الي ممكن تعملو اولا الاكصدامات الاسهل انها تترش من عن اي حد بتاع دوكو كويس باللون الي حضرتك عايزو بدل متغيرها.
ثانيا التكيف ممكن توفقلها تكيف ياباني او كوري من حد متخصص في التكيف او تشتري التكيف الاصلي من بتوع الاستيراد في الحرفين.البور شرحة.ةكمان الفوانيس عند اتوستار الواحد عامل حوالي 200 جنية ووالماني نضيف.
وحدات الرفع والانذار والسي دي والفرش من شارع دمشق او التوفيقية.
الجنوط ممكن بس برضو اتئكد من حد بتاع عفشة اضمن.
وربنا يوفقك وتبقي العربية احسن من الي انتا عايزو

الإكصدامات تترش
الإنذار ووحدة الرفع من التوفيقية وهما هيركبوها
بالنسبة للسي دي ممكن تشتري كاسيت سي دي وتركبة مكان اللي عندك أحسن وتريح دماغك
بالنسبة للجنوط واحد بوصة زيادة مش هتفرق مع العفشة كتير بس قولي مقاس الكاوتش الأصلي وانا أقولك على ال 15 تركب مقاس كام

المشاركة الأصلية كتبت بواسطة tota323

شكرا بجد للاخوة المحترمين egytamer and reamoz للردود و الاهتمام بس لو شيلت مكان الكاسيت الاصلي حيبقى في مساحة كبيرة خالية و اجيب انذار ماركة ايه و بكام و الباور و التكييف بكام اما بالنسبة للكوتش بتاع الجنوط ال 14 الاصلي فمقاسه 185\60\ 14

بالنسبة للكاسيت هات كاسيت اللي هو الdouble ودا هيبقي نفس مقاس اللي عندك ومش هيبقي في فراغ كبير ولا حاجة هتفضل هي هي الحتة الفاضية اللي موجودة دلوقتي

ومتغيرش مقاس الكاوتش الا لو اكيد هتحول الدركسيون باور عشان هيتقل معاك زيادة طبعا

بالنسبة للاكصدامات انا مش فاهم اللي فيها نفس شكل الاكصدامات بتاع الاسكورت اللي بتبقي بلون العربية ولا اساسا شكلها متغير عن العادي؟؟لو نفس الشكل يبقي ترشها بس طبعا لكن لو شكلها متغير دا حوار تاني

بالنسبة للاكصدام هو موديل 98 اللأصلى بتاعة الأسود
بالنسبه للباور الاسكورت 1300 بتنزل أساسا من غير باور ومش تقيله لو فى تقل راجعى الاسكاترا والعفشة
الفوانيس الأمامية اشتريت الواحد بـ 170 جنيه من التوفيقية من عند ابراهيم سليمان
بالنسبة للسى دى ممكن كمان يركب الجهاز الجديد اللى بيشتغل بالميمورى كارد أو بفلاشة وده موجود كتير فى التوفيقية
بالنسبه للتكييف انا عندى التكييف الى كان مركبه الوكيل القديم لفورد وشحنته وحاولت معالجته كتير وهو لا يعمل بكفاءة فقبل ما تركبى تكييف يكون الشرط انه هايشتغل بكفاءة تكييف اليابانى والكلام ده قبل دفع أى فلوس (ما تنسيش ان العربية 1300 والعربية اساسا تقيله)
بالنسبه لموضوع الجنوط ما اعرفش التغيير يأثر على العربيه من عدمه وعموما المقاس الجديد
هيكون نفس القديم مع تغيير رقم 14 برقم 15

بالنسبة للكاوتش المقاس الجديد هيكون إما
195/55 15 ودة هيعلي العربية حوالي 8 مليمتر
195/50 15 هيوطي العربية 1.5 مليمتر
185/55 15 هيعلي العربية 2.75 مليمتر

موضوع الباور هايكلفك و مش هايدي الاداء الي انت متخيلة علشان هايكون حمل على الموتور الي هو مش مماشي العربية كويس من غير احمال
و تكلفة الباور في حدود 2000
موضوع تغير مقاس الجنوط الـ 14 انا شايف انها كويسة و فيه منها اسبور كتير
التكييف اصبر شوية فيه عضو هنا هايعمل تجربة لو نجحت هاتريح الناس من مشكلة تكييف الاسكورت

ايه هى التجربة دى يا جو يا ريت تفيدنا