القبض على تلميذة كتبت على «التختة»!

القبض على تلميذة كتبت على «التختة»
كتب نيويورك - «إفى» ٧/ ٢/ ٢٠١٠شرطة مدينة نيويورك الأمريكية ألقت القبض على تلميذة لاتينية «١٢ عاماً، وأخرجتها وهى مقيدة اليدين من مدرستها لمجرد قيامها بالكتابة على مقعد الدراسة، ثم احتجزتها فى قسم الشرطة لبضع ساعات، وهو الأمر الذى أدانه اتحاد الحريات المدنية بالمدينة.
وذكرت صحيفة «ديلى نيوز»، الجمعة، أن التلميذة أليكسا جونثالث كتبت كلمات معدودة على مقعد الدراسة يوم الاثنين الماضى، وقالت التلميذة للصحيفة إنها كتبت عبارة «أحب صديقتىّ أبى وفيث» ووقعت بعدها بجملة «ليكس كانت هنا ١/٢/١٠» ورسمت وجهاً باسماً، وقد ذهبت الطفلة، التى صدر قرار بوقفها عن الدراسة، يوم الثلاثاء، بصحبة والدها إلى محكمة الأسرة التى فرضت عليها كتابة مقال عن الدروس المستفادة من التجربة التى عاشتها.

ط§ظ„ظ…طµط±ظ‰ ط§ظ„ظٹظˆظ…

على كده بقى الطلبه المصريين ياخدوا إعدام و ضرب بالنار

ياكبدى....

يالهوي انا فاكر مره كان قزاز الشباك مكسور من تحت وشابك علي حتي بسيطه قمت انا محركها قام لوح القزاز نازل في المجرا علي صباعي مظبطه وطبعا كان في دم كتير وبما اني كنت بحب اسيب ذكري علي كل تخته بقعد عليها فققررت اسيب الذكري دي بدمي

يااااااااااااااااه
ده انا والدي حكالي حكايه زي دى حصلت معاه
كان في مدرسة سان مارك في اسكندريه و هو قاعد في الفصل نسى و كتب اسمه على التخته و كانت ليله
استدعاء ولي الامر و دفع غرامة 20 قرش ههههههه طبعا ال 20 قرش دول كانوا مبلغ:majd(4):

اما بقى انا في المدرسة فاشتريت 3 اقلام دوكو ذهبي و فضى و ابيض و كنا بنعدي علي كل تخته و نكتب عليها اسامي الفصل:36_7_4[1]:

انا حاسس انهم مزودين العيار حبتين!!!!!
دا على كده انا كنت استحق الاعدام بجداره ايام الثانويه!!!!!!

على كده المفروض الطلاب المصريين وضعهم فى ميدان عام ونقتلهم رميا بالرصاص والرشاشات

يا ترى لو مكانتش لاتينية هل كان اتقبض عليها؟ وايه لازمة تأكيد الصيحفة على انها لاتينية ، مهو كونها لاتينية واضح اساسا-على الأقل بالنسبة للأمريكان- من اسم العائلة بتاعها (جونزاليس)، وهل الكتابة على التختة يستلزم كلبشة يدى طفلة عمرها 12 سنة ام ان كونها لاتينية هو ما يستلزم كلبشة اليدين، وللا هم بيفلقونا بالحديث على المساواه والديمقراطية لكن من جوة باب النجار مخلع

على كدة بقا انا المفروض ينفونى..... انا لو الدسك اصفر بخليه اسود من كتر الرسم ههههههه

دا انا على من المفروض انى اضرب بالنابلم.. أيام الثانوى كتبت إسم صاحبى بقلم الدوكو على أعمدة المدرسة اللى مكسية جرانيت..ز وساعتها علشان ممته مدرسة فى نفس المدرسة عملولى إستدعاء ولى أمر ولسة محتفظ بيه لغاية دلوقتى ووالدى ميعرفش اى حاجة عن الموضوع دا بعد مرور أكتر 14 سنة

هههههههههههههههههه
احنا هنا فى مصر مبيعجبناش لون الدسكات فبنغيرة للون المناسب لينا ازرق او اسود او احمر او رصاص
هى دى الحرية كل واحد يختار اللون اللى يعجبة

اقتباس:

---

المشاركة الأصلية كتبت بواسطة sab3aawy

يا ترى لو مكانتش لاتينية هل كان اتقبض عليها؟ وايه لازمة تأكيد الصيحفة على انها لاتينية ، مهو كونها لاتينية واضح اساسا-على الأقل بالنسبة للأمريكان- من اسم العائلة بتاعها (جونزاليس)، وهل الكتابة على التختة يستلزم كلبشة يدى طفلة عمرها 12 سنة ام ان كونها لاتينية هو ما يستلزم كلبشة اليدين، وللا هم بيفلقونا بالحديث على المساواه والديمقراطية لكن من جوة باب النجار مخلع

---

اول ما قريت المقال كان نفسي أقول الكلمتين دول

الطفلة دي لو كانت أمريكية كانت حاجة من الإتنين حصلت يا إما الدنيا إتقلبت عشان إزاي الكلبشات تتحط في إيد طفلة في السن ده لمجرد الفعل التافه ده

يا إما ماكانش حد سمع بالخبر من أساسه ولا حتى جيرانهم

اقتباس:

---

المشاركة الأصلية كتبت بواسطة engmohamed

على كده بقى الطلبه المصريين ياخدوا إعدام و ضرب بالنار

---

كلام زي الفــــــــــــــــــــــ ـــــــل

اقتباس:

---

المشاركة الأصلية كتبت بواسطة sab3aawy

يا ترى لو مكانتش لاتينية هل كان اتقبض عليها؟ وايه لازمة تأكيد الصيحفة على انها لاتينية ، مهو كونها لاتينية واضح اساسا-على الأقل بالنسبة للأمريكان- من اسم العائلة بتاعها (جونزاليس)، وهل الكتابة على التختة يستلزم كلبشة يدى طفلة عمرها 12 سنة ام ان كونها لاتينية هو ما يستلزم كلبشة اليدين، وللا هم بيفلقونا بالحديث على المساواه والديمقراطية لكن من جوة باب النجار مخلع

---

و الله الكلمة كانت لسه على بالي
و انا متاكد ان الموضوع ده بسبب انها لاتينية

قال بلد الديمقراطية

ناس من بره هوبا هوبا و من جوه يعا يعا