انا حبيت اشارككم فرحتي باني حجزت السيارة كيا سيراتو ex وإن شاء الله استلمها الاسبوع القادم وارجو منكم ان تنصحوني بماذا أفعل عند الاستلام ايه الحاجات اللي المفروض اخد بالي منها وايه الحاجات اللي المفروض اراجعها
انا حجزت من موزع لكيا في المهندسين
عرض للطباعة
انا حبيت اشارككم فرحتي باني حجزت السيارة كيا سيراتو ex وإن شاء الله استلمها الاسبوع القادم وارجو منكم ان تنصحوني بماذا أفعل عند الاستلام ايه الحاجات اللي المفروض اخد بالي منها وايه الحاجات اللي المفروض اراجعها
انا حجزت من موزع لكيا في المهندسين
مليون مبروك ان شاء الله تستلم على خير
اما بالنسبه لاسئلتك فانا هاسيب وحوش كيا يفيدوك بكل التفاصيل ان شاء الله
أولا ألف مبروووووك وإنشالله عقبال ماتستلم وترخص ويسلم لو خدت نمرة جدو :)
بص عندك كام حاجة تبص عليهم وإنت بتستلم :
- أنا مش عارف إنت حاجز وكيل ولا خليجي بس بيتهيألي خليجي طالما حتستلم فخلال أسبوع المهم اتاكد هي أنهي مواصفة عشان كل الناس بتقول ابعد عن الأردني وخليك في السعودي طبعا حتقولي اعرف منين أولا حتسأل الراجل بتاع المعرض وتتأكد بنفسك من الحديدة اللي بتبقى عند باب السواق مكتوب فيها أنهي بلد واخر حاجة طبعا بتبقى مكتوبة في ورق الفرج الجمركي
- بص على الاستبن وتأكد إنه منزلش على الأرض واذا كانت الفئة اللي فيها جانط اتاكد إن الستبن زي الجنط
- اتاكد من كاسيت إنه شغال (إذا كانت الفئة العليا يبقى المفروض 6 Cd-changer MP3 )
- اتاكد من port el-USB شغال
- اتاكد من وجود الولاعة
- جرب التكيف مده بسيطة بس
- لو عربيتك فيها parking sensors اتاكد إنهم شغالين وانهم الأصلي مش متركبين برا (الأصلي بيكون داخل لجوا شوية مش بارز) في معرض بتنصب في الموضوع ده
مش عارف إذا كنت نسيت حاجة ولا لأ ياريت لو نسيت حاجة رجالة كيا الكبار يقولوا
أرجو أكون افدتك ومتنساش دعاء الركوب وربنا يبركلك فيها
مبروك مقدما وبأذن الله تستلم على خير
هو عاماً راجع كل حاجه فى العربيه بكل ما فى الكلمه من معنى
دوس على كل الزراير وراجع عملهم كلهم
وتعامل كأنك بتشترى عربيه مستعمله
ختى راجع على الصاج بأيدك
بردو شيك على العده و الكتلوج و الضمان
جرب طى الكنبه
وفتح الشنطه و البنزين من جوه
حتى الزماره
متسبش زرار بجد
وان شاء الله تستلم على خير
مبروووووك مقدما والوحوش قاموا بالواجب :)
ألف مبرووك و ربنا يديك خيرها و يكفيك شرها ان شاء الله.........
متشكر جدا يا جماعة
انا النهاردة رايح بالليل استلمها ادعولي
10000 مبروووووووووك
الف الف مبروك بس عايز اسأل انت ازاي استلمت بسرعة كدة مش الفروض في مدة كبيرة حوالي شهر بين الحجز والاستلام
يات ريت تفيدنا.......
الف الف مبروك بس عايز اسأل انت ازاي استلمت بسرعة كدة مش المفروض في مدة كبيرة حوالي شهر بين الحجز والاستلام ؟
يات ريت تفيدنا.......
السيراتو ex وكيل متوفرة بالسعر الرسمي استلام فوري عند بعض الموزعين اللي عايز يستلم ex بالرسمي يكلمني وانا اسلمه امبارح مش النهارده
حضرتك ممكن اعرف اسم الموزع مين لانه جايز يكون احنا على الاقل نعمل معاك الواجب
الحمد لله انا إستلمت امبارح ومبسوط جدا من العربية :ma:
انا اشتريت من موزع معتمد اسمه عربيات في المهندسين عند مسجد الحامدية الشاذلية
وزيادة عن السعر الرسمي حوالي 700 جنية (أنا شفتهم مش كتير) وهما ناس محترمين جدا ومتعاونين وسلمولي كل حاجة وراجعة معايا كل حاجة وجربنا كل الزراير من غير ما أطلب انا
مبروك يا باشا الاستلام وتكون خير عليك
:Ta_clap[1]:اللهم أرزقني خيرها وخير ما جلبت له وأصرف عني شرها وشر ما جلبت له
:satelite:
الف الف مبروووك ولازم تدعي الدعاء ده
وربنا يباركلك فيها
وعبالي
الف مبروك
وربنا يديك خيرها وخير ما صنعت له
ويكفيك شرها وشر ما صنعت له
وابقى اطمن على ضغط الاطارات
السلام عليكم
بالنسبه لex موجوده عند الوكيل بالسعر الرسمى وقتي فرع الدون تون اسكندريه عرض عليه تسليم فوري بس sx من شهر لشهر ونص
الف مبروك
ربنا يارك لحضرتك فيها
مبروك وننتظر التقرير
اسف جدا على تاخر التقرير بس كنت مشغول في حوارات الترخيص وتجربة العربية وكدا
وابدا تقريري معكم الان:
- انا عامل لغاية دلوقتي 400 كم
- السيارة فخمة بكل ما تحمله الكلمة من معنى تحس ان فيها مغنطيس وتبقى مش عايز تنزل منها
- صوت العربية بعد ما تسخن هادي جدا جدا لدرجة اني ساعات بنسى وبفتكرها مش دايرة
- ثبات العربية ممتاز
- تسارعها هايل (لاحظو ان اكتر سرعة لية لغاية دلوقتي 100)
- العفشة ناشفة شوية
- استجابة السيارة هايلة
- عندي مشكلة ان لما بركن بسمع صوت تزييق وانا بلف الدركسيون ناحية الشمال
- المرآة الداخلية لا تساعدك على الرؤية الواضحة لازم تعتمد على المرايات الجانبية
- صالون العربية واسع جدا جدا
- بشكل عام انا راضي تماما عن العربية
أرجو ان اكون وضحتلكم الصورة عن العربية ومستعد لاي استفسارات
بالمناسبة يا جماعة روحت اضبط الهوا بتاع الكاوتش على 32 تخيلوا لقيتو كان كام؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
كان 46:8954[1]:
انا ضبطه في موبيل على فكرة بالجهاز الديجيتال
1000 مبروك و عقبال البي ام
و منتظرين تقريرك بسرعه
بص على الاستبن وتأكد إنه منزلش على الأرض واذا كانت الفئة اللي فيها جانط اتاكد إن الستبن
زي الجنط
لو عربيتك فيها parking sensors اتاكد إنهم شغالين وانهم الأصلي مش متركبين برا (الأصلي بيكون داخل لجوا شوية مش بارز) في معرض بتنصب في الموضوع ده
Beeso
لو عربيتك فيها parking sensors اتاكد إنهم شغالين وانهم الأصلي مش متركبين برا (الأصلي بيكون داخل لجوا شوية مش بارز) في معرض بتنصب في الموضوع ده
هو التوكيل ممكن ينصب فى الحساسات الركن او الحاجات الى زى دى ويحط حاجات مش اصلية ولا ده يحصل بس فى الخليجى
شكرا