من فضلكم عايز خريطة إزاى أروح المنصورة من القاهرة
عرض للطباعة
من فضلكم عايز خريطة إزاى أروح المنصورة من القاهرة
الصراحة أنا ماروحتش قبل كده من القاهرة للمنصورة
بس ف اعتقادى إنك حتاخد الزراعى لحد بنها و قبلها بشوية تاخد طريق ميت غمر و لما توصل ميت غمر تاخد طريق الزقازيق إللى يوديك ع المنصورة عدل
و ياريت لو فى غلط حد يصححلى
و ربنا معاك
حضرتك تاخد الطريق الزراعى يابوب من شبرا لبنها وانت نازل وتشرف وتنور يابوب
وممكن بردو لحد بلبيس ثم الزقازيق ثم المنصوره
الزراعي لحد بنها وتلف وتطلع على الطريق الصغير (معرفش اسمه) وتفضل ماشي فيه لحد ما تلاقي نفسك في سندوب وكده تبقى وصلت
ممكن حضرتك تشوف اي بيجو او ميكروباص دقهليه وماشي من غير جري خليك ماشي وراه واتأكد ان خط السير اللي مكتوب على الازاز منصوره مش دكرنس
زي ما قال الشباب...
الزراعي لحد ما هتنزل نزلة يمين من على احد الكباري...
اي كبري؟
اقولك..
الزراعي اصلاً مليان كباري... الكوبري اللي و انت طالعه بيبقى على شمالك مصنع توشيبا العربي بتاع بنها.... اللي بعده هو اللي بيكون فيه النزلة اليمين (طريق ميت غمر - أجا - المنصورة - إلخ....)
مش متأكد ان كان فيه لوح إرشادية او لأ..
في طريقة تانية من القاهرة - بلبيس الصحراوي
تدخل الصحراوي من مدينة السلام او العبور توصل بلبيس بعديها الزقازيق ... لحد المنصورة
لكن طريق وحش جداً من الزقازيق للسنبلاوين ..مليان بلاد على الطريق و ضيق جداً و زحمة و مطبات و رايح جاي
خليك في الطريقة الأولى افضل..
الكوبري ده اسمه كوبري المنصوره وهتلاقي سهم يمين (المنصوره) بعد نزله الكوبري علطول خش يمين وبعدين هتلاقي اتجاه بنها يمين والمنصوره شمال .خد شمالك علطول هتبقي في المنصوره ولو كملت كمان 60 كيلو هتبقي عندنا في دمياط ونعمل معاك الانسانيه .تشرف طبعا ياباشا ..
أنا من المنصورة ومش هزود عن اللى قاله الزميل من دمياط وده طبعا المتوقع من اهل دمياط