سيراتو-sx؟ تحكم في استهلاك البنزين...

**Ahmed Hassan** · 08-02-2010 02:13 PM

المشاركة الأصلية كتبت بواسطة mmahdi

معدل البنزين بيزيد لما ضغط الكاوتش بيزيد أو يقل عن 32
الكلام ده في السيراتو sx بس و كل عربيه حسب ما هما قايلين في الـ user guide بتاعها وانا انصح بشده كل واحد يقرأ الـكتاب اللي جاي مع عربيته بتمعن لان في تركات صغيره ممكن تقع فيها و على سبيل المثال انك ما تفتحش او تقفل اكتر من زجاج كهربائي واحد مع بعض يعني ازاز ازاز الكلام ده مش ممكن تعرفه اللا لو قرأت الكتاب. خلينا فى موضوعنا
انا ما جربتش احط نيتروجين علشان اعرف هوا فعلا بيتأثر بدرجة حرارة الجو و لا لأ بس لو بيستحمل البرد هاروح احطه وش
و طريقة حساب البنزين , السيراتو sx بتحسب الـ average لوحدها يعني لما تدوس على زر trip فى page اسمها average وفيها الرمز ده l/100k

لما ضغط الكاوتش يزيد نظريا معدل استهلاك البنزين يقل مش يزيد.
لما ضغط الكاوتش يقل معدل الاستهلاك نظريا بيزيد لان العربيه بتبذل مجهود اكبر للتحرك من الثبات او للتسارع.

**Ahmed Samy** · 08-02-2010 03:39 PM

المشاركة الأصلية كتبت بواسطة ahmed hassan

لما ضغط الكاوتش يزيد نظريا معدل استهلاك البنزين يقل مش يزيد.
لما ضغط الكاوتش يقل معدل الاستهلاك نظريا بيزيد لان العربيه بتبذل مجهود اكبر للتحرك من الثبات او للتسارع.

كنت هاكتب كده برضه

ده كلام سليم

انا مش فاهم المشاركة الأولى كويس برضه

**aalim** · 08-02-2010 04:50 PM

هل بتمشى كتير فى وسط البلد و المهندسين مثلا الطرق الواقفه و لا المتوسط ده فى الشوارع اللى ماشيه نسبيا ؟؟
لأن صعب جدا تحقيق معدلات زى 6.5 فى وسط الزحمه
و اعتقد ان 8.5-9 يبقى حلو قوى (220-240 كيلو فى الصفيحه)

**mmahdi** · 08-02-2010 07:50 PM

المشاركة الأصلية كتبت بواسطة Beeso

معا احترامي لكلام سياتك :) مش فاهم ليه برده الإستهلاك حيزيد..أنا عارف إنه مكتوب الهوا يتظبط على 32 بس مفيش أي حاجة قالت إن ده ليه علاقة بالاستهلاك بتاع البنزين خالص فيريت توضحلي يمكن أكون مش واخد بالي

ثانيا يا باشا موضوع إنك تستخدم el-average اللي في ال TRIP meter ده غلط مليون في المية قولي ليه بقى ...عشان ده بيختلف قريته على حسب دوست رجلك عالبنزين ومشيك لو بتحرق ولا لأ وفوق ده وده إنه elaverage على حد علمي إنه cummulitive يعني بيحسب العربية استهلكت قد إيه بنزين ويقسمو على عدد الkm اللي إنت عملته وعشان اوضحلك أكتر جرب تعمله reset وبعدين شوف كده أول ماتمشي كام كيلو كده حتلاقيه عالي قوي ويعود ينزل عشان البنزين بيتقسم على رقم أكبر
أحسن وادق طريقة تحسب بيها البنزين إنك تفول العربية لحد أول تكة زي مافي ال كتالوج وبعدين تعمل reset لل trip وبعد كده لما تيجي تحت بنزين المرة اللي بعدها تفول تاني لحد أول تكة برده وتشوف خدت كام لتر.. بعد كده تشوف بقى العربية مشيت كام على el-trip اللي إنت كنت عمله reset وتقسم ده على ده تعرف الإستهلاك وهكذا

آسف للاطالة وارجو أكون افدتك

1-انا نفسي مش عارف ليه الاستهلاك زاد لما ظبطت الهوا مره على 33 لاقيت الاستهلاك فوق 9
طيب ما اقولك على حاجه, زود الهوا فى عربيتك عن 32 و جرب و قولي..
اه افتكرت .. اول ما استلمت العربيه من ابو رواش كان برده الاستهلاك فوق الـ 9 و ساعتها كان الضغط 45. وبكده نوصل لنتيجه واحده ان الضغط فوق الـ 32 بقليل او بكتير = استهلاك اعلى
اللي انت تقصد تقوله ان اقصى سرعه للعربيه هيه اللي ممكن تزيد لو ضغط الكاوتشات عالي
و مع احترامي ليك ماتحاولش تقنعني ان الـ average meter واللي بيقيس الاستهلاك كل 10 ثواني يكون cumulative بص انا من ساعة ما اشتريت العربيه وانا مثبت الـ page بتاعت الـ average و عارف امتى بالظبط الاستهلاك بيتغير وانا ماشي وانت نفسك قلت بيختلف قرايته على حسب دوست رجلك عالبنزين ومشيك لو بتحرق ولا لأ. ازاي بقى cumulative ؟
اما بقى بالنسبه للـ reset فانا عملته كتير لحد ما اتطمنت انه مش بيعوك

**mmahdi** · 08-02-2010 07:56 PM

المشاركة الأصلية كتبت بواسطة aalim

هل بتمشى كتير فى وسط البلد و المهندسين مثلا الطرق الواقفه و لا المتوسط ده فى الشوارع اللى ماشيه نسبيا ؟؟
لأن صعب جدا تحقيق معدلات زى 6.5 فى وسط الزحمه
و اعتقد ان 8.5-9 يبقى حلو قوى (220-240 كيلو فى الصفيحه)

70 % من تحركاتي محور و دائري وواحات ومتوسط الاستهلاك 8.4 و لو فيه اختلاف ضغط في الكاوتشات الاربعه عن بعض تلاقي 9 و 9.6 و 10 كمان

**Beeso** · 09-02-2010 11:00 AM

المشاركة الأصلية كتبت بواسطة mmahdi

1-انا نفسي مش عارف ليه الاستهلاك زاد لما ظبطت الهوا مره على 33 لاقيت الاستهلاك فوق 9
طيب ما اقولك على حاجه, زود الهوا فى عربيتك عن 32 و جرب و قولي..
اه افتكرت .. اول ما استلمت العربيه من ابو رواش كان برده الاستهلاك فوق الـ 9 و ساعتها كان الضغط 45. وبكده نوصل لنتيجه واحده ان الضغط فوق الـ 32 بقليل او بكتير = استهلاك اعلى
بص بصراحة أنا شايف إنه خطر ومش صح إني اظبط الكاوتش على أكتر من 32 طبعا عشان لاقدر الله ممكن يضرب مع مطب ولا حاجة فده أنا بصراحة مش حجربها.

اللي انت تقصد تقوله ان اقصى سرعه للعربيه هيه اللي ممكن تزيد لو ضغط الكاوتشات عالي
و مع احترامي ليك ماتحاولش تقنعني ان الـ average meter واللي بيقيس الاستهلاك كل 10 ثواني يكون cumulative بص انا من ساعة ما اشتريت العربيه وانا مثبت الـ page بتاعت الـ average و عارف امتى بالظبط الاستهلاك بيتغير وانا ماشي وانت نفسك قلت بيختلف قرايته على حسب دوست رجلك عالبنزين ومشيك لو بتحرق ولا لأ. ازاي بقى cumulative ؟
اما بقى بالنسبه للـ reset فانا عملته كتير لحد ما اتطمنت انه مش بيعوك

أنا بقى اللي عندي فكرة ياريت تعملها إنك تجارب تحسب كده الاستهلاك بالطريقة اللي قلتلك عليهـا وهيا مش حتكلفك أي حاجة غير بس إنك تعمل reset lel-trip لما تمون وتحسبها زي مقلتلك قبل كده وياريت يكون ال average trip دقيق وانا عن نفسي حجرب اشوفه كده برده انشالله

الرد في الرسالة

**mmahdi** · 09-02-2010 05:44 PM

المشاركة الأصلية كتبت بواسطة Beeso

الرد في الرسالة

اوك الموضوع سهل و ان شاء الله مش هاياخد وقت لأني فعلاً بعمل reset للـ Trip كل ما افاول من اول فصله :))

**د.محمود صلاح** · 09-02-2010 11:17 PM

حاجات كثيرة بتقلل الإستهلاك:-

طريقة القيادة - ضبط ضغط الهواء - الحمولة الزائدة - فتح الشبابيك أثناء السفر - تشغيل المكيف - نوع الأسفلت ناعم ولا خشن .... الخ

**aalim** · 10-02-2010 08:08 PM

طريقه السواقه هى اللى بتفرق
انا لما باسوق من غير ما أقرص على البنزين ممكن اوصل الى 9.5 لكل 100 كم ع العلم ان متوسط السرعه اللى الكومبيوتر كاتبه 25-28 كم فى الساعه و كل سواقتى زحف فى الدقى و المهندسين و القصر العينى و الدايرى
و انا اعتبر ده معجزه فى عربيه اوتوماتيك
اللى يسوق سواقه رزينه و يخف رجله عن دواسه البنزين بالتأكيد يوفر بنزين جامد