الموضوع: الطريقة الصحيحة لتزويد مياة الرادياتير

ان كنت راح تزد المياه قبل ما تمشى باعربيه الصصبح طبعا راح تكون بارده يبقى عادى خالص زود الردياتير من غير ما تدور و لا حاجه و ممكن طبعا تود القربه لو كانت ناقصه . ان كانت العربيه سخنه فالازم لازم لازم تزود الردياتير و العربيه شغاله علشان لا يتأثر وش السلندر و يحدث به اى تلف
بالنسبة للمياه الخضراء خلى بالك من حاجه مهمه كل ردياتير له نوع مياه مخصوص حتى انت تلاقى مياه خضراء و زرقاء و حمراء فاريت لو الراجل اللى بيبع لك المياة يعرف ايه المناسب لعربيتك يكون افضل لان ممكن تتسسب فى مشاكل بدلا من انها تحل مشاكل

جزاكم الله خيراً

المشاركة الأصلية كتبت بواسطة marsguy

السلام عليكم ورحمة الله وبركاته،،،

أنا عاوز أعرف الطريقة الصحيحة لتزويد مياة الرادياتير ...

هل أزوده والعربية دايرة وبعد العربية ما تكون سخنت ولا أبطل العربية الأول؟

ولا أزوده الصبح والعربية باردة خالص؟

وأزود القربة كمان ولا ما فيش داعي؟

وإيه رأيكم في المياه الخضراء؟ هل فعلاً بتفرق؟

جزاكم الله خيراً

خلاصة القول يا استاذي ، إن العربية لو سخنه يبقى لازم تزودها وهي دايرة اما لو كنت هاتزود الصبح والعربية باردة تماما يبقى ممكن تزودها عادي من غير ماتدور وخلي بالك في عربيات بتبقى دورة التبريد فيها مغلقة زي معظم الفولكسفاجن وده معناه إن الرادياتير ما بيبقاش فيه فتحة للتزويد وبالتالي فإنت دائما بتزود من القربة.

أما بالنسبة لنوع المياة جميع مياه التبريد بيكون المكون الاساسي فيها إثيلين جليكول بتركيزات مختلفة (تتراوح من 33 إلى 50 %) ، وده إللي بيقوم بعملية التبريد ويمنع تجمد المياه وبيبقى فيه إضافات تانية لمنع الصدأ وهي دي إللي بتفرق من موتور للتاني فكل ماركة بتوصي بمكونات معينه في مياه التبريد وعموما لو عايز المسالة بشكل عام يبقى عندك نوعين المواتير الجديدة وإللي نظام التبريد فيها بيكون ألومنيوم وحتى الموتور نفسه بيكون الومنيوم ودي بيفضل ليها المياه المعتمده على Organic acid technology وبيبقى في الغالب لونها احمر ، أما العربيات القديمة إللي فيها نظام التبريد نحاس او غيره فتستعمل مياه تبريد تقليدية خضراء وفي جميع الاحوال لازم ترجع لدليل الصيانة الخاص بالسيارة لمعرفة المواصفات المحددة وعموما ماركة المياه الوحيده إللي المواصفات واضحه فيها في مصر هي مياه موبيل.

تحياتي

الأخ pcegypt

أنا عربيتي هوندا سيفيك 1993

يا ترى نظام التبريد فيها نحاس ولا ألومنيوم؟ أصل أنا لسه شاريها ومش بافهم أوي في الحاجات دية للأسف

شكراً

المشاركة الأصلية كتبت بواسطة marsguy

الأخ pcegypt

أنا عربيتي هوندا سيفيك 1993

يا ترى نظام التبريد فيها نحاس ولا ألومنيوم؟ أصل أنا لسه شاريها ومش بافهم أوي في الحاجات دية للأسف

شكراً

للأسف الشديد انا ماليش خبرة في الياباني وخصوصا القديم فإنت ممكن ترجع لكتيب الصيانه الخاص بالسيارة وممكن تسأل برضه الإخوة في منتدى الهوندا ، وبالتوفيق إن شاء الله.

تحياتي