السلام عليكم ورحمة الله وبركاته
دى اول مشاركة ليا فى المنتدى
انا اسمى محمود وعندى مازدا 3 موديل 2008 العربية بسم الله ما شاء الله عليها بجد تحفة هى عاملة معايا 50000 كيلو وبجرى بيها تقريبا بوصل 180و190كم وطبعا ثبات ممتاز الله اكبر هى بس عيبها الوحيد حريقة بنزين
كانت مشكلتى مع المازدا ابتدت لما جيت أغير تيل الفرامل الامامى انا مشتريها خليجى المهم رحت سونستا وسالته على التيل الامامى المسؤل اللى هناك قالى انت مشتريها من عندنا قولتله لا قالى خلاص يبقى التيل الامامى ب800 جنيه قولتله ليه ياعم هو تيل بى ام قالى لو كنت مشتري العربية من عندنا كان هيبقى فى خصم قولتله كام يعنى قالى كان هيبقى ب 650 جنيه سيبته ومشيت واتصلت بنفس الراجل المسؤل ده وسالته فى التليفون هو تيل الفرامل بكام عندكم والله العظيم قالى ب 400 جنيه
المهم رحت اشتريت التيل من شارع دمش طلع وحش جدا وبعد كده اشتريته من غبور كان فى حدود 280 جنيه تقريبا وكان بجد تحفة وزى الاصلى تماما
المهم انا قولت طيب ما انا اخويا فى السعودية ما اخليه يجبهولى من هناك وكانت المفاجاة يا جماعة ان توكيلات العربيات هناك بتعمل عروض على قطع الغيار يعنى مثلا لما اشترى سير الكاتينة اخد واحد تانى مجانا ولما اشترى 2 تيل فرامل عملوله خصم كبير وجابلى كمان فلتر الهواء والبنزين والصراحة دلعنى احلى دلع
نصيحة منى اللى ليه حد برا مصر خليه يشترى الحاجات اللى عاوزها لعربيته من برا والله احسن
وحاولت مرة انى اشترى قطع الغيار من دبى من على طريق النت من وكيل مازدا هناك بس قالى مش بنقبل الماستر كارد خالص للاسف
المشكلة بئا انا مش عارف لما اجى اغير سير الكاتينة اروح اى مركز صيانة دى المشكلة ومش معايا الجدول بتاع مواعيد الصيانة انا لحد دلوقتى كل اللى بغيره اما تيل فرامل او زيت موبيل 1 او بربط العفشة مش اكتر.
ولو فى حاجه ممكن اساعدكم فيها انا تحت امركم :satelite:
وعاوزين يا جماعة نقوى شوية من قسم المازدا لانى شايف انه مش شغال اوى زى باقى الاقسام ولا احنا محتاجين حد فى التسويق:verygood:
