السلام عليكم
اخوكم معاه سبرانزا 516 موديل 2008 وبقالى سنتين متعذب فى حياتى علشان العفشة بتاعتها وبصراحة انا اصلا من سنتين كنت رايح اشترى لانوس لكن اغريتنى الاسبرانزا من كتر الاوبشن اللى فيها مقارنة بالانوس فعلا ومافيش 6 شهور وعرفت المطب اللى انا وقعت فيه طبعا العربية عفشتها سيئة جدا جدا جدا المهم عانيت من الموضوع ده كتييييير جدا وقررت ابيع العربية اكتر من مرة بسبب العفشة لكن كانت بتقف على حاجات غريبه وفى الآخر اهتديت لفكرة وسألت وعرفت انها ممكن تحصل وهيه انك ممكن تركب عفشة الانسر البومه على اسبرانزا 516 علشان هما قريبين قوى من بعض وكمان من غير تعديل فى حاجه وروحت اشتريت طقم مقصات وطقم مساعدين وطقم طنابير وطقم تيل وبعد كده ركبت جنط 16 بوصة تايلاندى بس محترم اوى وركبت كاوتش 205/16/45 وبكده العربية بقت عفشتها ممتازه وكمان الجنط غير شكل العربية خالص والموضوع اتكلف حوالى 7 الآف جنيه للعفشة و 4500 للجنوط والكاوتش بس بجد الموضوع يستاهل حقيقى