لمتابعى البورصة: بخصوص إكتتاب أوراسكوم تليكوم

يا جماعة شوفتوا الإكتتاب العجيب بتاع أوراسكوم تليكوم ؟ اللى مانقدرش نوصفه المرة دى غير إنه شديد الذكاء
الراجل كدة بيجمع من السوق (بالذوق أو بلوى الدراع مش فارقة) حوالى 5 مليار جنيه كاش ، وفى نفس الوقت بيجمد جزء كبير من التعامل على السهم (وخصوصاً تعاملات البيع) إلى أجل غير مسمى لغاية ما يوزع الأسهم على المساهمين ويفتحلهم باب المتاجرة فيهم وده بعد عدة شهور على أقل تقدير
إيه تصوركم للى بيحصل ده ؟ بالنسبة لنجيب وبالنسبة لصغار المساهمين ؟
وهل الموضوع يحتوى على ميزة لصغار المساهمين عشان بعد نزول السهم من 28 إلى 6 جنيه هيبقا فيه إمكانية إنه يطلع تانى لحدود سعرية عالية ؟ وهل اللى هيكتتب فى السهم أحسنله يجنى أرباح أول ما يتفتح للتعامل ولا يمر بفترة الهبوط المتوقعة و ينتظر صعود السهم لحدود سعرية أعلى ؟
إيه تحليلكم للموضوع ؟

متابع بإهتمام لأنى ناوى اشترى اسهم فيها و محتاج افهم الموضوع بالتفصيل شوية و ياريت يا استاذ سامح لو تشرح الموضوع بتفصيل شوية

متابع وباهتمام .. وشايف ان كدا لعبة ذكاء منه بس فعلا هيعطل ناس كتير .. يعني عايز حد مش عايز ارباح سريعة دا عايز ناس عادية اكتر . بس المشكلة في اجل غير مسمى دي .. اصل كدا هيعلئك ..

اقتباس:

---

المشاركة الأصلية كتبت بواسطة sameh

يا جماعة شوفتوا الإكتتاب العجيب بتاع أوراسكوم تليكوم ؟ اللى مانقدرش نوصفه المرة دى غير إنه شديد الذكاء
الراجل كدة بيجمع من السوق (بالذوق أو بلوى الدراع مش فارقة) حوالى 5 مليار جنيه كاش ، وفى نفس الوقت بيجمد جزء كبير من التعامل على السهم (وخصوصاً تعاملات البيع) إلى أجل غير مسمى لغاية ما يوزع الأسهم على المساهمين ويفتحلهم باب المتاجرة فيهم وده بعد عدة شهور على أقل تقدير
إيه تصوركم للى بيحصل ده ؟ بالنسبة لنجيب وبالنسبة لصغار المساهمين ؟
وهل الموضوع يحتوى على ميزة لصغار المساهمين عشان بعد نزول السهم من 28 إلى 6 جنيه هيبقا فيه إمكانية إنه يطلع تانى لحدود سعرية عالية ؟ وهل اللى هيكتتب فى السهم أحسنله يجنى أرباح أول ما يتفتح للتعامل ولا يمر بفترة الهبوط المتوقعة و ينتظر صعود السهم لحدود سعرية أعلى ؟
إيه تحليلكم للموضوع ؟

---

ياريت تشرح الموضوع بالتفصيل شوية و اكون لك من الشاكرين

متابع بإهتمام

متابعين ايه
متهيالي الاكتتاب اتعمل وخلص خلاص
ادخلوا المواقع بتاعة البورصة واتاكدوا منها اكتر

الإكتتاب كان مقصور على مالكى الأسهم قبل قرار التجزئة ، لأن هم دول الناس اللى اتحملت خسارة من 28 جنيه لحوالى 6 جنيه للسهم ، فكان لازم يكتتبوا فى السهم عشان ياخدوا التوزيع بالقيمة الإسمية للسهم ، عشان كدة قولت بالذوق بالعافية لأنه بيجبر حاملى الأسهم على الإكتتاب عشان يعوضوا الخسارة الكبيرة وبالتالى هو استفاد من التمويل ده اللى قيمته حوالى 5 مليار جنيه كاش دفعها حاملى الأسهم بمزاجهم أو غصب عنهم دخلت جيبه من غير أى إستثمارات جديدة غير إنه قسم السهم
طبعاً الإكتتاب خلص خلاص واللى عايز يشترى دلوقتى يشترى من السوق بسعر السوق (حوالى 6 جنيه ونص للسهم) وده سعر كويس جداً ومتوقع إنه يزود نشاط السهم عشان سعر مغرى وأمامه لسة مساحة كبيرة يتحرك فيها

فيه إحتمال صغير أوى إن الإكتتاب مايكونش اتغطى وبالتالى يعمل طرح تانى للإكتتاب وفى الحالة دى ممكن أى حد يقدم فيه سواء كان معاه السهم وقت التجزئة أو لأ ، بس ده إحتمال ضعيف ولو حصل هتكون الكمية قليلة عشان زى ماقولنا حاملى الأسهم خسروا فكان إجبارى عليهم يكتتبوا عشان يعوضوا الخسارة وأكيد معظمهم عمل كدة بالفعل ، ولو ماعملوش هيبقوا مش كتير وهم دول اللى نصيبهم هيطرح للإكتتاب تانى مرة لو حصل

ياريت تحليل لسعر السهم الحالى و توقعات الناس اللى متابعة الموضوع بخصوص ارتفاع او انخفاض السعر

سعر كويس يمثل بداية التسعير الجديد عشان كدة فرصة كويسة إنك تلححقه فى أوله وتطلع معاه إن شاء الله ، السهم ده كان فى وقت من الأوقات بعدة مئات من الجنيهات ، ومر بعدد من عمليات التجزئة عشان ينخفض سعره لكن كل مرة كان بيطلع تانى بنسب زيادة قوية ، قبل عملية التجزئة الأخيرة كان بيتحرك فى حدود ال 30 جنيه للسهم ، المرة دى اتقسم ونزل سعره ل 5 جنيه وشوية من حوالى شهر ، النهاردة هو بحوالى 6 جنيه ونص ومتوقع طبعاً إنه يستمر فى الزيادة على المدى الطويل لأن السعر ده قليل على السهم ده وهيسمح بنشاط كبير عليه والناس هتتقبل إنها تتعامل عليه بأسعار أغلى لأنه طول الوقت كان بيتحرك فى حدود سعرية أعلى بكتير من دلوقتى
وللعلم سهم أوراسكوم من الأسهم اللى الشركة محافظة عليه كويس أوى ، يعنى مابيسمحش إنه يخسر كتير ولو حصل زى وقت أحداث الجزائر ، ساويرس بيحط تقله فيه وبيسند السهم ويرفعه من جديد زى ما حصل برضه عقب أزمة الجزائر على طول
وعموماً فى البورصة مافيش حاجة مضمومنة عشان تبقا فاهم ، بس الكلام بيبقا من واقع تاريخ السهم والشركة

اقتباس:

---

المشاركة الأصلية كتبت بواسطة sameh

سعر كويس يمثل بداية التسعير الجديد عشان كدة فرصة كويسة إنك تلححقه فى أوله وتطلع معاه إن شاء الله ، السهم ده كان فى وقت من الأوقات بعدة مئات من الجنيهات ، ومر بعدد من عمليات التجزئة عشان ينخفض سعره لكن كل مرة كان بيطلع تانى بنسب زيادة قوية ، قبل عملية التجزئة الأخيرة كان بيتحرك فى حدود ال 30 جنيه للسهم ، المرة دى اتقسم ونزل سعره ل 5 جنيه وشوية من حوالى شهر ، النهاردة هو بحوالى 6 جنيه ونص ومتوقع طبعاً إنه يستمر فى الزيادة على المدى الطويل لأن السعر ده قليل على السهم ده وهيسمح بنشاط كبير عليه والناس هتتقبل إنها تتعامل عليه بأسعار أغلى لأنه طول الوقت كان بيتحرك فى حدود سعرية أعلى بكتير من دلوقتى
وللعلم سهم أوراسكوم من الأسهم اللى الشركة محافظة عليه كويس أوى ، يعنى مابيسمحش إنه يخسر كتير ولو حصل زى وقت أحداث الجزائر ، ساويرس بيحط تقله فيه وبيسند السهم ويرفعه من جديد زى ما حصل برضه عقب أزمة الجزائر على طول
وعموماً فى البورصة مافيش حاجة مضمومنة عشان تبقا فاهم ، بس الكلام بيبقا من واقع تاريخ السهم والشركة

---

شكرا لمتابعتك يا استاذ سامح