سؤال مجنون للبيتلزاويه ؟؟

**Ralliart** · 07-02-2010 06:29 PM

السلام عليكم ورحمة الله وبركاته
نظراً للمبالغه الكبيره في اسعار المستعمل ومش لاقي اي حاجه نضيفه
ونظراً اني بحب الافكار المجنونه :b4_282:
جات في دماغي فكره اني اجيب بيتل بـ8 الاف مثلاً واصرف عليها لحد ضعف تمنها
بس تبقى كابريوليه !
هل في بيتل كابريوليه في مصر ؟؟وعلى حد علمي ان البودي بتاع العربيه دي ممكن تشيله وتجيب واحد تاني فهل بتوع الاستيراد ممكن يكون عندهم بودي كابريوليه جاهز
وهل ممكن اعملها (اقطع السقف ) والاقي مين يعمل السقف المتحرك

*ملحوظه انا مش عايز العربيه دي كعربيه وخلاص فمحدش يقولي هات 131
انا عايز تحفه فنيه يعني على حسب اللي في دماغي تبقى كابريوليه وارشها ازرق زهري وجنوط نيكل كبيره والفرش والسقف المتحرك يبقو جلد ابيض والحمد لله معايا اجيب عربيه اغلى من كده بس كل اللي بشوفه حالته تقرف انما دي هبقى انا اللي عاملها بنفسي وكمان عربيه بحبها

**smsmxxxxxx** · 07-02-2010 07:37 PM

مصطفى باشا
انا شفت عربية فى مدينة نصر صاحبها عاملها كابورليه
بس تحفة بمعنى الكلمة
هى موديل ستينات طراز 1300
بس معدل فيها تعديلات جامدة
واحلي تعديل عامله انه شايل قوائم الزجاج الامامي ومركب قوائم وزجاج سيارة تانية
لان شكلهم مش بتوع بيتل من اى طراز
حتى القوايم مش حديد وبس لاء عليها طبقة بلاستيك اسود زى العربيات الحديثة
دا غير الدهان كان جامد لونين في بعض مع عمل اشكال مربعات باللونين على الرفارف اللي ورا
وكبوت الموتور هي كانت احمر غامق فى فضي بس درجاتهم متناسقة

اما التكاليف فمعتقدش ان 8000 كفاية
لان دهان البودى بس بالسمكرة الخفيفة ممكن يوصل 3000 لوحده
غير الجنوط والكاوتش 3000 كمان لان لازم تعمل تعديل على الطنابير وتركب فلانشات
علشان تحطلها اى جنوط لان البيتلز ليها سرة طالعة من الطنابير
دا غير الفرش 1000 ارضية وببان واجناب لان مفيش سقف
وطبعا محتاجة كراسي حديثة زى الجولف نقول 1500
وطبعا عدادات نضيفة مع عداد rpm وقطمة جولف 2 واكيد فوانيس جديدة وضفيرة كهرباء جديدة الحجات دى سعرها عالي برضه

اللى فات دا كله غير التعديل اللى انتا عايزه قص السقف وتركيب السقف الجلد وتعديلات القوائم
دول بيتعملوا في الحرفيين بس مش عارف بكام

يعنى باختصار لو جبت عربية كويسة موتور ورقبة وعفشة وشاسيه هتعمل من 7000 الى 8000 لو حالة البودى تعبانة والفرش تعبان (انا عملت كدة)
وبعد كدة شدها هيتكلف حوالي 8000 جنيه

ولو عايز تقلبها كابورليه وتعملها تصميمات بالفبر دى طبعا تكاليف تانية

بس النتيجة هتعجبك لان الترويش بيليق فيها جدا

فكر واحسبها كويس من ناحية الفلوس وقرف الصنايعية

--------
محمد سالم

**Ralliart** · 07-02-2010 08:36 PM

اشكرك على ردك ويا ريت لو عرفت توصل للراجل ده تجيبلي نمرته وانا هبلغ اصحابي اللي في مدينة نصر
ممكن اعلي ميزانية التعديل شويه بس ألاقي حد يعمل الشغل على مزاجي ويبقى نضيف

**ramremo** · 07-02-2010 10:26 PM

فكره جامده ياباشا وياريت لو وصلت لاى جديد تطلعنا عليه من حيث صور العربيه وتكلفتها الاجماليه وان شاء الله كمان لو وصلنا لحاجه فى الموضوع ده ندي لحضرتك فكره

**Ralliart** · 07-02-2010 11:06 PM

المشاركة الأصلية كتبت بواسطة ramremo

فكره جامده ياباشا وياريت لو وصلت لاى جديد تطلعنا عليه من حيث صور العربيه وتكلفتها الاجماليه وان شاء الله كمان لو وصلنا لحاجه فى الموضوع ده ندي لحضرتك فكره

ان شاء الله لو وصلت لحاجه هقول بس غالباً عشان الموضوع ده هياخد وقت كتير فهأجله للصيف وممكن ساعتها انزل بورسعيد واجيب العربيه واعملها هناك لاني سمعت ان عندهم قطع غيار كتير للبيتل

**ramremo** · 07-02-2010 11:40 PM

ملاحظه بسيطه انا لاحظتها ان اكتر عدد عربيات بيتلز كابورليه شفتها فى اسكندريه ,, يعنى لو عندك صديق اسكندرانى او حتى بيتلزاوى فى المنتدى من اسكندريه ممكن يفيدك اكتر فى الموضوع ده

**ابوهاشم** · 07-02-2010 11:59 PM

فكرتك جميله جدا
بس انصحك تبحث عن سياره بيتل فيها اغلب اللى بالك
علشان هتوفر عليك كتير فلوس ومجهود
على الاقل لو فيها شوية شغل تبقى حاجه بسيطه
وربنا يوفقك
وفى الاخر برضه البيتل تستاهل
والترويش بيبان فيها
انا شوفت عربيه فى المعادى بنفس المواصفات دى
كان لونها نبيتى ميتالك
وكانت تحفه فعلا بس للاسف ماكنش معايا كاميرا
كنت صورتها ونزلتها هنا

**Ralliart** · 08-02-2010 02:06 AM

المشاركة الأصلية كتبت بواسطة ramremo

ملاحظه بسيطه انا لاحظتها ان اكتر عدد عربيات بيتلز كابورليه شفتها فى اسكندريه ,, يعنى لو عندك صديق اسكندرانى او حتى بيتلزاوى فى المنتدى من اسكندريه ممكن يفيدك اكتر فى الموضوع ده

بجد ؟ انا نفسي اشوف واحده كابريوليه
ياريت الاعضاء الاسكندرانيه يفيدونا

المشاركة الأصلية كتبت بواسطة hashem1999

فكرتك جميله جدا
بس انصحك تبحث عن سياره بيتل فيها اغلب اللى بالك
علشان هتوفر عليك كتير فلوس ومجهود
على الاقل لو فيها شوية شغل تبقى حاجه بسيطه
وربنا يوفقك
وفى الاخر برضه البيتل تستاهل
والترويش بيبان فيها
انا شوفت عربيه فى المعادى بنفس المواصفات دى
كان لونها نبيتى ميتالك
وكانت تحفه فعلا بس للاسف ماكنش معايا كاميرا
كنت صورتها ونزلتها هنا

المشكله ان كل واحد حط جنيه في عربيته عايز ياخده اتنين ولو لقيت بيتل مش محتاجه سمكره ومتجنطه هتلاقيه ضارب اسعار غريبه وضارب سعر العربيه في اتنين مع ان اللي معمول فيها ميستاهلش واكيد اكيد مش هتبقى زي ما انا عايز
انما لو كابريوليه هيحسسك انها مكوك فضائي لدرجة اني شفت واحد عارض جولف 1 كابريوليه ب65 الف !!!!!! يعني 3-4 اضعاف سعرها

على العموم ربنا يسهل لحد الصيف لو ملقتش عربيات مستعمله محترمه هنفذ الفكره دي ان شاء الله
وشكراً لمرورك

**asaeed** · 08-02-2010 10:56 AM

ربنا يوفقك ومتابعين معاك الموضوع باهتمام

**amo400** · 08-02-2010 04:28 PM

بص يا باشا اوعى تقطع سقف بيتل كاملة هاتبوظ الدنيا و العربية بعد ال 60 كم هاتغربل و تتطوح و تكرها الكابورلية الاصلية مظبوت وزناه و معوضين السقف بتقل فى الارضية لضبط الوزن اقتراحى ليك هات بيتل كابورلية قديمة و روح عند بتوع الامريكانى فى الحرفين هايعملوا السقف المتحرك و اقطع من الرفرف داير تقدر تحط لحد جنط 17 و انا مجنون اكتر منك ابتدى و انا معاك والافكار تتوالد بيننا و لو اتقنا نجيب اتنين و نشدهم سوا