الخبطه العجيبه

**dr_3eshoo** · 23-12-2007 12:51 AM

معلش يا جماعه كنت عاوز اخد رايكم في حاجه
بابا معاه نيسان صني و بعدين مره كان في بورسعيد و اخويا بينزل من العربيه و هو بيفتح الباب جه سواق تاكسي ابن حلال خبط الباب
هيا موديل 2006 تجميع محلي طرف الباب اتعوج لكن الباب سليم بس المفصلات اتعوجت برضه
ابن خالتي قال في سمكري يردها
انا بقول اغير الباب كله يعني باب استيراد و افك الفرش و اركبه علشان ميتعرفش عند البيع
انا نسيت اقول انه الباب الورا يمين و طرف الباب اتنى مطرح ما بيقفل
ايه رايكم

**Dr Ahmed** · 23-12-2007 12:56 AM

..........

لو هتغيره نزاهة غيّره....
إنما لو علشان مبدأ (علشان ميتعرفش عند البيع) يبقى لا تعليق.

**mohaismail** · 23-12-2007 01:06 AM

ميتعرفش عند البيع ليه ؟؟؟
بالعكس انت لما تيجى تبيعها لازم تقول على كل اللى فى العربية بكل امانة علشان ربنا يباركلك فى الفلوس وفى الاخر كلنا هنتحاسب

**ahmedsrs** · 23-12-2007 01:10 AM

لو هتغيره نزاهة غيّره....
إنما لو علشان مبدأ (علشان ميتعرفش عند البيع) يبقى لا تعليق.
__________________

فعلا انا مع الكلام ده

SS · 23-12-2007 01:34 AM

لو الخبطة ف الباب بس يعنى مش مأثرة على اى حاجة جوه زى ما حضرتك ذكرت ..يبقى مفيش مشكلة و ما فيش ف رأيى داعى لموضوع تغيير الباب ده اهم حاجة بس انك تعمله عند سمكرى كويس و اتأكد انه ظبط الباب وريحه كويس ... وبعدين موضوع الباب ده ما اعتقدش انه مؤثر عند البيع زى ما انت متخيل ، و حتى لو مؤثر فهيبقى بسيط...و بعدين لما تيجى تبيع ياسيدى يبقى يحلها ربنا و هو انت ضامن انك لو جيبت باب جدي-د لا قدر الله بعد الشر- مايتحكش ولا يتخبطش تانى لحد ما تيجى تبيع خاصة ف ظل النظام و السلوكيات الرائعاللى عايشين فيها ...و برده استنى رد خبراء المنتدى اكيد هيفيدوك اكتر.

**الريس** · 23-12-2007 02:10 AM

سمكرها و سيبها .. علشان متغيرش و تتخبط تاني

**mohaismail** · 24-12-2007 12:31 AM

نفس الرأى سمكرها وسيبها

**dr_3eshoo** · 26-12-2007 12:08 AM

متشكر يا جماعه بجد
بس الباب بيتقفل بصعوبه بسب المفصلات و واحد صاحبي قالي مش هيرج ابدا كويس
فقلت اغير الباب احسن
معلش هتقل عليكو اجيب باب استيراد منين و لو في التوكيل هيبقى في حدود كام