ميلاد نجم جديد فى سماء الكرة المصرية
بالرغم من انى لست من المشجعين المتحمسين للكورة الا انى اعتقد بان لى وجهة نظر فنية متواضعة فى الاعبين وخاصة الصاعدين منهم واذكر اعضاء المنتدى الكرام بانى عملت موضوع عن جدو قبل كاس الامم وقلت فيه انه نجم سوبر فوق العادة وشبهته بمحمود الخطيب الجديد والحمد لله صدق حدسى واللاعب ماشاء الله كان نجم البطولة الافريقية دلوقت الاندية كلها بتتخانق عليه وربنا يحفظه ويوفقه للخير لنفسه ولبلده
النهارده انا اعلن ميلاد نجم جديد لفت انتباهى جدا فى مباراة الاتحاد وبتروجيت وبرضه فى الاتحاد وزميل جدو وبيلعب فى نفس المركز وهو اللاعب محمد المرسى والله لعيب كبير قوى واحرزهدف جميل لما نزل بدل جدو وياريت لو الاندية الكبيرة بتدور على هدافين بدل لما يروحو يجيبوا لاعبين درجة تانية من افريقيا مانعطى فرصة للناس دى احسن على الاقل بيكونوا افضل للمنتخب ولمصر
وانا باحذر من دلوقتى علشان ما تحصلشى خناقة عليه زى جدو اللى عاوز المرسى يلحق من دلوقتى قبل ما سعره يزيد ويعمل مشكلة بين الاهلى والزمالك وانا رايى انه الاهلى يسيب جدو للزمالك وياخد المرسى والله العظيم لعيب كبير اوى وعارف سكة الجون زى جدو بالظبط
ياريت لو حد يعرف الاداريين فى الاهلى يبلغهم الرسالة دى
وسامحونى لانى اهلاوى برضه وباحب الخير للنادى اللى باشجعه