المساحة والراحة لكنبة النيو سيراتو
السلام عليكم ورحمة الله
يا جماعة انا كنت محتار بين النيو سيراتو والفيات لينيا ودخلت هنا في المنتدى على قسم المقارنات لاقيت ان الشكل الخارجي لصالح السيراتو اما في توفير البنزين كان لصالح اللينيا وده طبيعي بس الغريبة بقى ان لاقيت ان الناس بتقول ان الوسع الداخلي للينيا اكبر من السيراتو:dzey:
فالصراحة اتكلت على الله وروحت اشتري اخر عربية لينيا لاقيتها في السوق
المهم اول ما روحت المعرض اتفاجئت ان العربية رفيعة من برا قولت في نفسي يمكن تكون زي التيدا مثلا تحس انها صغيرة من برة لكن واسعة من جوة
فتحت الباب الخلفي وركبت انا و 2 كمان فكنا لازقين في بعضنا مع العلم اننا مش عراض بالمرة , واللي فرسني اكتر ان مساند الراس في الكنبة مخلياك قاعد ومادد قفاك لقدام:mad2:
والدي قال لي انها مش هتبقى مريحة في المشاوير الطويلة للناس اللي قاعدة ورا
السؤال بقى للي جرب يسافر بالسيراتو او يروح مشاوير طويلة بيها ايه نظامها؟
لان انا لما شوفتها لاقيت ان الكنبة ماشاء الله بحر بس الناس بتقول اللينيا اعرض!!!