سلام عليكم ورحمه الله
معايا عربيه 128 موتور 1100سى سى
وعاوز اغير بوجوهات بس يكون نوع نضيف ويكون ادائه كويس؟؟؟؟؟؟؟؟؟
وانا الكربراتير عندى مكتوم وبينتش
فواحد قلى اشترى كربراتير 2باب بتاع ريجاتا واركبه هل الكلام ده سليم؟؟؟؟؟؟؟؟
وشكرا
عرض للطباعة
سلام عليكم ورحمه الله
معايا عربيه 128 موتور 1100سى سى
وعاوز اغير بوجوهات بس يكون نوع نضيف ويكون ادائه كويس؟؟؟؟؟؟؟؟؟
وانا الكربراتير عندى مكتوم وبينتش
فواحد قلى اشترى كربراتير 2باب بتاع ريجاتا واركبه هل الكلام ده سليم؟؟؟؟؟؟؟؟
وشكرا
ظبط الكربيراتير بتاعك أحسن والبوجيهات جيب الngk الي بيجي كل بوجيه في علبة لوحدها
لازم تروح لواحد بتاع كربراتير وهو إللي يحدد مدى استجابته للإصلاح من عدمه، بدل ما تدفع فلوس في كربراتير تاني أنت أولى تظبط بيها حاجة تانية في العربية. ممكن يكون عايز آكس وباب، وبكات سرعة وبك صلانصيه،، وتنظيف، وهيبقى 100÷100، بس خلي بالك معظم بتوع الكربراتير حرامية ولاد تيييييييييت وحسبنا الله ونعم الوكيل لو انت ساكن قريب من دار السلام في واحد بتاع كربراتير هناك اسمه الأسطى خالد ورقمه 0128656442 وهو ابن حلال
أما بخصوص البوجيهات أحسنهم دلوقتي ngk 3 تمام أوي
أرجو أكون افدتك
وفى واحد بتاع كربراتير تاني فى شبرا فى محطة مساره ده كويس بس فك كربراتير اولا وهو بارد وخده ليه قبل ما تشترى مش عتخصر حاجه
ريح دماغك وهات كاربراتير جديييييييييييييييييد
أوعى تقول لي ورشة الحاج إبراهيم بتاع الكربراتير
دي ورشة أقل ما يقال عنها أنها سيئة جداً ونصب في نصب ويعتمل عليك شغل جامد هناك ومايتصلحش إللي إنت عايزه بل بالعكس الموضوع ممكن يزداد استياء وتبقى الحالة أسوء مما كانت عليها
حسبنا الله ونعم الوكيل في هذه الورشة
أخى الفاضل إخوانى الأعزاء أعضاء المنتدى الكرام
السلام عليكم
بعد رحلة عناء فى موضوع الكربراتير والبوجيهات رأيى أن تذهب الى ميكانيكى شاطر ينظف لك الكربراتير وغير فلتر البنزين وده هام جدا لأن الرواسب الموجودة فى البنزين ممكن تكون سبب فى التقطيع وسحب العربية وثانيا اظبط الاسبراتير ( كهربا العربية) وأخر حاجة وعن تجربة فيه فى السوق بوجيهات صينى ب 10 جنيه ابعد عتها اللى هى كل واحدة فى كرتونة دور على البوجيهات اليابانى دى بحوالى 50 جنيه وهما أربع بوجيهات مع بعض فى علبة صفرا ووش بلاستيك شفاف وتأكد ان محفور عليهم كلمة made in japan تحطهم وتنساهم خالص ودى عن تجربة وربنا يوفقك الى الخير
اسمع كلام الاخ
heshamsz
فكلامه فى منتهى الاهمية والصحة
موضوع مهم جدا
يريت حد يفدنا فى حكايه الكربرتير 2 باب انا ايمع ان الباب الاول من 0 الى 100 كم ومن اول 101 الباب التانى بيتفتح وبنزين اكتر يتحرق ممكن حد يشرحلنا الموضوع ده ببصاطه وايه هى انواع الكربرترات 2 باب؟؟؟؟؟؟؟؟؟؟؟:Y_hi_3[1]::helpsmilie:
انا المشكله عندى ان العربيه كانت بتبطل وهى دايره على الصلانصيه وكانت مكتومه ..المهم الى حصل كالاتى
انا روحت لبتاع كربراتيرات فى منطقه دير الملاك الراجل صراحه فك الكربراتير وغيرله اكس وباب ونضفه بالهواء وبعدين ركبه تانى كتمه العربيه راحت بس العربيه بطلت تانى
قام فكه تانى وركبه قامت بطلت تانى بعد شويه المهم كان معايا والدى وواحد صديق والدى قام الراجل صاحب والدى شخط فى الراجل وقاله العربيه بتبطل انت عملت ايه قلى تعالى شوفها
قام الراجل ساب العربيه الى كان ماسكها ومسك الكشاف ونور الكربياتير وهو شغال من جوه
المفاجئه بقى ان العيب كان من طرومبه البنزين اللعينه كانت بدخل شويه بنزين للكربراتير وبعدين تقطع والعربيه تفضل دايره شويه لحد ما شويه البنزين يخلصو وبعدين تبطل جبت طرمبه بنزين جديده والمشكله اتحلت
وشكرا لتعاونكم
هو كان عاوز 60 جنيه بس والدى اداله 40 :dzey:
انا فاكر انى مرة سالت على كربراتير جديد كان ب700 جنية!!!
هنزل اسأل علية تانى دلوقتى
شكرا لتأيد العضو الكريم aymansaad
وأود ان أقول أن الجديد جديد مفيش فيها كلام لكن احنا بندور على الصيانة ال تمشى العربية وخصوصا اذا كانت بسيطة طيب ليه أدفع مبلغ كبير والحل بسيط يا أخى الكريم غير فلتر البنزين ب5 جنيه وغير فلتر الهوا ب 15 جنيه واظبط كهربا العربية وغير البوجيهات ان شاء الله العربية هتتظبط معاك وهتحس بفرق جامد .. ربنا يوفق الجميع
كاربيراتير الويبر الاصلى فعلاً بـ 650 الى 700 جنيه لانه نادر و مش موجود (اخر مره شفت حد بيسأل عنه عند محل فيات 2000 عن سنترال رمسيس السنه اللى فاتت قاله 600 و مش موجود)
الكاربيراتير ابو 300 و 350 جنيه ده تقليد صينى لليوغوسلافى لان ببساطه شديده مفيش حاجه دلوقتى اسمها يوغوسلافيا لانها انتهت من الوجود سنه 2002 و ظهرت دوله جديده اسمها صربيا و الجبل الاسود قبل ان تستقل الجبل الاسود كمان سنه 2008 و تبقى اسمها صربيا بس
انا كمان اشتريت واحد سنه 2003 للريجاتا 2 باب ويبر بـ 350
انا الموقف اللى بحكيه حصل قدامى فى شهر 11 سنه 2009 (من 4 شهور بالضبط) و المحل اللى بقول لحضرتك عليه مشهور بانه عنده ذمه و مش بيبيع حاجه مضروبه و بيقولك الاصلى كذا و المضروب كذا و حضرتك عارف جشع التجار لما يلاقوا حاجه قلت فى السوق بيخفوها و يزودوا سعرها و الضحيه هو المستهلك و عموماً انا كده كده نازل التوفيقيه على اول الشهر علشان اجيب كام حاجه لزوم الصيانة الدورية و هسأل تانى و اقول لحضراتكم السعر و رقم تليفون المحل اللى لقيته فيه
بص فك غطا العمة وشيل الفلتر واعكس سلوك البوجيهات الاول والتانى ودور واكبس
هتلاقى الكربراتير بخ كده
اعمل العملية دى كذا مرة بس واقفل العمة ورجع سلوك البوجيهات زى الاول وهتلاقى الكربراتير اتحسن ان شاء الله
انا سالت النهاردة على الاسعار بتاعت الكربراتير
اليوسغلافى 390 والايطالى 500 تقريبا
انا لما سالت على الكربراتير وكان ب700 كان من حوالى 3 سنين
وده سعر الكلابرتير 2 باب ولا باب واحد؟
لا باب واحد
والكربرتير 2 باب بكام استراد وجديد
انا كنت جايب الويبر الاصلى ب 550 جنيه واحد باب من سنتين او اكتر من عند شكوكو اللى فى صلاح الدين ( الاسكندرية )وكنت سألت عليه فى التوفيقية وكان تقريباً السعر قريب من كده ، وفعلاً هو نادر لما تلاقيه .