يا جماعة أنا انهارده كنت معزوم على فيلم "تحاسيس" قصدي "أحاسيس" و للأسف عشان كده مقدرتش أسيب الفيلم و اطلع و الكلام ده كان في سينما كايرو مول.
باختصار الفيلم عبارة عن مجموعة من عاهرات السينما المصرية و اللبنانية عاملين فيلم أشبه بافلام البورنو و لكنه يختلف عن أفلام البورنو بانه أقل في المناظر منها و لكن أوسخ في الحوار و الله يا جماعة أنا وشي أحمر من قذارة الحوار اللي طبعا كان بيقابله تعليقات من الشباب في السينما في منتهى الوساخة لدرجة ان في راجل كان معاه مراته و بنته اتخانق معاهم و طلع في نص الفيلم.
الغريب ان "مروة" و "علا غانم" تقريبا كانوا عرايا طول الفيلم بطريقة مستفذة و لبس في منتهى الاثارة و حوار في منتهى القذارة ازاي الفيلم ده اتوافق عليه من الرقابة مش عارف !!!
الحسنة الوحيدة اللي في الفيلم هو "باسم سمرة" ممثل جامد جدا و هيكون نجم عالي أوي...غير كده الفيلم ملوش أي قصة هادفة بالعكس هو بيشجع على الخيانة الزوجية و بيبينها أنها حاجة عادية و رغبة جسدية واجبة التلبية سواء للرجالة أو الستات.
نصيحة بلاش تدخل الفيلم مع مراتك أو أختك أو حتى لوحدك :dontudear: