-
بجد محتااااااار
السلام عليكم أغضاء المنتدى الكرام
مبدئيا انا عايش فالسعوديه يعني في اختلاف بين العربيات هنا واللي فمصر
انا عايز اجيب عربيه جديده بس محتار بين التيريوس والسيراتو
الإتنين نوع مختلف من العربيات بس الإتنين دوول عليهم عروض مغريه الفتره دي
انا مقارنتي بين الاتنين بترجح التيريوس بس انا مجربتش السيراتو
من ناحيه قطع الغيار زي بعض
التيريوس اوسع من جوه
التيريوس مع حر السعوديه مكيفها احسن
التيريوس عاليه وصغيره نسبيا يعني حلوه فازحمه
الاتنين اوتو والاتنين شبابيكهم كهربا وحساسات
التيريوس 4x4 يعني حلوه لو انا عايز اطلع هنا البر
انا جربت التيريوس بس يادوب جبت ال 120 وكانت تمام بس ما جربتهاش فمنعطفات ولا اي حاجه
فياريت حد يفيدني ارجوكو
-
انت عايز تنزلها مصر بعد فترة يعنى ولا تستخدمهم وانت فى السعودية بس ؟ علشان تفرق كثيييييييير
لو هتنزلها مصر بعد سنة او 2 يبقى اللى قلبك يستريح ليها ال2 سيارات مدينة ومش بتاعت سفر ومش هتسد معاك فى السعودية اكثر من سنتين ومش هتعرف تبيعهم فى السعودية .
لو مش هتنزلها ولاستهلاكك فى السعودية فقط يبقى ولا دى ولا دى اللى افضل منهم هنا هيونداى النترا
-
خليك في التيريوس
بس التيريوس عندكوا بكام ريال
و بتتصنع فين ؟ لان اللي عندنا تقريبا تقفيل محلي
-
شكرا يا رؤوف على ردك لا انا مش هنزلها مصر والتيريوس تقفيل ياباني والكيا تقيل كوري وانا عن نفسي ركبتهم كلهم وجربت الإلنترا بجد معجبتنيش خالص متجيش حاجه جمبهم وشكرا مره تانيه على ردك
وشكرا يا روميو بس ممكن تقولي سبب اقتناعك بالتيريوس عن السيراتو ؟
-
لو السيراتو بتنزل عندك في السعوديه بنظام الثبات الالكتروني (esp).... يبقى السيراتو صفقه رابحه
انا كنت هشتري التيريوس الكامله (بلاتينيوم) و لكن ترددت لعدة اسباب من ضمنها الموتور...
1500 سي سي صعب قوي على عربيه بكرونه و تشتغل 4x4 كمان... السحب و العزم هيكونوا ضعاف
انا بصراحه و الحق يتقال ماجربتش التيريوس فعليا... و ممكن تسأل الملاك في قسم دايهاتسو الأخبار ايه
لو تمام يبقى توكل على الله و هات تيريوس... و خصوصا اني شايفك مقتنع و مايل ليها اكتر...
و ربنا يوفقك.....
-
غازي شكرا على ردك واهتمامك العربيات هنا الحمدلله غير مصر هنا مفيش تيريوس 1500 التيريوس هنا 1600 والسيراتو هنا 1600 او 1800
وانا مقتنع بالتيريوس لاني سقتها المشكله الوحيده اني مجرتش السيراتو هيا من ناحيه الشكل الرياضي والاكسسوارات احسن من التيريوس بكتير بس خايف تكون مش مريحه على الطريق زي ا لتيريوس
وشكرا بجد على اهتمامك
-
بصراحة الاتنين حلوين مع اختلاف الفئات تماما
بس شوية و السيراتو ( 2000 سي سي ) حتبقي ليموزين ( تاكسي) و حتضايق
و التيريوس جميلة و عاليه و ممكن تحك في اللي معاه يوكون أو لاند كروزر ( قال يعني فئة واحدة و بتاع )
و ليه ما تحاولش تلف اللفة الخزعبلية و تسجلها في السفارة ( حتي لو عربية الشركة .. ممكن تتفق معاهم يكتبوها باسمك اسبوع مع الضمانات و تبيعها لهم تاني ) .. في ناس عملت كده .. و تبقي تشتريها في الأخر خالص قبل ما تنزل
-
موضوع الليموزين مش هيضايقني لانها دلوقتي ليموزين مانتا عنك الكامري ليموزين ومن ناحية تانيه بقيت عربيات الشرطه
وكمان الايبكا ليموزين والكابرس ليموزين واللومينا ليموزين والكراون فيكتوريا ليموزين والجراند مركيز ليموزين
الموضوع ده عادي مش هيدايقني يا جماعه بس يعني انا لقيت عربيات كتير اكبر من التيريوس ومشاء الله ثبات عندك الأكاديا مثلا انا كنت راكب جمب الواد بعيط ماشاء الله مع انها كبيرا عموما الف شكر انا عرفت مميزات وعيوب كل واحده وهستخير ربنا وربنا يسهل انشاء الله
متحرمش منكو يا أجمد منتدى
-
Content Relevant URLs by
vBSEO 3.6.0 PL2