تم تسجيلك مع قائمة الكرساويه
هاااااااااااا مين تاني برضه
عرض للطباعة
تم تسجيلك مع قائمة الكرساويه
هاااااااااااا مين تاني برضه
الف مبروك وربنا يحفظهالك
و اهلا بيك كورساوى فى العصابه
الففففففففففففففففففففففف ف مليوووووووووووووووووووووو ون مبروك
و منور يا باشا
جزاك الله خيرا بجد على المعلومات القيمة دى ..أنا ماشى حسب الجدول و ربنا يسهل ان شاء الله :)
شكرا يا باشا . لو قلت لك ان من أسباب انى اشتريت أوبل انى أنضم للعصابة مش هتصدق :)
شكرا يا باشا
أنا جبتها ب 51 ألف من واحد معرفة هو كان ماسك ف 53 بس عشان رخصتها منتهية اكمنة كان راكنها من فترة و كدة و كان عاوز يبيع بعقد مسجل و أنا كمان فوافق ينزل ال 2000 جنية دول
أشكرك يا فندم .. الشرف لية :)
الله يبارك فيك .. دة صحيح فعلا ..الناس هنا ما شاء الله متعاونة جدا .. وزى ما بيقولوا اختار الجار قبل الدار .. أنا اخترت المنتدى قبل العربية.
شكرا يا باشا .. خليى اكسترا تشيز بعد اذنك :)
السلام عليكم
معلش أتأخرت عليكوا فى الرد كان فى شوية حاجات كدة بضبطها فى العربية خلتنى أروح الساعة 12 بالليل اليوميت اللى فاتوا
1. الكاسيت مكانش راكب عشان صاحبها كان مركب كاسيت تانى و ادانى الأصلى البلو بونكت فى ايدى فا رحت ركبتة فى أدريان ب 15 جنية.
2. الشاشة اللى فى النص كانت مطفية .. أنا وانا بكشف على العربية الكهربائى قال لى محتاجة لمبتين الواحدة بعشرة جنية .. رحت عملتها عند واحد اسمة شرارة فى ميدان ابن سندر .. هو مهندس و شاطر و بيفهم بس قال لى اللمبة الواحدة ب 25 جنية قلت له انا سائل على اللمبة فى الحرفيين بعشرة جنية .. قال لى دى تلاقيها اللمبة من غير الدواية .. الحركة دى معجبتنيش بصراحة واتعلمت ان أنا بعد كدة اشترى الحاجة لنفسى و فى الاخر خد 55 جنية !! و مفاصلتش معاه.
3. اشتريت علامة أوبل اللى ورا من واحد اسمه الشاطر فى الحرفيين ب 75 جنية و كلمة لgls من واحد اسمة النجار فى شارع دمشق ب 20 جنية.
4. كان فى لمبة من بتوع النمرة اللى ورا مبتنورش .. الكهربائى اللى عمل لى الشاشة فكها و ركبها اشتغلت.
5. المراية اليمين كانت بتتحرك مع الهوا لما امشى بسرعة .. سألت عليها فى شارع دمشق لقيتها ب 190 جنية .. فى واحد هناك اسمه طلعت صلحها لى ب 50 جنية (ركب لها زور عشان تتكلم كويس) بس معجبتنيش أوى.. ممكن شويه كده و اشترى واحده ان شاء الله.
6. جبت جوان غطا التكاهات gm ب 40 جنية .. هغيرة لما أغير السيور و الفلاتر ان شاء الله.
7. جبت غطاء سير الكاتينة ب 130 جنية عشان فيه حتة صغيرة مكسورة (لفيت عليه لما دخت) من عند النجار برضة.
8. الجراب الجلد بتاع فرامل اليد متاكل .. جبتة من عند واحد فى الحرفيين اسمة أحمد المكاوى هو و بتاع الفتيس ب 40 جنية بس بعد كدة لقيت الأصلى عند النجار اللى فى دمشق ب 120 جنية الواحد .. ممكن أبقى أجيب الأصلى و اركبة ان شاء الله عشان بحب الحاجات الأصلى بصراحة.
9. غسلت العربية فى كار كير اللى فى وطنية اللى على الاوتوستراد ب 110 جنية .. بجد أسوأ بنزينة غسلت عندها فى حياتى .. اشتكيت العامل اللى غسل العربية من جوة للمشرف عشان غسل فرش الأبواب و أنا قلت له 4 مرات متغسلوش (كان فيه حد هنا على المنتدى قال انه بيطلع لما بيتغسل) و اشتكيت العامل اللى غسلها من برة للعميد مدير البنزينة و جبتة يشوفها بنفسه بجد العمال قمة الاستهتار .. بس الراجل مشكور قال لهم أنا هشوف العربية دى بنفسى و هى طالعة .. الواد اللى بيغسلها قال لى مش هو عمل معايا كده طيب أنا هخلص له الصابون اللى فى المكنة عليها !!..قلت له حرام عليك دى أمانة .. برضه غرقها.
كنت عاوز أنضف الرادياتير و أحط مياة خضرا بس كانوا خلصوا امبارح.
اسئلة:
1. الناس اللى أنا جبت منها قطع الغيار دى كويسة ولا ايه؟ لسة عاوز أجيب اللباد الداخلى بتاع الكبود .. النجار قالى مش عندى دلوقتى بس ممكن اجيبهولك ب 110.
2. أغير السيور و الفلاتر فين؟ أروح لعبد الله أوبل ده ولا ايه؟
3. عندى التكييف السخن مش شغال (أنا عارف انى عمرى ما هستعملة بس بحب كل حاجة فى العربية تكون شغالة) لما كشفت على العربية قالوا لى ان 99% من العربيات الأوبل بيلغوة عشان بيقلل أداء التكييف البارد .. ده صحيح ولا ايه و اعمله فين؟
4. بفكر أروح التوكيل يعمل لى فحص شامل على العربية .. اية رأيكوا و لو حد راح قبل كدة بكام؟
معلش طولت شوية :)
منور العصابة يا باشا
و مبروك العربية و ربنا يديك خرها و يكفيك شرها
نائب قسم الاسترا فى قبيله الاوبل يرحب بحلول سيادتكم ووصولكم بعربه تحفه بسم الله ما شاء الله
ومنورنا
اولا بلاش الشاطر دة خالص لانة حرامى فى اسعارة شماط اوى العلامة دية بتتباع ب30 35 جنية وجديدة ارخص 15 جنية
وهو طلعلك المعدن ولا البلستك
وجوان غطا التكهات الجى ام اغلاء من كدة دة اكيد صينى واغلب قلى فى السوق صينى دة لو مكنش كلة
بص حكايت الكبوت دية ملهاش لزمة فلوس على الفاضى متحولش تصرف الفلوس على الفاضى انا عارف انك فراحان بيها وعيزها مفيهاش الهواء بس انا شايف انك توفر الفلوس ى حاجة تستاهل احسن لو مشيت وراء الحجات دية هتخش فى رقم هيزعلك لو جمعتة لما تخلص الصيانة ابقا شوف المزنية
اولا انت اعمل اجندة وحطها فى الطبلوة وكتب فيها كل حاجة تم تغيرها وموعدها والكيلومترات بتعتها هتفيدك جامد اوى واحتفظ بكروت بتوع قطع الغيار فى الاجندة عشان لو عزت حاجة تعمل تلفوناتك ومتحتجش تروح وتيجى اسهل
اولا هتجيب السيور وكدة وروح لعبداللة الناس هنا بتشكر فية او قلنا انت ساكن فين واحنا نرشد لحد قريب منك
لسة انبارح اتصل بية واحد صحبى من المنتدة وقلى على الحوار دة انت عندك اة قلى بايظ ممكن يكون البكرة مبتقلبش مثلا حجات كدة
طبعا حكايت بيقلل كفائة التكيف البارد دية كلام اقل ما يقال علية كلام ناس بهايم يعنى اة بياثر اذا كان انت اساسا ملكش دعوة بالبارد انت ولا بتشغل كمبروسور ولا حاجة مجرد انك بتفتح المروحة وبتقللب البكرة على الاحمر وتدور العربية وفى الحال بيسخن الهواء انا عندى سعات بشغلة وعندى التكيف البارد بارد ويعمل بكفاة كويسة جدا كمان احسن من عربيات يابانى كمان قال 99% من العربيات ملغى فيها ازاى بس كلام غير منطقى بالمرة متسلمش ودانك لحد اعقلها الاول دول حبت .............. المهم ممكن تعملة عند الكبتن بتاع الحرفين ممتاز وهيعملهولك بس يحدد قلى بايظ الاول
عايز تعمل فحص كامل لية انت بتشتكى من حجة عندك لمض بتنور او العربية فيها مشاكل ولا اطمئنان لو اطمئنان بلاش متفولش على نفسك ومتخفش كلة هيبقا تمام سدقنى وفر الفلوس بتعتك
السلام عليكم ورحمه الله ....
اسمحلي ارد عليك في موضوع التكييف السخن ...
فكره عمله ببساطه ان دوره تبريد الموتور (شجره الخراطيم) بتقرب من الكابينه من ناحيه الدواسه المجاوره للسائق ودي طبعا داخلها ماء درجه حرارته عاليه, وراها في مروحه بتجبلك الهوا السخن ده ,شفت الموضوع بسيط ازاي ومالوش اي علاقه بالتكييف البارد !
المهم يا كريم باشا انت عارف ان دوره تبريد الاوبل لازم تكون مغلقه وان اي خلل او تسريب فيها بيعلي حراره الموتور ,احيانا بيبقي التسريب من خرطوم التكييف السخن وده لما تلاقي ميه تحت الدواسه اليمين فالصنايعي بيريح دماغه ويلغي التكييف السخن بانه يلبس خرطومين في بعض من غير مايدخلوا للكابينه ويقول كده احسن .طبعا ماينفعش صحيح السخن استخدامه قليل بس لازم يكون موجود في العربيه .طولت عليك ... ربنا معاك واي حاجه عاوزها اسال ومش هنتاخر عنك.
المعدن .. و فى كيس مكتوب علية جى ام و رقم و حركات .. البلاستيك كان ب 30 جنية
هو جى ام برضه و مكتوب عليه انه كورى
هروح له ان شاء الله .. بس هو فين بالضبط فى الحرفيين؟؟
لا مجرد اطمئنان .. شكرا يا باشا على النصائح الجامدة دى
وعليكم السلام و رحمة الله و بركاتة
جزاك الله خيرا يا أخى .. أنا ان شاء الله هروح عند الكابتن يكشف لى عليه