اجيب الفا روميو 146 مو1996 ولا لا انا قدامى واحده تمنها 45000ج اجبها ولا لا وعاوز اعرف مميزتها وعيوبها وقطع غيارها نظامها ايه غاليه اوى ولا مش اتلقيلها قطع غيار اصلا ؟؟؟ معلش انا اتعبكم معايا
عرض للطباعة
اجيب الفا روميو 146 مو1996 ولا لا انا قدامى واحده تمنها 45000ج اجبها ولا لا وعاوز اعرف مميزتها وعيوبها وقطع غيارها نظامها ايه غاليه اوى ولا مش اتلقيلها قطع غيار اصلا ؟؟؟ معلش انا اتعبكم معايا
السلام عليكم
أنا هاقول اللي أعرفه
تقريبا العربيات الألفا روميو دي عربيات حلوة و جميلة و عملية
بالنسبة لقطع الغيار ( أعتقد موجودة في مركز النيل الهندسية لصيانة الفيات و الألفا روميو )
و ده رقمهم للإستفسار عن قطع غيارها
3591273/4/6/7/8
و ده رقم مركز الخدمة الموجود في أبورواش خلف داندي مول ( كارفور ) قبل البوابات .. بوابات طريق القاهرة الأسكندرية
بص يا اخى
من واقع تجربة 2 أصحابى
العربية عربية حلوة جدا كعربية
يعنى تسارع وثبات و تحكم ممتازين
عفشة جيدة (مش حلوة قوى فى المطبات بتاعتنا عشان اصلا هى مش لكده)
قطع الغيار موجوده فى التوكيل بس باسعار خياليه و الاستيراد متعب فى البحث عنه و غالى برضه (عارفين ان زبونها صاحب مزاج)
لو انت راجل صاحب مزاج و مش فارقه معاك الفلوس خالص و عايز عربية تستمتع بسواقتها يبقى بص عليها و شوف حالتها
أما لو عايز عربية للاستخدام العادى يبقى انسى
و طبعا لو يهمك اعادة البيع يبقى ابعد عنها
ملحوظة: العربية دى روشة قوى و صعب تلاقيها بحالة كويسة عشان غالبا ها تلاقى من ملاكها السابقين شباب روش برضه افتر عليها جامد
بس يا سيدي العربيه دي جامده مووووووووووووووت شكل ومتانه وامكانيات وبالنسبه لقطع الغيار فهي طبعا غاليه بس عايز اقولك عربيات كتيررررررررر حديثه ومتادوله في السوق برده قطع غيارها غاليه " لكنها موجوده " انا في راي بقي المشكله في صيانتها حاول تشوف حد بيفهم فيها كويس لاني العربيات دي محتاجه ميكانيكي متخصص او التوكيل علي طول وعلي فكره هي تقريبا نفس ظروف عربيتي " نيون / كرايسلر " وعشان اصرحك العربيات دي عايزه واحد دماغه متكلفه زي الاخ السابق ما قال وفعلا كلمته دي صح الصح
متشكر يا جماعه على الردود ......... انا مش عارف محمد نصير ايعمل ايه بعد ما خد توكيل الفاروميو......... على العموم انا قدامى عربيتان الفا روميو 146 والاتنين بنفس السعرحوالى 45000 موديل 1996 بس برده انا مش عاوز اجيب حاجه تتعبنى فى صيانتها وقطع غيارها ومش عارف محمد نصير ايعمل ايه اسف انى طولت عليكم ومتشكر مره تانيه على ردودكم