عرض للطباعة
السلام عليكم.
لو فى أى حد يقدر يفيدنا عن عفشة ال nissan super saloon هل هى فعلا رياضية وناعمة ولا ناشفة ومتعبة.
أصل فى ناس كتيير جدا ما بيشكرووش فى عفشة ال nissan sunny عموما بجميع انواعها سواءا ex saloon or super saloon. وبيقولوا ناشفة جدا وبتتعب اللى راكبها وبعد فترة بتبدأ تظهر مشاكل العفشة...
يا ريت حد عنده خبرة او علم بالموضوع ده يفيدنا لأنى ناوى اشتري super saloon وقلقان من الموضوع ده.
ولو حد عنده معلومات عن أداء التكييف ياريت يفيدنا.
جزيتم خيراً.
وعليكم السلام ورحمة الله
اهنيك على اول مشاركاتك في المنتدى وفي قسم النيسان تحديدا
الي اقدر اقولك عليه ان عفشة النيسان صني جيدة جدا ويمكن بتكون ناشفة شوية في البداية بس مع الوقت الوضع بيتحسن جدا . الخلاصة مفيش مشاكل من موضوع العفشة ومش ناشفة بشكل مزعج خالص.
عموما العفشة من العوامل الهامة في ثبات السيارة ومعروفة الصني بثباتها مقارنة بكتير من مثيلاتها
يعني ممكن عفشة انعم بس على حساب الثبات
بالنسبة للفرق بين ال ex والسوبر صالون هو وجود anti- roll bar او كما يطلقون عليه ميزان او استابلايزر في التعليق الأمامي والتعليق الخلفي.
انا املك بحمد الله ال ex اوتوماتيك ومش حاسس ان العفشة ناقصها حاجة
يمكن الميزانين يفيدوا في تقليل ميل السيارة عند الدخول في منعطفات بسرعات عالية 120 مثلا. بس انا مش شايف مشاكل بدونهم.
بالنسبة للتكييف ممتاز جدا وحضرتك ممكن تتابع مواضيع الصني في قسم النيسان لزيادة الإستفادة
حضرتك ادرس الموضوع كويس فنيا وماديا واسأل اهل الخبرة . وطبعا اوصيك بالإستخارة والتوكل على الله قبل الإقدام على اي خطوه
جزانا الله وإياكم خيرا كثيرا
العفشه الرياضيه ناشفه بطبيعتها
يعنى مافيش حاجة اسمها رياضيه و ناعمه
السوبر صالون انشف طبعا نتيجه انها عفشه رياضيه
السوبر صالون عفشتها رياضيه والطبيعى انها تبقى ناشفه ومتماسكه اكتر من العفشه العادية ده بالاضافه ان فيها دعائم لمنح السيارة ثبات عالى عند السرعات العالية والمناورات والطرق الغير ممهده مثل الموجودة فى مصرنا الغالية
حضرتك مش هاتحس ان العافشه ناشفه ولا حاجه الا لو كنت راكب قبل كده عربيه عفشتها ضعيفه وناعمه اوى.
يعنى كل اللى بيقول انها ناشفه لازم يقول بالنسبه لإيه فى مثيلاتها