مستقبل الجيربوكسات المعقده mmt,dsg,easy tronic ايجابى ام سلبى

**KHALED AYMAN** · 08-02-2010 04:57 PM

و كمان انا عايز اقول حاجه ..
عمرهم ما هيوصلو لانهم يرضو الناس بنسبه 100 %...
و الدليل ان فى ناس لحد دلوقتى مش بتعرف تركب اوتوماتيك عادى ..
و اخرهم واحد اعرفه جاب النترا مانيوال عشان مش "بيعرف يركب اوتوماتيك"

**Ghamrawy** · 08-02-2010 05:17 PM

لو طوروا و قضوا على الاعطال و التردد فى اختيار الغيار و بطئ تفكير الفتيس ماشى
لو مش كده يبقى اكيد لا

**د.اسماعيل النجار** · 08-02-2010 05:32 PM

المستقبل لهذه الانواع من نواقل الحركة للاسباب الاتية
1-تكنولوجى جديد ومفيش تكنولوجيا جديدة بيتصرف عليها وبعدين تترمى فى الزبالة(سورى)
2- اوفر فى استهلاك البنزين
3-اقل اعطالا من الاوتوماتيك العادى
4- مرغوب ومطلوب جدا فى اوروبا ولو عملت بحث هتلاقى تقريبا كل العربيات دخلتة فى موديل او اكثر من سياراتها
5-هناك اشخاص(وانا منهم)يستمنعون بقيادة المانيوال لاحساسهم بانهم يتحكمون هم فى السيارة وليست السيارة هى التى تفرض عليهم طريقة القيادة وتكبح جماح رغبتهم فى الانطلاق والمناورة وكل ذلك يحدث مع هذه النواقل بدون تعب القدم اليسرى واليد اليمنى
6-هناك اكثر من 30 نوعا من هذه النواقل بمسميات مختلفة لكل شركة ولكن ميكانيزم العمل واحد او متقارب
تحياتى ياابوسمرة وفى انتظار الكثير من مثل هذه المواضيع (الجامدة)

**SAiF3S** · 08-02-2010 07:16 PM

المشاركة الأصلية كتبت بواسطة abo samra

طبعا كلنا على علم من اتجاه الكثير من الشركات فى الفتره الاخيره الى اختراع الجيربوكسات (شبه اوتوماتيكيه) المانيوال التى تقوم بدور النقل كهربيا بطريقه معقده نوعا ما وكان يعيب تلك الجيربوكسات هو احساس بخشونة النقلات وعدم سلاستها
فاصدرت فولكس فتيسا جديد اسرع ما يمكن فى زمن النقلات ولكن جاء اكثر تعقيدا من قبل فهو يحتوى على اسطوانتى دبرياج يقومان بالتبادل بين النقلات
وعندما قمت ببحث عن اعتماديه ال dsg وجدت ان كثيرمن ملاكه يشتكون من وقوف السياره فاجاه وعدم استجابتها للنقلات وايضا استدعدت فولكس فى اوروبا العديد من سيارتها المذوده بذلك الفتيس لاصلاح بعض الاجزاء فيه التى تؤدى الى حدوث بعض الاعطال.
فسؤالى الان:
هل سوف تختفى تلك الجيربوكسات من عالم صناعة السيارات قريبا نظر لكثيرة التعقيدات بها ام انه هناك اتجاه سائد فى عالم صناعة السيارات لتعميم تلك الجيربوكسات فى سيارتها ومحاولة تلافى حدوث اى مشاكل بها!!!!

شكرا لك اولا على الموضوع لانه مهم جدا ان الاعضاء تعرف انواع الجير بوكس اللى موجود فى العربيات , لان الموضوع مبقاش مانيوال و اتوماتيك بس
احب اصحح لك بعض المعلومات الوارده فى موضوعك بما انك حاصر الموضوع فى فولكس

فولكس لم تستدعى اى سياره فى اوروبا مجهزه بفتيس DSG انما استدعت بعض السيارات فى امريكا نتيجه وجود عيب فى حساس الحراره اللى بيدى معلومات خاطئه للكنترول يونت فبيخلى النقله ترجع لل D و اكرر ان ده فى السيارات المورده لامريكا من فولكس فاجن المكسيك , ممكن يكونوا مطبقين نسبه المنتج المحلى
مش تحيز لا سمح الله ولا منظره لكن ال DSG لايقارن باى حال من الاحوال مع ال MMT & Easytronic لان له اليه عمل و تكنولوجيا مختلفه تماما عنهم
يوجد تشابه فى اليه عمل كل من MMT & Easytronic مع الفارق لصالح الاوبل
الفتيس ال DSG تم تعميمه فى كل المصانع المملوكه و التابعه لفولكس زى سكودا و سيات و اودى ..... الخ وده فى حد ذاته نجاح و ثقه من شركه كبيره زى فولكس فى فتيس زى ده ,لاحظ ان ال MMT نزل فى موديل واحد فقط!!
فتيس عربيتى DSG ومعايه من اكثر من عام و اربعون الف كم من الخدمه الشاقه و لم اشتكى يوم منه, سياره اخى اوبل فيكترا 2009 و سياره نسيبى تويوتا كرولا MMT هاى لاين . بمعنى اخر انا عارف كل فتيس من دول اداءه ايه و مشاكله ايه
اخيرا رأىي الخاص ان تطور الجير بوكس سيستمر فى كل شركه على حدا عل وعسى ان يقللوا الفارق بين المانيوال و الاوتوماتيك وتحصل على افضل ما فى المانيوال مع متعه وراحه الاوتوماتيك كما فى فتيس ال DSG

**Sharky** · 09-02-2010 08:28 AM

المشاركة الأصلية كتبت بواسطة surgeon1

3-اقل اعطالا من الاوتوماتيك العادى

معلش يا دكتور اختلف معاك فى النقطة دى
حتى الان مشاكل الـ MMT مثلا أكثر من مشاكل الاتوماتيك العادى
و ممكن حضرتك تشوف الموضوع دا
http://www.nilemotors.net/Nile/121707-mmt.html

**sherifahmed** · 09-02-2010 11:59 AM

ربنا يخللينا المانيوال
مهما شركات السيارات نزلت انواع جديدة فى الفتيس هايفضل طراز العربية الاساسى نازل مانيوال
التكنولوجيا بتتقدم اه بس يبقى المانيوال هو الامتع فى القيادة و الارخص و الاسهل فى الصيانة للشركة المصنعة و بالتالى موفر ليها

**Ghamrawy** · 09-02-2010 01:33 PM

اكيد طبعا ال dsg تم استدعائه فى السيارات الموجودة فى اوروبا و منها اودى التابعة لفولكس
و السبب هو اختلاط سائل تبريد الفتيس مع سائل تبريد السيارة نظرا لوجود وحدات التبريد فى و ضع ملتصق

**SAiF3S** · 09-02-2010 09:10 PM

المشاركة الأصلية كتبت بواسطة gemino

اكيد طبعا ال dsg تم استدعائه فى السيارات الموجودة فى اوروبا و منها اودى التابعة لفولكس
و السبب هو اختلاط سائل تبريد الفتيس مع سائل تبريد السيارة نظرا لوجود وحدات التبريد فى و ضع ملتصق

ممكن حضرتك تدينى رابط بيقول الكلام ده ويأكده وخاصه موضوع اوروبا و تانى حاجه موضوع سائل التبريد المختلط مع سائل تبريد العربيه لان الموضوع ده انا سمعته فى الدايو النوبيرا فقط
على فكره التبريد هوائى فى ال DSG 7shift