باعتباري من اشد المعجبين بالسيارة التريوس ودة لاسباب عديدة اهمها الوسع الداخلي وارتفاعها عن الارض بحوالي 20 سم مما يتناسب مع المطبات والحفر:
أتشرف بدعوة مالكي السيارة بنوعيها (الـ 5راكب والـ 7 راكب) للادلاء برأيهم في السيارة وتقييمها بالنسبة لكونها سيارة عائلية متعددة الاغراض.
انا اخترت جيدة جدا لانها بامكانياتها الحالية فعلا كذلك..... لكن مع بعض التعديلات ممكن ان تصبح ممتازة مثل زيادة ال cc الى 1600 + اضافة بعض الاوبشنز
هي حكاية زيادة المحرك لـ 1600 دي هاتبقي صعبة شوية....لان المحرك دة مشترك بين تويوتا ودايهاتسو في عربيات كتير والتغيير لازم يتم من تويوتا و علي فكرة رقم المحرك 3SZ-VE وهو نفس المحرك ايلي بينزل في الـ Toyota Rush وايلي هي توأم التيريوس...هو بس لو يخفضوا سعرها شوية تبقي ممتازة.
هي بس سعرها مبالغ فيه شوية .. لو تنزل 10 % علي الأقل يبقي معقول
دي التيجو لو تقفيلها و خاماتها أحسن شوية ممكن تمسحها من الوجود في مصر
فلازم الوكيل و المصنع ياخد باله من المناسين اللي بيجو من تحت قبل اللي فوق
طبعا هي ميزتها انها ياباني و وكيلها في مصر بيعامل الناس أحسن ما بيعاملهم في السعدية
الوكيل بيستغل انها الوحيدة ال 4*4 فى هذه الفئة+يابانى 100%+ يوجد منها اوتوماتك فى فئتين مختلفتين و عشان كده بيغلى سعرها من 4-6 الاف جنيه كل سنة....
طيب ما الجراند فيتارا موجودة و كشكل و موتور افضل من التيريوس..... لكن لانه لا يوجد منها اوتو + عيب ال2 باب سعرها نزل من 145 الف الى 135 الف..... كما ان توكيل سوزوكى مش اد كده
فين يا جماعه ملاك التريوس ....دة انا كنت فاكر ان العدد اكبر من كدة بكتير...
أفضل الياباني 5 راكب عن الإندونيسي 7 راكب من حيث الشكل والكماليات وبلد الصنع
معلش يا جماعة هي فئات التريوس
تريوس عادية
وتريوس لونج او جراند
والجراند دي في منها 5 راكب و 7 راكب ولا الجراند دي 7 راكب
معلشي النقطة دي حابب حد يوضحالي ؟؟؟
اخي الفاضل ادخل عالرابط وستعرف كل شئ عن جراند تيريوس
http://www.nilemotors.net/Nile/98738-a.html
محدش يعنى اتكلم عن عيوبها أنا معايا جراند استلام 6 اكتوبر 2009
عربية سيئة جدا والطنابير عوزة تتغير ودة فى كل العربيات لانها معيبة وبتخللى الفرامل ترج العربية جداااااااا وكمان علبة الدريكسون فيها مشاكل كل دة ولسة معملتش 5000 كم دة غير عيوبها التانية المعروفة عدم الثبات وصعوبة المناورة بيها
طيب و التوكيل قالك ايه فى المشاكل اللى عندك؟اقتباس:
المشاركة الأصلية كتبت بواسطة osama555
علي فكرة دي مش عيوب...دة طبيعه تمصيم...العربية ارتفاعاها عن الارض 174.5 سم..دة غير ان خلوص العربية من الاسفلت 20 سم....يبقي ازاي تناور..او تبقي ثابتة في ملفات علي سرعة عالية...اقتباس:
المشاركة الأصلية كتبت بواسطة osama555
يا جماعة عندنا عربية جراند تيريوس 7 راكب أتوماتيك فى الشركة عاملة 50000 كم بحس إن العربية ما بتسحبش خالص لإن صوت الموتور بيعلى جدا و العربية مابتجمعش غير متأخر جدا أو يمكن الهيكل تقيل على الموتور ده
كمان العفشة ناشفة جدا و متعبة فى السفر الطويل خصوصا الكراسى الخلفية بتحس بكل مطب فى الأرض بيضرب فيك.
والله ياجماعة نفسى اشترى عربية كويسة فى مصر فى حدود 140 الف ومع ذلك مش لاقى ياعيب توكيل ياغلاء قطع غيار ياعيوب امان وتصنيع يارايت تشوروا علينا
اقتباس:
المشاركة الأصلية كتبت بواسطة eadlbhi
لو مش عايز عربية عالية عن الارض زي التريوس...وهاتجيب سيدان يبقي هات الكورولا الاوتوماتيك العادية الـ 2010 ...عربية ممتازة واستهلاكها في البنزين جيد جدااا وتعتبر اقوي موتور 1600 موجود حاليا بالسعر دة (145 الف جنية)
وربنا يوفقك...
و الله الواحد ما يشتريش تويوتا دي غير لما يعملو عليها تخفيض 20 % علي الأقل .. بغض النظر عن المشاكل الأخيرة
أفضل عربية في الفئة السعرية دي بدون نقاش .. رينو فلونس .. و أفضل وكيل في مصر
اقتباس:
المشاركة الأصلية كتبت بواسطة hegazio
الافضل في وجهه نظري في حالة السيارات التي لا يوجد لها سابق خبرة في السوق...هو الانتظار عام او عامين حتي تظهر نتائج عملها في السوق...ومن خلال الناس ايلي اشترت...
وعلي هذا الاساس سنة 2008 استبعدت تماما فكرة شراء الكورولا الـ mmt ودة علشان عربية جديدة وتكنولوجيا جديدة...وفضلت عليها الياريس
الفلونس...نفس الكلام...عربية جديدة وما حدش عارف عنها اي شيء غير كلام الناس بتوع المبيعات وشوية بروشورز و واعلانات و خلاص....استني عليها سنة او اتنين علشان تقدر تحكم....يمكن في خلال الفترة دي يظهر لها عيوب خفية ..
اعتمادا علي تحسين الميجان .. و عدم ظهور تكنولوجيا جديدة فيها اتكلم
اما الوكيل .. فهو سند لك بكل المقاييس
متااابع
فعلا انا اتكلمت عن العيب ده والوكيل بيغيرها في الضمان عادي جدااقتباس:
المشاركة الأصلية كتبت بواسطة osama555
ما شاء الله أنا معايا ال 5 راكب موديل 2012 و داخلة على 10000 كيلو العربية فوق الممتازة...... بس التكييف عايز يزيد شوية
معايا 7 راكب بلاتنيوم وما شاء الله زى الفل وكله تمام
اكيد موديلات 2012 اتحسنت كتيير عن موديلات 2010 الموضوع قديم جدا ياجماعة
السلام عليكم
ممكن حد يا جماعة يقوللى اية هى فئات التريوس العادية و اسعارها
بمعنى تانى عاوز اعرف اول فئة بها 2 وسادة هوائية و فرامل abs و سعرها كام
و كمان عاوز اعرف هل عفشتها ناشفة اوى يعنى بشكل متعب
و جزاكم اللة خيرا
للاسف ال٧ راكب سحبها ملوش علاققه بالعاديه ومفيش فيها abs
شوف انا هقولك بامانة عن استخدام سابق التريوس عربية فلوسها كتيرة عليها او بمعنى اخر مش هتاخد منها قد الى هتدفعوا فيها من خامات بعيدة كل البعد عن الخامات اليابنية تحس انك راكب عربية صينى او مليزى دا غير السحب البطئ الى بيصحبه استهلاك كبير فى البنزين بشكل ملحوظ تحس بجد ان موتورها صغير عليها دا بجانب صوته العالى واصوات غريبة من العفشة وتيل الفرامل الى بيزيق
ميزتها الوجيدة بجد علوها عن الارض تنسى ان اى مطب
يطولها
شنطتها مش وسعه اوى يعنى لو هتسافر وهتشيل شنط كتير لازم تتنى الكنبه الخلفية
العربية دى مش بتاعت جرى نهائى لانك حتى لو حبيت تشد جنب عربية عشان تعديها مش هتعرف لان تسارعها بطى جدا
وحدث ولا حرج عن سعر اعادة البيع
انا بعت عربيتى وهيا عاملة 25000 كم
دا رايى بامانة وعن تجربة كاملة
انا معايا تيريوس 2009 5 راكب
مميزاتها
عالية عن الأرض جدا يعنى لو هتشيل بقى وتحمل مش هتفكر فى اى مطب هتعديه ازاى
اقتصادية فى البنزين بحكم انها 1500 سى سى
وسائل الامان زى الايرباج والاى بى اس
قوة تحمل عل الرغم انها 1500 سى سى
عيوبها
التكييف بتاعها مش اللى هوا على الرغم ان اللى معايا خليجى وجايه من الامارات ولما بتكون واقف ومشغله تحس انك مشغل مروحة ولما تجرى شوية التكييف يشتغل
الموتور سحبه ضعيف جدا وصوته عالى والفتيس مش بيجدى مع الواحد يعنى تدوس جامد على البنزين تلاقى الار بى ام يعلى وينزل تانى لوحده كأنه بيقولك لا انا مش قادر والنقلات بطيئة بس بصراحة النقلة الاول والتانى سريع لكن التالت والرابع لما ربنا يفرجها
العفشة بتاعتها مش اد كده وبالذات اللى بيقعد ورا بيحس باى حاجة ولما بتشيل جامد بتلاقى العربية من ورا بتعوم جامد والمساعدين الخلفى مش بتستحمل اوى بمجرد تشيل فى العربية بتلاقى العربية من ورا طالعة نازلة حتى لو ماشى فى طريق مستقيم
طبعا هيا مش بتاعت جرى يعنى لو غرز وحركات أخرى كان 130 كم لو طريق مستقيم كان أخرى 170 كم وكده كانت جابت اخرها ودى كانت اول مرة واخر مره اعملها لانى محستش بالامان وانا ماشى بيها بالسرعة دى
ينقص للعربية دى انها تبقى بموتور اكبر والوزن يزيد علشان الثبات
انا معايا 2008 glx 4*4اعلى فئة هاى لاين كاملة
عربية عالية عن الارض معرفش لية بيقولوااا انها مش ثابته انا شايف انها ثابته وتنافس مثيلاتها بجدارة
هية مش بتاعه غرز بس ممكن لو انت خبرة تغروز وتلم نفسك عند الضرورة
عربية اعتمادية بكل الصور لا يستهان بهذا الماتور 1500 فهو فعال وعفى مع ال5 راكب
اما بالنسبة لتحضير العربية فهو بطئ عند تجميع النقلات الاولى ودة طبيعى لانها عربية تعمل طول الوقت 4*4 ولكن المتمرس فى سواقه الاوتو يمكن عن طريق الضغط بصورة خفيفة حتى الشعور بتغير عزم الماتور فيكثف الظغط بدرجات تشعرة بانتقال الغيارات بسلاسة فيتلاشة البطئ فى تفاعلة مع دواسة البنزين حتى ينطلق هذا المارد من ثباته بطريقة تعوض هذا البطء وتشعر بالانطلاق هى من الاخر سياسة التعامل مع الاوتو وليس بكبس او كبح دواسة البنزين ينطلق المارد 1500 ولكن فن المعاملة والتصنت على عزم وانطلاق الماتور وبذلك من غير مشقة تعتاد على التعامل مع سيارتك الرائعه ومع هذا الماتور الذهبى الاعتمادى
أما بالنسبة للعفشة فهي ليست بالقاسية ولا بالناعمة كالسيارات السيدان ولكن بمقارنتها مع مثيلاتها الشروكى وغيرها سوف تحمد الله على ما انت فية
ولا تنسى ان العفشة ال4*4 أقوى واشد فى مواد التصنيع من غيرها
أما الصالون فهو نسبى من شخص إلى اخر انا اجدة مريح وواسع
وغير قد يجدة عادى ولكن يجب لا نتفق مع من يقول انة ضيق فهذا غير صحيح
أما التبلوة فهو جيد ويفى بالغرض وليس مبهر ولكنه لسيارة دفع رباعى هو مش وحش ولا ممتاز
ولكن ظلموااا هذا الماتور 1500 مع 7 راكب فهو مناسب وعملى مع 5 راكب ولكن ال7 راكب فهناك حمل اضافى على هذا الماتور مما يقلل من كفائته وايضا من ثبات السيارة فأنا ارى ان ال7 راكب غير ناجحه مع هذه السيارة دون النظر عن دولة التجميع
والغرض الاساسى من هذه السيارة هى اتقاء الطرق المكعبلة والمطبات المتناثرة فى المحروسة على امتداد كل محافظاتها وتشعر بالفخر عندما تتخطى احد المطبات بسلاسة وتسمع كحت وسحق شكمانات وعفسة السيارات السيدان بجوارك على نفس المطب
حينها تبتسم وتنسى الغرز والسحب والسرعات وتنظر بفخر انك تريساوى لا تخشى مرتفعات ومنخفضات وبلاعات مصر المحروسة
ولا تنسى ان هذا الماتور موفر فى البنزين ولا تتجاهل هذه الميزة
كما لا تنسى انه صمم للصيانات بعيدة الاجل توفيرا للوقت والنفقات
كما اننا لا ننفى انها بالمقارنة بغيرها عربية ذات صاج قوى على اساس مثيلاتها من نفس النوع
عربيه ممتازه بس يزودوا عزمها شويه و يزود الكماليات كمان
بس يا جماعه اللى انا عرفته من مندوب البيع فى التوكيل اللى عند دار الدفاع الجوى فى مدينه نصر ان العربيه دفع خلفى مش 4*4. الكلام ده صح ولا ايه ؟؟؟
يوجد منها دفع خلفى ودفع رباعى
في حد يعرف عفشجى كويس للتريوس يكون في نطاق مدينه نصر أو مصر الجديدة أو حتى الحرفيين
لحسن التوكيل ناااااار
و لو عايزين رأيي
العيب الرئيسي فيها ان عفشتها وحشه جدااا
بتحس بكل حاجة على الارض
و نصيحه لله محدش قالهالى قبل ما اجيبها اللى ظهره تعبان او خايف عليه يبعد عنها تماما
ممتازة - عفشة قوية للطرق المصرية - أستهلاك منخفض للوقود - تكاليف منخفضة للصيانة الشاملة كل 40 ألف كم
بصراحه وبكل وضوح...
التيريوس ال5 راكب ممتازه بالنسبه للاراضي المصريه هى عفشتها ناشفه شويه بس بتستحمل
وبالنسبه ف السحب معايا بسم الله ماشاء الله جميله فوى
بصراحه عربيه حماله قسيه
انا معاى تريوس 5 راكب 2012 منذ شهر ولاحظت التالى
العربيه قعدتها مريحه وسافرت بيها من اسكندريه للقاهرة ولم اشعر بأى ارهاق بعكس سيارتى السابقه الفيرنا
على الطرق السريعه لو زودت السرعه عن 120 العربيه بتعوم وانا ﻻ احب السرعه العاليه ولا اتعدى هذة السرعه
معدل استهلاك البنزين على الطرق السريعه بالحساب 12.3 كم/لتر وهو معدل ممتاز