المرور وما ادراك ما المرور فى الجمهورية
يا جماعه
عايزين نناقش موضوع مأثر علينا كلنا بلا ادنى شك
وهو موضوع المرور ومشاكله اللى بتذيد يوم عن يوم
لازم اللى مسكين المرور فى البلد دى يعترفوا بفشلهم الزريع طول السنين اللى فاتت
لازم يعترفوا انهم فشلوا حتى فى حل المرور وتنظيمة مش بس جوه القاهرة ولكن فى معظم مدن الجمهورية كلها
ده حتى الطرق اللى بتربط المدن وهمية لابعد الحدود
لازم يعترفوا انهم فشلوا انهم على الاقل يجبروا الميكروبصات انها تقف فى مواقفها القانونية
والاتوبيسات حدث ولا حرج
والنقل اللى بيعتبر الدائرى وكل الطرق الخارجية ملكا له وبيمشوا تلاتة او اربعه جنب بعضهم سدين الطرق على اى حد يمشى
والحمولات اللى بتطير تكسر زجاج السيارات اللى ماشية وراهم
لازم اباطرة المرور فى مصر اللى ركبين افخم العربيات والموتسيكلات وبيحكموا المرور من مكاتب مكيفة ده غير الهبشة الكبيرة اللى بيهبشوها بعد خرجهم للمعاش من دم دافعى ضرائب الرخص ده حتى الدوسيهات اللى بتستخدم لحفظ ملفات الرخص بيبعوها بالشىء الفولانى علشان تروح جمعية الامل لضباط المرور علشان الهبشة الكبية وغيرها من الجمعيات
لازم يسيبوا المرور لحد فاهم نستورد حد بيفهم ينظم لنا مرورنا ما دامت المحسوبية والوسطة هى اللى ماسية
ولازم البهوات بتوع المرو ما يكنوش بيمتلكوا ميركوباصات ومنى باصات بيشغلوها على الخطوط لان اللى بيسوق العربيات دى بيمشى بصيط الكبير وما حدش بيقدر يكلمه
اقلكم ايه ولا ايه
السواقة بقت حرقة دم ليل ونهار والبهوات العنترية بتوع المرور لو قابلك فى حملة يكلمك كانك بتمسح له الجزمة كل يوم ويستهيف على اتفه الاسباب
علشان يسحب الرخص او يدفعك غرامة
لازم حد فيهم يدخل فى نقاش معاهم
ول فى حد فيهم عنده ضمير فعلا يستقيل احسن واكرم له