الموضوع: عملت كام كيلو بالنيو سيراتو حتى الان

المشاركة الأصلية كتبت بواسطة ahmed1718

800 كم مانيوال وكيل

العربية انا شايفاها الحمد لله ممتازة واحسن من حجات كتير موجودة ف نفس الفئة

اللى مضيقنى شوية حجات هايفا بس مش عارف مين ممكن يخدمنى فيها

1- شكل الكونسول بتاع المانيوال حاسه ناقصه حاجة ونفسى اجيب الكونسول بتاعها الكامل بس طبعا مش من الوكيل علشان اكيد السعر مولع
2- طبعا معنديش فوجات ولقيتها ف التوكيل الواحد ب 680 ده غير ان لازم يتغيرلها دراع النور بتاعها كمان .فبردو اللى عنده فكرة ممكن الاقيه فين يبقا خدمنى
3- حاجة اخيرة عايز اعرف احسن انواع الريموت اللى بتتباع علشان محتار جدا فيهم اللى ديما شكله حلو بحسه تعبان

وشكـــــرا مقدما

متابع باهتمام ولو وصلت لحاجه ياريت تبلغني لو سمحت

الحمدلله معاية sx وكيل بدون فتحت سقف عاملة ٢٤٠٠ كيلو أول مستلمتهة الكراسي الادماني كانت بتذيق لكن عملها في أبو رواش في صيانة الألف كيلو و طلعلي بلونة في فردا عشان لبست حفرة في طريق أربعة و نص ونة ماشي على ٨٠ معنديش حدفه ولا سخونة فالكونسل بس هو طبعاً العفششة ناشفة بس حاسس انها بات أحسن حوالي ١٠٪ يعني الصراحة لو بات أحسن 50% على ١٠٠٠٠ كيلو يبئة كدة ١٠٠ ١٠٠

المشاركة الأصلية كتبت بواسطة normal

الموضوع بقى بترولى :))
بس كويس التعارف دا و ربنا يديم



حضرتك أكتر واحد حتى الان مشى بالنيو سيراتو
طبقا للموضوع دا
يا ريت تقولينا العربيه عامله معاك أيه
وأرجوك مره أخرى "لا تذهب بعيداً :)"

العربية معايا زي الفل
مش بتحدف شمال
العفشة ممكن تكون ناشفة شوية لاكن كويسة بتستحمل الشوارع المصرية الجميلة
صوت الموتور علي شويةلاكن مع صوت الكاست مش بيبان
بالنسبة للسخونية الي في الكونسول مش ملحوظ اوي
لاكن المشكلة ان لو انا معايا 3 في العربية غيري العربية بتحك في اي مطب بقابلة من تحت
و انا شايف ان العربية بالنسبة لسعرها عربية ممتازة و معلش يعني ان مش راكب عربية الماني علشان ميكنش فيها عيوب
شكرا

sx وكيل عامل بيها 15000 كيلو
عربية زي الفل واخر دلع بس طبعا عشفتها ناشفة رغم انها اتحسنت كتير عن أول ما جبتها، لكن من كام يوم كده واحد صاحبي اشترى سيراتو خليجي فرحت استلمتها معاه وسقتها ،بصراحة كانت عفشتها أنعم بشكل واضح، طبعا هي جنط 16 وانا عرببتي جنط 17 لكن الفرق كان ملموس فعلا رغم انها لسة زيرو خالص..،

أحيانا كمان بحس ان القوايم بتاعت العربية لا تساعد على الرؤية الجيدة..،حد لاحظ الموضوع ده؟

اه بالمناسبة الكوتش عندي عمرة ما عمل بقليلة ولا حاجه من اللي بنسمعها دي رغم اني بتعامل معاة بقسوة شديدة.لكن ولا الهوا.