اقتباس:
المشاركة الأصلية كتبت بواسطة samirayad
حقولك على حاجه كويسه
ولا تحل بوابه ولاغيره
وحتعملها بنفسك بمنتهى السهوله
1- حل أفيز خرطوم الهواء اللى راكب على البوابه ( هويه بس بمفك عدل )
2- شيل الخرطوم من على البوابه بحيث تشوف قرص البوابه
3- هات wd 40 وأديها رشه محترمه على داير القرص وأنت بتحرك بكرة الأكسراتير
كأنك بتزود سرعه من البكره العديد من المرات
4- نظف المنطقه دى كويس من أى سواد حواليها بمنديل ورق
وخللى بالك بس أن المنديل ميخشش جوه من تحت القرص
وأستعمل كذا منديل فى التجفيف
بعد ماتروق المنطقه دى وأنت بتلين أكس البوابه بتحريكك لبكرة الأكسراتير
أديها رشه كمان wd 40 ( بغرض التزييت على نظيف )
5- ركب الخرطوم تانى بقفيزه ودمتم
ولا تفصل بطاريه ولا غيره
على فكره أنا عملت الطريقه دى مرتين عندى .........وكله تمام
ولا لينا دعوه ب tps ولا غيره
وجرب الأول الطريقه دى
كل اللى حتتكلفه
علبة wd40 ب14 ج + علبة مناديل ب 0.5 ج
تسلم يا بشمهندس سمير اهو كدا ممكن اقولك اقدر أعملها ان شاء الله ومعايا والحمد لله wd فى العربية بإستمرار فبأمر الله أول مروح من الشغل كدا بالليل انزل اتسلى فيها وربنا كريم إن شاء الله وشكرا لحضرتك على تعبك معايا