الموضوع: سؤال عن مشكلة وأرجوا انها متكونش كبيرة

أيه يا جماعة انتوا فين ؟؟

أولا .. لو الرشاشات فيها حاجة كان الوضع اختلف معاك .. تأخير دوارة وخلافه .
اتأكد من نظافة فلتر الهواء ..وطلع الأيدل ونضفه بمنظف الكارب وسيبه عليه شوية لحد ما يدوب كل الوساخة اللي فيه .. رش عليه مرة واتنين وتلاتة لحد ماتتأكد فعلا من نضافته لأنه عمل معايا الحركة دي ومع حسام برغم إننا كنا متأكدين من نضافته ولما حسام راجع عليه بالنضافة تاني نزل بلاوي .
رش بعدها منضف الكارب على قرص البوابة (وعلى أماكن محاور التدوير بالذات) وبعدها رش عليهم سنة wd في أماكن محاور القرص بس (على سبيل التزييت ) وماتكترش عشان العربية ماتقرفكش في التدوير .
رش كمان الـ wd على الأيدل بعد ما تكون اتأكدت من نضافته .. وركبهم واعمل أيدل ليرن .
لو استمرت الحكاية طلع البوجيهات وشوفهم مهببين وللا لأ

المشاركة الأصلية كتبت بواسطة tompina

أولا .. لو الرشاشات فيها حاجة كان الوضع اختلف معاك .. تأخير دوارة وخلافه .
اتأكد من نظافة فلتر الهواء ..وطلع الأيدل ونضفه بمنظف الكارب وسيبه عليه شوية لحد ما يدوب كل الوساخة اللي فيه .. رش عليه مرة واتنين وتلاتة لحد ماتتأكد فعلا من نضافته لأنه عمل معايا الحركة دي ومع حسام برغم إننا كنا متأكدين من نضافته ولما حسام راجع عليه بالنضافة تاني نزل بلاوي .
رش بعدها منضف الكارب على قرص البوابة (وعلى أماكن محاور التدوير بالذات) وبعدها رش عليهم سنة wd في أماكن محاور القرص بس (على سبيل التزييت ) وماتكترش عشان العربية ماتقرفكش في التدوير .
رش كمان الـ wd على الأيدل بعد ما تكون اتأكدت من نضافته .. وركبهم واعمل أيدل ليرن .
لو استمرت الحكاية طلع البوجيهات وشوفهم مهببين وللا لأ

أولا بشكرك جدا على ردك وإهتمامك

ثانيا بالنسبة لتنضيف الايدل انا بنضفه بالـ wd منضفتهوش بحاجة تانى مع العلم ان اول مرة نضفته بيه كان تمام التمام، وبعدين العربية فى الدوارة زى الفل والحمد لله من اول تكة، بالنسبة لفلتر الهواء انا فعلا نضفته بعد الايدل كنترولر ومن ساعتها الموضوع دا حاصل معايا.
بالنسبة لمحاور التدوير ايه هى لو سمحت علشان انا ابيض يا فل.
منظف الكارب دا ايه هو منظف الكاربرتير تقصد وياترى اسمه ايه ولو عند حضرتك صورة ليه وهل هو احسن من wd ولا ايه؟
وشكرا جدا لإهتمامك مرة تانى

طالما العربية ـ الحمد لله ـ بتدور من أول تكة .. يبقى تستبعد الرشاشات ـ مؤقتا ـ ..
منظف الكارب هو الكاربراتير وهو عبارة عن اسبراي مضغوط تمنه من 18 إلى 25 وفيه منه المصري والأمريكي والصيني .. وفكرته تقريبا واحدة .. أسيتون وطولوين وشوية مذيبات عل مواد دافعة .
اسأل عليه عند بتوع قطع الغيار والكماليت .. أي محل جنب البيت هاتلاقيه فيه .
وهو مش أحسن من الwd ولا أوحش .. دا استخدام ودا استخدام .. يعني تنضيف المانيفولد بيه أحسن من الـ wd لكن الـwd يتفوق في نواحي تانية ..
محاور قرص البوابة ..
بص ياسيدي .. الحكاية باختصار إن بوابة المانيفولد عبارة عن قرص لونه أسود هاتلاقي عمود ماشي بطول قطرها بالعرض ؛ الناحيتين بتوع العمود ده هم مفصلات البوابة دي اللي القرص بيلف كبوابة والمانيفولد ماسكها من العمود ده من نايتين زي حلق الباب ..
الناحيتين دول هم محاور التدوير .. ولو فيهم وساخة أو تراكمات شحوم أو غبار أو سناج هايعاكس أداء البوابة في الفتح والغلق .. فلما تنضفهم بمنظف الكارب كويس وبعد ما ينشف (هو سريع التطاير جدا) ترش على المحورين دول حبة wd هايسهل عملها جدا ويحميها من الصدأ وكمان الـ wd مابيلمش تراب .. يبقى كده تمام .

فلتر الهواء نضفه تاني بالهواء المضغوط بس .. ولو قديم غيره .. أنا بجيب التجاري منه بحوالي 25 جنيه .. صيني ومش قد كده .. بس دا المتوفر في المنيا .
كمان اتأكد من نضافة فلتر البنزين اللي في صدر العربية (على شكل إسطوانة سوداء) يا إما تطلعه من مكانه (هو راكب حشر مش بمسامير) وترش منظف الكارب فيه من فتحة خروج البنزين عشان ترجع الشوائب العالقة فيه وتطردها منه .
بس يا سيدي !

المشاركة الأصلية كتبت بواسطة tompina

طالما العربية ـ الحمد لله ـ بتدور من أول تكة .. يبقى تستبعد الرشاشات ـ مؤقتا ـ ..
منظف الكارب هو الكاربراتير وهو عبارة عن اسبراي مضغوط تمنه من 18 إلى 25 وفيه منه المصري والأمريكي والصيني .. وفكرته تقريبا واحدة .. أسيتون وطولوين وشوية مذيبات عل مواد دافعة .
اسأل عليه عند بتوع قطع الغيار والكماليت .. أي محل جنب البيت هاتلاقيه فيه .
وهو مش أحسن من الwd ولا أوحش .. دا استخدام ودا استخدام .. يعني تنضيف المانيفولد بيه أحسن من الـ wd لكن الـwd يتفوق في نواحي تانية ..
محاور قرص البوابة ..
بص ياسيدي .. الحكاية باختصار إن بوابة المانيفولد عبارة عن قرص لونه أسود هاتلاقي عمود ماشي بطول قطرها بالعرض ؛ الناحيتين بتوع العمود ده هم مفصلات البوابة دي اللي القرص بيلف كبوابة والمانيفولد ماسكها من العمود ده من نايتين زي حلق الباب ..
الناحيتين دول هم محاور التدوير .. ولو فيهم وساخة أو تراكمات شحوم أو غبار أو سناج هايعاكس أداء البوابة في الفتح والغلق .. فلما تنضفهم بمنظف الكارب كويس وبعد ما ينشف (هو سريع التطاير جدا) ترش على المحورين دول حبة wd هايسهل عملها جدا ويحميها من الصدأ وكمان الـ wd مابيلمش تراب .. يبقى كده تمام .

فلتر الهواء نضفه تاني بالهواء المضغوط بس .. ولو قديم غيره .. أنا بجيب التجاري منه بحوالي 25 جنيه .. صيني ومش قد كده .. بس دا المتوفر في المنيا .
كمان اتأكد من نضافة فلتر البنزين اللي في صدر العربية (على شكل إسطوانة سوداء) يا إما تطلعه من مكانه (هو راكب حشر مش بمسامير) وترش منظف الكارب فيه من فتحة خروج البنزين عشان ترجع الشوائب العالقة فيه وتطردها منه .
بس يا سيدي !

الف شكر ليك جدا وربنا يباركلك ويجازيك خير وان شاء الله هشترى الإسبراى بتاع الكاربرتير من البنزينة وانا مروح واعمل اللى قولت عليه والله الموفق وألف شكر ليك مرة تانى على تعبك معايا

العفو يا باشا لا شكر على واجب

المشاركة الأصلية كتبت بواسطة daewoo3

السلام عليكم
الاخ الكريم
1- انت فكيت كبل البطارية وانت شغال؟؟؟؟
2-انت فكيت كبل البطارية بعد ما اشتغلت ؟؟؟؟
3-لازم تنضف زى ما قال حمو على الترتيب

ج1- لا محصلش وانا شغال انى فكيت كبل البطارية خالص.

ج2- ولا فكيت الكابل بعد مشتغلت خالص.

ج3- إن شاء الله هعمل الخطوات اللى قال عليها الاخ العزيز حمو وربنا يسهلها بالليل كدا وهرد عليكم طبعا علشان نشوف ايه اللى تم.