-
انا اتبهدلت النهارده
صلوا على النبى
انا عندى فيشة حساس الكرنك اللى فى الضفيرة نشفت و سلوكها بتعلق
الميكانيكى تازل الوكاله شبطت فيه و رحت عند محمد سوسو
مطولش
جبت شاشه اللى فيها حاجات كتير رذاله ب 50 جنيه مش عارف هاعمل بيها ايه بس جبتها
و جبت ايدل ب 50 جنيه
و جبت و ده المهم فيشة حساس كرنك ضفيرة بالعافية 10 جنية
فرحان مووت رحت عند الميكانيكى عشان اشتغل
البقية تأتى
-
عليه الصلاه والسلام شاشه ايه دى ياريس وعرفنا عملت ايه
-
يا دى التشويق ... :)
فى الانتظار .... على نااااااار
-
عليه افضل الصلاه والسلام
ايه ياباشا وبعدين ؟؟
-
اتكلت على الله و اشتغلت فكيت السلوك المحمصه و اشتغلت و وصلت الفيشة الجديده 1-2-3 و زى الفل دورى يا عربية مفيش
رجعت الفيشة القديمة و جبت مكرونه حرارى عشان متحمسش تانى و ووصلت العربية دارات
قلت الحمد لله اركب الأيدل بقى
الحمد لله طلع معلق و بيرفع و ينزل و مش ظابط العربية شيلته و حطيت القديم كله ده انا جوه العربية
ادور العربية و اقفل اسمع صوت العربية بقى مكنة حرت موتور ميكروباص فولكس خط الجيزة طالبية من جوه فضيحه
ناديت الميكانيكى لأول مره تحصل اسمع كده يا حاج
قاللى احتمال كبير ان المانفو يكون شفط حاجة من الأيدل وساخه و دخلت على البستم او رشقت فى كستبان
يا نهار ابوكم اسود
قلت الحمد لله
مراتى بتكلمنى كانت هتطلق ابويا صوته فى التليفون امى بنسبة 99.9% مش هتكلمنى تانى و اتبرت منى و الله اعلم
البقية تأتى
-
فكينا وش غطا التاكيهات و بالطبع الجوان عندى كان ناشف و بيسرب و طلع حتت قلت كملت
على ما الواد راح يعمل جوان فل على كاوتش و اديته 15 جنيه صرف 8 و سيبت الباقى
جبنا خرطوم هوا من الكموبرسيسور و نفخنا الموتور و دورنا و هو مفتوح استحمنا زيت عشان يشوف ضغط الطرمبة
لغاية كده الصوت شغال و بيزيد لدرجة ان اتنين فى الدور التالت اشتكوا
حلو لغاية كده
-
1 مرفق
خلصنا و ندور العربية الصوت شغال 10 ثوانى و مره واحده منع و العربية ابتدت تخرف تعلى و توطى و تهيس و انا سايبها قلت بقى اللى يحصل يحصل
هوب راحت مبطله
دخلت ادور من اول تكه دارت - عادى يعنى - الصوت مفيش العربية بتعرق ميه زى الفل
الكلام ده بقى بالصلاة على النبى من الساعه كام 3 العصر خلصت الساعه 10 و لا كلت لقمه و لا كوباية شاى و لا الميكانيكى و لا الكهربائى اللى جه يفتى و لا ميكانيكى تانى معدى يسلم عرف ايه اللى حصل و لا ايه كان الصوت و لا منين
ايه رأيكو
و توته توته فرغت الحدوته
حلوتة و لا ملتوته
-
اللى فاهم ايه اللى بيحصلى ده و انا بحترم العربية يقولى
و اللى عايز حاجة للأوبل يبقى محمد سوسو راجل محترم و استاذ
-
دلوقتى لو عايز اركب الشاشة دى ايه المطلوب
و يعنى ايه الشاشة دى - على كلام محمد سوسو - تتش
و تستاهل الفلوس 50 جنيه فى حين ان المصرى ( بتاعت مصر ) ب 200 جنيه بالعافية
-
ربنا معاك أنت كدا هونت عليا الى حصل عندى بس على الله ما تطلعش الى شافها تامر
حلو الشاشة دى فين الراجل بالظبطت عشان إحتمال أنزل مصر الإسبوع الى جاى مشوار فى سفارة ليبيا و نازل الخميس الى جاى معرض الكتاب
Content Relevant URLs by
vBSEO 3.6.0 PL2