philips لمبات اضاءه للسيارات
الحمد لله
ربنا وفقني انهارده واشتريت لمبات كريستال فيجن لعربيتي الكريستاله
اشتريتها من توكيل لمبات فيليبس هاشم باص
الناس هناك صراحه محترمه جدا واسعارهم رخيصه ارخص من بره
انا رحت يوم الاحد وملقيتش هناك وقالولي هتيجي بكره تلاقيهم
لو مستعجل روح لارابكوم
وياريتني ما رحت
سألت هناك علي h4 تلاته ريشه
لقيتهم ب130 جنيه
اقوله ياعم ده انا شاريهم ب95
يبصلي اوي كده
طب اللمبات السهاري ابيض
50 جنيه
يانهار اسود
عند التوكيل ب27
فصراحه لقيت الموضوع تهريج
ورحت انهارده اشتريتهم من هاشم باص
وسبت لمبات السهاري دلوقتي عشان انا حركب رينجات اللي حنعملهم ان شاء الله
قلت اقولكو عشان محدش يشتريهم من ارابكوم ويفتكر ان فيه فرق سعر ولا حاجه عشان الخامه
وانا صورتلكو اللمبات وكمان الكتالوج عشان لو حد حب يبص علي حاجه تانيه
ارقام التليفونات للفرع وعنوانه في مدينه نصر
34 شارع محمد عوض متفرع من مكرم عبيد خلف بنزينه شل اللي في مكرم عبيد
تليفونات : 22742770 - 22870845
ولو ممنوع العنوان والارقام ياريت بعد اذن الاداره تشيلهم وتقبل اعتذاري
بس انا شفت فايده وتوفير اكتر من 50 جنيه
وشكرا
اسيبكم مع الصور
صوره اللمبات
http://www.m5zn.com/uploads/2010/2/8.../rrbbv4f02.jpg
صوره الكتالوج
http://www.m5zn.com/uploads/2010/2/8...ej7z3n9gg7.jpg
باقي الكتالوج
http://www.m5zn.com/uploads/2010/2/8...t5wp2w2sc7.jpg