الموضوع: قائمة الأدوية التي قررت وزارة الصحة تخفيض سعرها

انا قريت الليستة كلها ادوية كانت فعلا غالية اكتر من تكلفة انتاجها

لكن عشان معظم الادوية اللى فى الليستة تعتبر الشركو اللى بتنتجها هى اول شركة تتوصل لبراءة اختراعها او اكتشافها لكن بعد عدد معين من السنين بيتفك الحظر على انتاج المادة ديه من الشركات التانبية وبتبدا تعمل نفس الدوا باسم تجارى مختلف

انا مع القرار ده عشان السبب اللى كان تمن الادوية ديه مرتفع عشان خلاص خلص اكيد فى فترة احتكارهم للدوا لموا تمن الابحاث اللى صرفهوا عليه و زيادة عشرميت خمسميت مرة كمان

و الموضوع تحول بلعب بجهل المريض اللى اصبح بين دكتور ( طبيب) لازم يحقق تارجت معين من الدوا ده فى الروشتات اللى بيكتبها عشان الهدايا و التربيطات مع شركات الدوا و شركة الدوا اللى بتخلى سعر الدوا فى السما بحيث انك تقلق تجيب نفس الدوا ( المادة الفعالة ) باسم تجارى مختلف رخيص

انا مع القرار ده شكلا و موضوعا


و لو انه جاى بخسارة عليا كنت جايب شوية استوك من الترايتاس بس مش مشكلة
ان شاء اللله يخلص عقبال اول خمسة

عموما برضه متقلقش من موضوع تقليل المادة الفاعلة معظم الشركات اللى فى الليست عندها اقوى اقسام الكوالتى كونتروال و الكوالتى اشورنس و عندها معايير معينة مش حتقدرحتى تلعب فيها

الدور و الباقى على الشراكات الحكومية اللى اللعب فيها بيبقى للركب

كان عندى بحث فى الجامعة مقارنة بين كذا شركة دوا لنفس المادة الفعالة

و النسب المسموح بيها اقاصاك 95% : 105%

معظم الشركات الاجنبية و الخاصة كانت بتبقى نسب قريبة من النسب ديه


تييجى بقى على شركة زى النصر و لا العامرية الاقى النسبة تبقى 70% و الله لاقيت فى شركة قبل كده النسبة 40% و كان فى دوا لشركة مصر


يعنى سارقين ييجى 60 % من المادة الفعالة الى المفروض يبعهالك

المشاركة الأصلية كتبت بواسطة أحمد كمال

على سيرة تحقيق التارجت

كان دكتور كتب لي ليفانوكس ..... فضلت تعيان رحت لدكتور تاني كتب لي تافانيك ...... و قال لي وقف الليفانوكس عشان التافانيك احسن طلع الاتنين نفس المادة الفعالة نياااااااااهاهاهاهاهاهاها هاها

طبعا دول نسبة كبيرة من الدكاترة

بس ده لا يمنع ان فى نسبة لا يستهان بيها برضه عندها ضمير بس اكيد حتلاقى يه مصدر دخل تانى غير العيادة استاذ فى كلية الطب مثلا و بيدى كورسات العيادة شعبية و بيجيلى ناس كتير و هو بيستحرم

برضه ساعت بيبقى على حسب ما يشوف الحالة المادية للى داخل له لو على قدحاله يديلة البديل الرخيص و الحجاجت الضرورية لو لقيه مستريح يرزعل الروشتة المحترمة اللى تعدى ورقة المية مستريحة



و خلى بالك برضه احنا شعب بيحب يضحك عليه

يعنى يخش لى ناس فى الصيدلية بيبقوا و الله خريجين جامعات و كليات محترمة المفروض بيبقى فاهم و اقوله ده هو ده بس ده سعره حنين و التانى مش موجود و متدورش عليه ناقص فى السوق كله و ده راسه و الف جزمة ان لازم يلاقى التانى اسيبه يدوخ السبع دوخات



و برضه احنا شعب بيحس ان الدكتور الكويس بيكتب دوا غالى

و الدكتور التعبان بيكتب دوا رخيص




مفيش احلى من فتاكة المصريين