مطلوب منى 1800ج فى رش العربية كتير ولا اتكل على الله؟
السلام عليكم
الحمد لله السمكرة خلصت على خير بعد ماالسمكرى السلحفة خلص العربية .... فاسألتة تعرف حد بتاع دوكو قالى اخويا وقولتلة خلية يبص عاليها ويقولى هتكلف كام .
المهم الراجل جة بص على العربية قالى 1800 ج قابلة للزيادة 100ج ولا حاجة... كان معايا واحد صحبى قالى كتييير قوى هيا بالكتير 1200 او 1300 دة وش نظافة بعنى.
وقالى اعرف ناس فى الحرفيين (الاسكندرية) كويسين اتعملت معاهم .
اية رأيكم فى السعر دة؟؟؟؟؟؟
كمان فى حاجة عايز افهمها هو الراجل قدر السعر ازاى من غير ما يعرف نوع الدوكو المانى ولا مصرى ولا اية ازاى لأن طبعا الالمانى اغلى حاجة ونوع الخامات غالية ولا متوسطة رخيصة ,
مش المفروض مثلا هنتفق على المصنعية بتاعتة وسعر الفرن وبعدين نشوف انواع الخامات اللى هنشتغل فيها اية ونجيبها يشتغل وبعدين نتحاسب او بياخد جزء وفلما يخلص جزء حسب الاتفاق يعنى... ولا هو هياخد منى العربية ويدهالى مرشوشة ومعرفش استخدم بوهية نوع اية ولا جاب الحاجة بكام يعنى شغال بمبدأ الزيادة ليا والخصارة عاليا ولا اية؟
ياريت ياجماعة تدلونى اعمل اية ولو حد فى الاسكندرية يعرف صنايعى دوكو نظيف وابن حلال بيقولى عالية وشكرا جدا...... واسف للأطالة؟
