المشاركة الأصلية كتبت بواسطة mostafabakry
يا جماعة انا رأيي ان اسلوب الكلام دا مش بيجيب غير نتايج عكسية
بمعني اننا كمصريين كلما بنردد الكلام دا و نقول احنا اصل العروبة احنا ام العرب احنا اللي عملنا للعرب و احنا اللي حررنا العروبة كلما زاد كره العرب لنا
يا جماعة احنا لازم نكون واقعيين اكتر من كدا و لازم نحترم الأشقاء العرب اكتر من كدا
يعني مثلا انت لو ليك اخ اصغر منك في السن و انت اللي ربيته و كبرته و جيت بعد ما كبر و بقا راجل و مسؤول من اسرة و عنده دخل و يمكن ماديا هو احسن منك و قعدت كل شوية تقوله انا ربيتك و انا فضلي عليك و انا علمتك و انا مش عارف ايه هل تفتكروا انه هيحبك و يحترمك حتي ولو اظهر احترامه لك بسبب اعترافه بفضلك عليه
انا شايف ان الكبير مش بالكلام و بس لأ دا كمان بإحترامة للآخرين
و ان كانت مصر في الماضي كان رائدة للعالم العربي بفضل زعمائها و بفضل تقدمها عن باقي الدول العربية في العلم و العدد السكاني و الثقافة و كل المجالات إلا ان وضع مصر الحالي غير زمان و العرب نفسهم مابقوش هما نفسهم عرب زمان
يا جماعة بصوا علي دولة زي الإمارات و شوفوا دبي فيها عاملة ازاي و شوفوا دولة زي الكويت والبحرين و عمان و سوريا و السعودية الناس دي اتغيرت و اتحضرت
يا ريت بلاش الأسلوب اللي بيحمل نوعه من تقليل شأن الآخرين و بلاش تبصوا للماضي و بس احنا في الوضع الحالي