صباح الفل لأجمد بروتوناوية من اسبوعين بدأ يظهر بعربيتي صوت تزييق من المساعدين الأماميين عند المرور فوق مطب حتى لو مريت فوق المطب بسرعة 20 الصوت موجود ايه رأيكم بقى وايه سبب المشكلة والحل ? تحياتى
عرض للطباعة
صباح الفل لأجمد بروتوناوية من اسبوعين بدأ يظهر بعربيتي صوت تزييق من المساعدين الأماميين عند المرور فوق مطب حتى لو مريت فوق المطب بسرعة 20 الصوت موجود ايه رأيكم بقى وايه سبب المشكلة والحل ? تحياتى
ممكن مايكونش من المساعدين
ممكن يكون من المقصات او من جلد الميزان ياريت تكشف كويس علي العفشه عشان ماتدوخش نفسك
اغسل العربيه كويس من تحت في اي بنزينة كويسة او مشحمة كويسة
وبعديها شوف الصوت لو لقيته يبقى اكشف على العربيه في اي مركز صيانة محترم
لأن الأصوات دي بتبقى غالبا اصوات تزييق للجلد اللي في العفشة من التراب والحر والجو عموما
ممكن تطمن على المساعدين بهز العربية لو متعرفش الطريقة قلي وانا اوصفهالك
استاذ ابو مريم كيف الطريقة?
هية حصلتلي قبل كدة بس كنت راكن العربية حوالي 6 ايام متواصلة
هو يمكن شوية تراب ولا حاجة
نفس الموضوع عندى و مش عارف سببه إيه
و أحيانا بسمع تزييق فى الحتة بتاعت العجلة اللى ورا شمال ... و بتيجى و بتروح
الافضل الكشف على السياره فى مركز متخصص , او مركز خدمه معتمد لو لسه فى الضمان , لان من الوصف فى اكتر من احتمال للمشكله و مش حيبان الى بالكشف .
موضوع التزيق لم يكون من الامام اعتقد بسبب جلب المقصات الامامية ام لومن الخلف هيكون اغلب الاحيان من المساعدين .
اسف على التاخير في الرد
الأول أغسل العربية كويس من تحت زي ما قالك أبو عبد الله لو الصوت راح يبقى خير وبركة لو مراحش يبقى هتضغط بايدك من فوق الكبوت في المكان اللي فيه المساعد 3 او 4 مرات وبعدين تسيب لو ونت بتضغط لقيت العربية مش بتستجيب معاك ومش عايزة تنزل وتطلع يبقى المساعد محجر لو بعد ما سيبت لقيت العربية لسة بتتمرجح وتنزل وتطلع يبقى المساعد خفيف لو العربية بعد ما سيبت ثبتت يبقى المساعد كويس وتعمل نفس الموضوع عند المساعد التاني لو لقيت الاتنين كويسين برضو اكشف على العربية احتياطي