الموضوع: عجباً لمن يشمت في تويوتا

تويوتا مسحبتش عشان ثقة العميل وكلام الإعلانات ده ..تويوتا سحبت عشان مش هتقدر تقف قدام ضغط الحكومة بتاعت اليابان ولا قدام المستهلكين اللي هيهروها قواضي !!

المشاركة الأصلية كتبت بواسطة ahm2000

إحترام وثقة
احترام من الشركة لعملائها سوف تجني ثقة أكبر من العميل

أعتقد إن المبالغ الطائلة اللي خسرتها تويوتا دي مش هتكون خساير قد ما هتكون استثمار في بناء الثقة و الإحترام بين الشركة و عملائها . . أقصد إنك كمان سنتين ثلاثة هتشتري التويوتا و انت واثق انهم مش بيسمحوا بالأخطاء دي في عربياتهم و كمان حتى لو خرجت من عندهم عربيات فيها عيوب فهما مش بيسيبوها فلا شماتة ولا مقاطعة لمنتجاتها بالعكس احترام و تقدير لشركة اعترفت بأخطائها و عالجتها على حساب سمعتها اللي بتبني فيها بقالها سنين فتحياتي و تقديري لشركة احترمت عميلها قبل أرباحها...

ده غير انهم بيقدروا حياة البشر ويمكن احنا اللي مش متعودين على كده .. وده بيفكرني بالميكروباص التويوتا الجديد أول ما نزل. الميكروباص ده موتوره قدام غير الميكروباص القديم اللي كان موتوره تحت الكرسيين اللي قدام وموضوع ان الموتور يكون قدام كان فيها نوع من الأمان علشان وقت الحوادث لا قدر الله يستقبل هو الصدمة قبل الركاب .. الميكروباص ده قعد فترة الناس هنا رافضاه و مش بتشتريه لأن الخبطة بتبقى في الموتور وطبعاً صاحب الميكروباص يهمه الموتور قبل حياة الناس يمكن ده بس الفرق بين الطريقة اللي بنفكر بيها و الطريقة اللي هما بيفكروا بيها..

وانا مش بدافع لأني عندي تويوتا ولا بمت بأي صلة ليهم لكني فعلاً إحترمتهم جداً و بتعجب من الناس اللي بيلوموا على من اعترف بخطأه و يمدحوا فيمن زين أخطاء وعيوب منتجه لتظهر وكأنها كماليات.

المشاركة الأصلية كتبت بواسطة ahm2000

ممكن لو شوفتوا الصفحة دي تغيروا رأيكم في الناس دي:
toyota recall information - 2009-2010 toyota recall list

دي الصفحة الخاصة بإستعادة السيارات شوفوا قد إيه الناس دي واضحة و صريحة و منظمه .. أنا شايف إن المنتج ده لو كان من أي دولة من دول كتير تاني بدون تحديد أسماء عمر التعامل مع المشكلة ما كان هيبقى بالنظام ده

المشكلة معقده جدا يا جماعه والله

اللي شايف ان ده لا يقلل من تويوتا حتى لو اعترفنا جدلا ان تويوتا اخطأت برضه مش عارف نعمل ايه للناس اللي مصممه ان الناس اللي بدافع عن تويوتا بتقول انهم ملائكة ومش بيخطأوا

خلاص قولوا كلكم تويوتا اخطأت ....... طيب بعد كده ايه اللي هيحصل
برضه هتطلع تويوتا اعلى اعتمادية وهتفضل الكرولا افضل عربية لحد الآن في فئتها

وكلامي ده ليست تعصب اعمى ولا اي شئ من هذا
لأن لو ده اعتبر تعصب يبقى كلمة الحق فيين
ويعتبر ايضا ان اي واحد من الغير معترفين بذلك شمتان خصوصا ان العالم كله كما قال احمد شاركي غلط تويوتا وفي نفس الوقت محدش عمل في المنتديات الاجنبية شماته زي اللي اتعملت هنا في منتدانا في تويوتا

انا عاوز الناس ترجع وتشوف اصل المشكلة ايه
دواسة البنزين في بعض الحالات النادرة الحدوث بترجع ببطأ يعني مش بتقفش ولا ببتكلبش لا وانما مش برتجع بسرعتها العادية لمكنها الطبيعي
والحالات الذي تم السحب بسببها 10 حالات وتم سحب 8 مليون سيارة وخسائر لا حصر لها

بالله عليكم ده يستدعي كل اللي انتم بتعملوه ده لو افترضنا ان مفيش شماته
انا حاسس ان فيه ناس مصدقت ليه مش عارف ولكن هنعمل ايه دي سنة الحياة

ياريت الناس لا تتهم احد ولا بالتعصب ولا بالشماته علشان نرتاح
تويوتا اخطأت وخلاص وريحوا اخوانا وقوللهم انها فعلا غلطانة ووحشة كمان
ولكن بعد ذلك هنلاقيها احترمت عملائها وبتخسر على تكسب ثقة الناس فيها
ومتهيألي اقل دليل ان توكيل تويوتا في السعودية اللي هو بيستورد من اليابان واستراليا غالب سياراته وقليل جدا من امريكا ومع ذلك هيبدأ فحص العربيات اللي استوردها من امريكا الأفالون موديل 2005 يعني ماشية في اجواء الخليج بقالها 5 سنين ومحصلهاش حاجه وبرضه هيفحصها
فمحدش ياريت يقولي اصل الحكومة الأمركية ضغطت عليهم برضه دلوقتي علشان يسحبوا السعودية معاهم كمان
الحق يقال بلاش ننكره