الموضوع: عجباً لمن يشمت في تويوتا

اللى اعرفه ان رينو مافيش حد مات بسبب عيوب كويل او طرمبه بنزين
اللى ممكن هما يقولولك ان ده عمر افتراض
ى
واللى اعرفه ان 2005 الكويلات اتغيرت فى الضمان الا اللى ماكانش متابع

بس عربيه من 2004 ولا 2003 و بعد 5-6 سنين طرمبه البنزين تبوظ ماحدش يقول عيب صناعه ده اسمه القطعه عمرها موش طويل و ده مش سوء تصميم و ممكن يكون النزين اللى عندنا موش هوه اللى الطرمبه عايزاه مثلا - الشوائب عندنا اكتر
فده موضوع يطول فيه اللبس


مشكله تويوتا فى العربيات ديه مشكله سوء تصميم فى المقام الاول مش مشكله سوء او عيب صناعه

و بعدين عيب التصميم ده ادى ان ناس تموت و ديه هيه القضيه المثاره موش القضيه ان القطعه بتقعد 7 سنين و مش عايزين يغيروها لما تبوظ و يبقى التوكيل السبب

مش فاهم ازاى الكلام بيتحور و الناس بتبعد عن القضيه الرئيسيه و يحولوا فضيحه لكلام عن اعتماديه

المشاركة الأصلية كتبت بواسطة human12

اللى اعرفه ان رينو مافيش حد مات بسبب عيوب كويل او طرمبه بنزين
اللى ممكن هما يقولولك ان ده عمر افتراض
ى
واللى اعرفه ان 2005 الكويلات اتغيرت فى الضمان الا اللى ماكانش متابع

بس عربيه من 2004 ولا 2003 و بعد 5-6 سنين طرمبه البنزين تبوظ ماحدش يقول عيب صناعه ده اسمه القطعه عمرها موش طويل و ده مش سوء تصميم و ممكن يكون النزين اللى عندنا موش هوه اللى الطرمبه عايزاه مثلا - الشوائب عندنا اكتر
فده موضوع يطول فيه اللبس


مشكله تويوتا فى العربيات ديه مشكله سوء تصميم فى المقام الاول مش مشكله سوء او عيب صناعه

و بعدين عيب التصميم ده ادى ان ناس تموت و ديه هيه القضيه المثاره موش القضيه ان القطعه بتقعد 7 سنين و مش عايزين يغيروها لما تبوظ و يبقى التوكيل السبب

مش فاهم ازاى الكلام بيتحور و الناس بتبعد عن القضيه الرئيسيه و يحولوا فضيحه لكلام عن اعتماديه

أخي الفاضل اولا احب اوضح لك بعض الأمور من الواضح انها غير واضحه لك
عيب طرمبة البنزين ده كان من اكتر من 3 سنوات كده
وانا كتبت عليه هنا في المنتدى ولقيت ما لقيت من الهجوم كالعاده
يعني ماهواش دلوقتي علشان تقولي ده استخدام وعمر افتراضي

ثانيا العيب ده مين قالك انه مكنش هيموت حد
حضرتك لولا قدر الله ان قريبي ده ماشي على سرعه قليلة لنه كان بياخد ملف ومع ذلك اتصاب لأن الخبطة من الخلف كانت جامده والشنطة بتاعت العربيه اتطبقت فضلا عن انك اساسا وانت سايق العربيه مبيبقاش عندك اي فكره ان العربيه هتقف لوحدها
ولو حضرتك مش متخيل الموقف حاول وانت ماشي على سرعة 100 كم مثلا وخلي بالك ميكونش حد خلفك وتخيل ان فيه حد ماشي خلفك على الطريق
ووقف ماتور العربيه شوف العربيه هتعمل ايه وهيا واخده نقله
ولو افضل خلي واحد من صحابك راكب معاك وقوله وقف الماتور وان مش واخد بالي وشوف رد فعلك ايه ؟؟؟؟؟ ياريت تفكر في الكلام ده شويه وتعيش الموقف
وانت هتعرف ساعتها ان الموقف مصدم جدا ولو احد خلفك هيلبس فيك بسرعته لأن ولا انت ولا هو عارف ان العربيه هتقف ومفيش بنزين علشان تزود سرعتك او تفضل ماشي بنفس السرعه مع العم ايضا ان العربيه بتبقى واخده غيار نقلة
وانت تعلم اكيد ان العربيه لما نحب نوقفها بسرعه بنعطيها نقلة عكسية لأن النقلات لو من غير ضغط على البنزين بتعتبر فرملة للماتور

ثالثا الطرمبة اتغيرت وبرضه رجعت عملت نفس الموضوع

رابعا العربيه كانت بتقف باليل على الطرق وتتشد بالونش علشان تروح التوكيل ويشوف فيها ايه وبرضه يتقال العربيه سليمه وكله تمام
رابعا الموضوع ده يمكن اتعمله حوالي من 6 الى 8 مشاوير للتوكيل للوصول للحل اللي هما مكنوش شايفين اي مشكلة اساسا في العربيه
لحد ما الراجل زهق وصور العربيه بتعمل ايه على الموبايل علشان يصدقوا كلامه

ده كله وتقولي تحوير كلام بالله عليك ده تحوير للكلام
سبحان الله

ثم مين اللي قالك ان مفيش حد مات او اصاب بسبب موضوع طرمبة البنزين
معاك احصائيات بالكام ده او دليل مادي
يعني مش معقولة لما نيجي نتكلم كده يتقال فين الدليل ولما غيرنا يتكلم يتكلم بدون دليل
حضرتك للاسف احنا في مصر معندناش منظمة زي بتاعت امريكا تحسب الكلام ده ولا رينو في امريكا علشان نكتشف الكلام ده
انا قريبي اتصاب في راسه والعربيه اتدشت من الخف وكاد لولا قدر الله انه لو كان على سرعه والعربيه واخده ناقلة وفجأة مفيش بنزين انت اكنك ضربت فرامل بالظبط وسط الطريق
هل انت تقدر تجزملي ان مفيس حد عمله حادثة ومات او اتصاب بسبب الموضوع ده ولو هتقدر تجزم اين الدليل
طيب انا شوفت حاله مماثلة للكلام ده
ولولا قدر الله انه كان ماشي على سرعه بطيئة لأنه بياخد ملف ومع ذلك الأصابة فيه او العربيه مكنتش هينه بالمره ده غير التكاليف
طيب شوف لو حصل وانت ماشي على السريع في وسط عربيات ماشيه على نفس السرعه
وياسلام لو جت في غرزه او بتعدي نقل لوري يا سلام
حضرتك اساسا محدش هيبقى موجود بعد الحادثة علشان يحكيلك ايه اللي حصل بسبب طرمبة البنزين

ده كله شئ
واعتراف الشركة الأم وعدم سحبها للعربيات شئ اخر
هو ده في الأول والأخر مش عيب صناعه
ولما بيتم استبداله بيتم بنفس القطعه يعني مفيش تعديل
طيب بعد الضمان اعمل ايه مادام مفيش تعديل في القطعه نفسها

المشاركة الأصلية كتبت بواسطة sharky

كلام منطقى و موزون فعلا

الغريب ان الناس اللى بتقول ان تويوتا سحبت و غيرها ماعملش كده

للمرة المليون تويوتا ماكنتش حتسحب حاجة بدليل معرفتها للعيب من 2007 !!!
و اللى خلاها تسحب ضعوط الحكومات عليها فقط و ليس إحترامها لعميل


يعنى زيها زى أى شركة سيارات ممكن تطنش على عيوب فى سياراتها لو ماترفعش عليها قضايا او ضغطت عليها حكومات الدول و هددتها بالعقوبات

و هو دا جواب للى بيسأل إزاى تويوتا تبقى عارفه العيب دا من 2007 و ساكته
علشان مش عايزه حاجة تهز صورتها و فى نفس الوقت علشان سباق الحصول على المركز الأول فى الانتاج لإنها حتضر توقف الانتاج لعلاج السيارات المعيبة مما سيؤدى الى فقد المركز الاول عالميا

يا عم سيبك بقه من تويوتا وخلاص عرفنا انها شركة غير محترمه وبتستعبط وبتستهبل كمان
خلاص انا قولتلك اهه كده
رد عليا بقه في اللي انا قولته ده
ليه الكلام ده مبيحصلشي على الشركات الأخرى معلومة العيوب من زمان بقالها اكتر من 5 سنين لم تفعل الآتي كما فعلته تويوتا :
1- مفيش سحب عربيات
2- مفيش اعتذار رسمي للناس
3- مفيش تعديل تم على هذه العيوب وهيا هيا موجوده
4- الاحترام كما يدعيه البعض ان كل الكلام ده يتم بدون ضغط
طيب الشركات دي اعتبرها برضه محترمه ولا مش محترمه لأنها معملتشي الكلام السابق ولا برضاها ولا من غير رضاها
يعني ولا اجبرت على ذلك ولا لم يجبرها احد على ذلك وفي كلتا الحالتين لم تفعل
ماذا اسميها شركات محترمه ام غير محترمه وما هو الأحترام علشان نضع ايدينا على المشكلة بالظبط علشان نبقى بنتكلم على ارضية واحده

وتحياتي

الواحد يتسامح في أي شيئ إلا في عيب يهدد السلامة و الأمان للركاب ..
مافيش أعذار ده مش تهريج

اسمحولى يا جماعه اشارككم فى الموضوع والى انا عايز اقوله ان لاشك ان تويوتا من اكبر شركات السيارات فى العالم وعربياتها اعتماديه
بس الى اعرفه ان فعلا تويوتا ما قررتش سحب العربيات دى والاعلان عن المشاكل الا بعد ضغط عليها مش عشان عيون الناس الى اشترتها ولو فعلا كانت عايزه كدا كانوا سحبوها من بدايه المشكله الى بقالها حوالى 3 سنين دلوقتى
ثانيا مينفعش الناس فى مصر على سمعه تويوتا السابقه لما يظهر مشكله زى دى يعملوا ودن من طين وودن من عجين لان لو شركه زى دايو او او شركه صينيه كانت سحبت عربياتها بنفس الطريقه ونفس العيوب كنت هتشوف ردود بتشتم فى العربيات دى والناس هتقول اتفرج يا عم ما احنا قولنالكم ان العربيات دى مقلب فى الاول وكلام مالوش نهايه
طبعا انا مش قصدى ان اساوى السيارات الصينيه والكوريه بتويوتا لان الحقيقه ان تويوتا متوفقه جدا ولا جدال فى ذلك
بس انا عايز اقول ان الناس الى بتطبل لتويوتا وتشتم فى الباقى مينفعش كمان يدافعوا عن الشركه فى وضع زى دا لان لو شركه اقل فى المستوى كانت فى نفس موقف تويوتا دلوقتى كنت هتشوف ردود اجارك الله
اسف على الاطاله واتمنى وجهه نظرى تكون وصلت