عاوزين شوية نشاط وعايزك تفرجنى على شغلك :S_thum1[1]:
عرض للطباعة
ممكن سوال يا باشا الفوم ممكن ينفع يكون عازل للصوت في العربية ولا لا وبيتباع فين والعبوة علي شكل اية وبيكون سائل ولا شكلة اي باضبط وشكرا:10d5c8~1107:
موضوع ممتاز بس عايز قراءة بتمعن
طب بالنسبة للفيبر ممكن تعمل منة دواليب أو واجهات محلات وترشه دوكو سيارات؟
وحد عمل الفكرة دي لو قابلة للتطبيق؟
وبالنسبة للفوم هل يصلح عازل للرطوبة ؟وممكن ياخد طبقة دهان ولا لأ؟
الفوم لا يتعمل التنر وعلى اساسه غير قابل للرش
احنا فى مشاريع الكلية كونا بنتحايل على الموضوع ده بعمل طبقة عزل
من الغراء الابيض وبعد كد نقوم بارش البولى يوريثال هو اللى ممكن يترش
اما عن استخدمات الفيبر جلاس
وجهات الاتوبيسات - ماكينات atm - مترو الانفاق الكراسى بتاعته - احواض المعامل التى تتعرض للاحماض - المراكب واليخوت - وحاجات تانية لا تحصى
بجد فنان و موضوع قيم جدا جدا
الف شكرا يا باشا
اولا احب ان اشكرك يا اخ zaza_lanos على موضوعك الجميل ده
ثانيا انا ليا اسئلة هتعبك معايا في الاجابة عليها
انا عايز اعمل قطعة فيبر على شكل مربع تخانته 5 ملليمتر و المربع واحد متر طول وواحد متر عرض
فالمطلوب شرائه من الخامات ايه بالظبط
واسماء السوق للخامات ايه علشان المحلات بيبقي ليهم اسماء غير الاسماء العلمية
ومقدار الخامات لعمل القطعة السابقة اد ايه
وايه هى الادوات المستخدمة واجيبها منين
يعنى الموضوع محتاج جوانتى من نوع خاص علشان الكيماويات
او نضارة خاصة علشان المواد دى خطر على العين لو بتطلع بخار
وهل المواد دى قابلة للاشتعال ولا لاء وايه احسن طرق لتخزينها
معلش انا هتعبك معايا
---------------------------
محمد سالم
مشكلة الفيبر جلاس بس انه بيكون ضعيف لانى سمعت ان واحد عمل تابلوه العربية كامل من الفيبر جلاس وكان محافظ علية ومع وقت بسيط بدء يشرخ ويكسر فهل دة صحيح ولا ممكن الواحد يعالج المشكلة دى باضافة مواد اخرى
الفيبر جلاس معلجاته سهلة جداً عن تجربة بس مش لازم الاكصدام يبقى فارق 5 سنتى عن الارض ونقول ده بيتكسر بسرعة ابعاد الطريق عندنا عالمية للحوادث
الف شكر ليك يا باشا
وجزاك الله خيرا
----------------
محمد سالم
ياباشا انت تأمر
الأخ العزيز , جزاك الله ألف خير على هذه المعلومات القيمة و المفيدة.
بس انت أكيد فنون تطبيقية , مش كدة؟
لأنك عارف قالب العربية ال 128 المعدلة اللي كانت مرمية في قسم نحت سنين و بعد كدة اختفت في ظرروف غامضة , والطلبة الموهوبين اللي عمله المشروع دة بيشتغلوا دلوقتي في حاجات بعيدة خالص عن المجال
انا خريج 2003
قسم التصميم الصناعى
والناس بتاعة
نحت ولاد عمنا
أخوك طباعة منسوجات 2001
و صاحب مشروع خاص "مطبعة"
أتمنى يكون في تواصل وتبادل معلومات لتعم المنفعة
انا كنت عاوز اعمل كونصوله لعربيتي و القالب موجود و كل حاجه جاهزه باذن الله
بس لما اروح لمحل صلاح الدين اقوله ايه ... لأن لغايه دلوقتى ماعرفشى الخامات على وجهه الدقه
حتى العضو الفاضل اللى اشتراهم ماذكرشى الخامات بدقه
فهل لما اروح المحل اقوله عاوز كيلو بولى استر و اضافات الفيبر وهو عارف حيديلى ايه ؟؟؟؟؟
انا كنت عاوز اعمل كونصوله لعربيتي و القالب موجود و كل حاجه جاهزه باذن الله
بس لما اروح لمحل صلاح الدين اقوله ايه ... لأن لغايه دلوقتى ماعرفشى الخامات على وجهه الدقه
حتى العضو الفاضل اللى اشتراهم ماذكرشى الخامات بدقه
فهل لما اروح المحل اقوله عاوز كيلو بولى استر و اضافات الفيبر وهو عارف حيديلى ايه ؟؟؟؟؟
انا روحت لمحل صلاح الدين ده
و قولتها عاوز كيلو فايبر و لوازمه ... هى الصراحه ماكنتشى عارفه اوى بس اللى اشتريتهم
فايبر و كوبلت (سائل فى زجاجه كده و لونه نبيتي ) و سائل كده زى العسل او الكله و ليه ريحه الكوله بتاعت الكاوتش
وسائل كمان فى زجاجه عامل زى الميه
خلط التلات سوائل مع بعض و فرشتها على الفايبر لاقيتهم بيغلو شويه كده و مش عارف ده صح و لا انا عكيت الدنيا
و الفايبر بقى شببه العجينه الطريه خالص
ياريت تقوللولى استخدمهم ازاى و تقوللوى اسماء الحجات اللى مش عارفها دى وهل انا اشتريت حجات غلط و مش هى دى المطلوبه
وايه الكوبلت ده احدش جاب سيرته قبل كده
وياريت تقوللولى لو عاوز الحم فايبر (فراغات او كسور ) هل استخدم الطريقه دى
مشكوووووور والله يعطيك الف عافيه
خالد باشا صبرى
الحمد لله ان المكونات مانفجرتش معاك
لان لو حطيت الكوبالت على البروكسيد مباشرة هيحصل انفجار
انا رحت يوم الجمعة الساعة 5 المغرب واشتريت المكونات من محل صلاح الدين برضه
وفعلا ولا البنت ولا الواد اللى شغال جوة عارفين حاجة
ودبستنى فى حجات زيادة وحجات ناقصة
بس انا كلمت الحج صلاح صاحب الشركة وهو راجل محترم جدا وقاللى اعمل ايه بالظبط
دى التفاصيل
كيلو الفيبر 450 (دا رقمه) على شكل بكر زى القماش طوله 8 متر فى عرض 25 سم مقسم كل متر لوحده
بيحتاج الى 4 كيلو بوليستر
وكيلو البوليستر بيضاف عليه 5 جرام فقط كوبالت
و 30 جرام بروكسيد
وقاللى على طريقة حلوة احسب بيها الجرامات
قاللي معلقة الشاى الصغيرة بتشيل 10 جرام ونصف معلقة 5 جرام
والطريقة
تدهن القالب بالعازل pva انا جبته من عندهم برضه
تحط البروكسيد على البوليستر وتقلب كويس جدا
ثم تحط الكوبالت على البوليستر وتقلب برضه كويس جدا
وتفرد الفيبر على القالب ثم تشربه عن طريق الفرشة بالبوليستر مش تدهن لاء كانك بتعصر عليه الفرشة
وحط طبقة فيبر كمان وبعد كدة حط بوليستر
وسيبه ينشف براحته وبعد كدة طلعه من القالب بالراحة
دى المرحلة اللى وصلتلها من المعرفة لسة الدهان
ولسة كمان مجربتش عملي
ملحوظة
لازم تلبس جوانتى للحماية من الصيدلية ب 4 جنيه
كمامة من الصيدلية تقريبا ب 1 جنيه او 2
ونظارة واقية دى مش عارف بتتباع فين علشان كدة مجربتش
وازازة اسيتون من الصيدلية ب 3.5 جنيه علشان لو جه المواد دى على جلدك تغسلها بسرعة بالاسيتون
وازازة مية نضيفة علشان لو لا قدر الله جت حاجة على العين تتغسل فورا بالمية في اقل من 4 ثوانى والا العين تتعمي
وملابس طويلة
وتشتغل في مكان مفتوح وتكون مدى ظهرك لاتجاه الهواء علشان الريحة متجيش عليك
دا كل اللى وصلتله
--------------------
محمد سالم
الله ينور عليك يا باشا
انا لسه واخد بالى من الموضوع
مجهود
الله ينور عليكم بجد واهتمامكم بالموضوع
الله ينور عليك يا باشا
انا لسه واخد بالى من الموضوع
مجهود
الله ينور عليكم بجد واهتمامكم بالموضوع
خللى بالكم ان البروكسيد والكوبالت لو اتحطوا بكميه زياده هتعمل نتيجه عكسيه والبولى استر هيفضل لدن ومش هتحصل عمليه التصلب بشكل سليم
ممكن تعملوا عزل بالفازلين الطبى فى الصيدليه
ياااااه...انا كنت فاكره اسهل من كدة(على كلام الناس)
شكرا جزيلا على الموضوع المفيد ده
++++1
متشكر جدا انا كنت بدور على الموضوع ده بجد مفيد جدا
كل الشكر للاعضاء اللى اهتموا ووصلولنا اخر الاخبار
والجديد فى المجال ده
وعلى راى المثل ايد لوحدها متصقفش
شكرا للاهتمامهم بتجديد الموضوع
السلام عليكم
اهنئكم و ابارك لكم اخوانى فى مصر العروبة على تصحيح الوضع عندكم راجيا الله عز وجل ان يسدد خطاكم فى ان تكونوا قيادة الأمة العربية فى تصحيح ما اخطاء به حكامنا فى السماح لأعداء الأمة بالتمادى واعطائهم الفرص فى التمدد والتوسع لنستعيده ونعيده الى ما يجب ان يكون املين من الله الغفران على سكوتنا تلك الفترة.
اشكرك اخى كاتب الموضوع وارجو من الله ان يجعله فى ميزان حسناتك
لحام الفيبر هو نفس طريقة التصنيع
مع استخدام الجاخ (صاروخ) للتنعيم
بعد ملاء الفراغان المتهشمة
والمعجون بيخفى اى عيوب
جميع وسائل النقل بتستخدم الفيبر فى الصناعة
كاوجهات وخلفيات للاوتوبيسات
وسائل الجلوس فى الميترو
يعيبه عدم مرونته مثل الدائن الاخرى كالاكصدامات المعرضة للاحتكاك باستمرار
العزيز zaza_lanos
كل الشكر والعرفان لما تقدمه لنا من معلومات بارك الله فيك
يا جماعة ان معملتش حاجة والدور والباقى على الناس اللى اهتمت بالموضوع وكملت الحاجات اللى نسيتها