بعد أزمة تويوتا و فورد .... هل تعود سيارات فيات للقمة في فئة سيارات الوسط ؟

طبعا اصداء فضيحة تويوتا و فورد مغرقة الدنيا

أزمة دواسات البنزين عملت مشكلة مرعبة لتويوتا في الولايات المتحدة و من المتوقع تدخل الهيئات الفيدرالية في الأزمة

و طبعا لمن لا يعرف قيمة تويوتا في السوق الأمريكي بالتحديد يكفي أقولة أن تويوتا بتنزل موديلات كاملة للسوق الأمريكي فقط لاغير، دة بقي الشقيقة الصغري ديهاتسو و اللي تقريبا تويوتا مسيطرة عليها، بالأضافة إلي لكزس يعني المصيبة علي راس كل مجموعة تويوتا حتكون بالجملة

طبعا الأزمة في فورد ليست طاحنة حتي الأن و إن كانت بعض سيارات فورد و تحديدا الشاحنات لا تزال تحت التجربة

المصيبة بقي في مصر ولا اي حاجة و الدنيا فلة

ولا سمعنا عن عربية اتسحبت لأي سبب و كأن اللي عندنا دة معمول لمصر خصيصا بدون اي عيوب

السؤال بقي عمر حد سمع دة من فيات؟

عمر عربية من عربيات فيات إتسحبت لأي سبب من الأسباب ؟

في مصر جملة شائعة جدا : يقولك يا عم دية فيات ........ كنوع من الإستهتار بالعربية يعني

طيب اهو فيات دية عربياتها عايشة في مصر عمرها 40 سنة و لسة ماشية و بتكركر ( اة هي بتقرفنا في عيشتنا في الشوارع) بس عايشة و زي الفل

في بقي عربية لسة عايشة زي الفيات؟ بإستثناء بعض موديلات المرسيدس ؟

في النهاية بقول أة دية فيات و حلوة و زي الفل ولا فيها فرامل ضايعة و لا دواسة بنزين بتعلق و بتمشي زي العفريت لحد ما تورثها لأحفادك

+1
لكن المشكله فى فكر القطيع اللى معشش فى دماغ المصريين ودايما نايمين فى العسل :36_1_50[1]:
ومعظمهم بيفتوا وبيصدقوا كلام التوكيلات الكاذب وده اللى جعل سعر سياره تويوتا 160 الف حرام ده ولا حلال ويسخروا من عربيه اوربى (فيات لينيا على سبيل المثال) كامله وامان اكثر ولا يتعدى سعرها 115 الف وكلنا متربيين علي الفيات وانا لا اقلل من كفاءه اليابانى او الكورى لكن غياب المنافسه فى عقل المصريين هو اللى عمل فينا كده وفى الآخر لا نلومنا الا انفسنا

شكرا للموضوع ...بس ايه المطلوب؟

احب اقول لحضرتك ان اي شركة لها تاريخ .. استدعت عربيات قبل كدة و منهم فيات

Fiat Recalls 500,000 Grande Punto - autoevolution

دي احدى الاستدعائات لفيات ..

و مش عارف ليه الناس بتتكلم على اساس ان تويوتا قفلت !!!!!!!!!!

ياريت مننساش انها تويوتا .. حبنها كرهنها .. هي تويوتا

اقتباس:

---

المشاركة الأصلية كتبت بواسطة ayman2

+1
لكن المشكله فى فكر القطيع اللى معشش فى دماغ المصريين ودايما نايمين فى العسل :36_1_50[1]:
ومعظمهم بيفتوا وبيصدقوا كلام التوكيلات الكاذب وده اللى جعل سعر سياره تويوتا 160 الف حرام ده ولا حلال ويسخروا من عربيه اوربى (فيات لينيا على سبيل المثال) كامله وامان اكثر ولا يتعدى سعرها 115 الف وكلنا متربيين علي الفيات وانا لا اقلل من كفاءه اليابانى او الكورى لكن غياب المنافسه فى عقل المصريين هو اللى عمل فينا كده وفى الآخر لا نلومنا الا انفسنا

---

سعر سيارة تويوتا 160 الف !!!!!!

انا مش فاهم ايه المشكلة .. ممكن تقولي تقل عن الفيات في ايه ؟؟؟؟ تقل عن الجيتا في ايه ؟؟؟؟ تقل عن الفانتازيا في ايه ؟؟؟؟

مش عارف الناس بقت بتكره تويوتا كدة ليه ؟

اقتباس:

---

المشاركة الأصلية كتبت بواسطة kareemhisham

سعر سيارة تويوتا 160 الف !!!!!!

انا مش فاهم ايه المشكلة .. ممكن تقولي تقل عن الفيات في ايه ؟؟؟؟ تقل عن الجيتا في ايه ؟؟؟؟ تقل عن الفانتازيا في ايه ؟؟؟؟

مش عارف الناس بقت بتكره تويوتا كدة ليه ؟

---

انا لست ضد تويوتا بالعكس انا احترمها جدا وكل انتقالاتى فى العمل بها لكن انا ضد اسغلال الوكيل الاسم وحب الناس لها (شعار تويوتا وبس) ويرفع السعر بصوره مبالغ فيها ويحعل شريحه كبيره من المستهلكين تلجا الى بدائل ليست فى نفس الكفاءه وفى حاله توفر البديل الممتاز واللى ممكن فى حاله الاقبال عليه يتم تغير مستوى الأسعار نجد ان الناس تفتى ويقولوا لأ فيات أو غيرها عيب وهانجيب تويوتا وبس والف مبروك للوكيل وأسعاره

انا راى ان موديلات فيات افضل من التيوتا فى الفئة السعرية والكماليات الموجودة دا غير جودة الخامات المعروفة عن فيات ودة مش معناة ان تيوتا سيئة بالعكس ولاكن اسعارها الغريبة والمرتفعة باستمرار وفى بدائل بثمن اقل وجيدة ايضا وبالنسبة لفورد اعتقد انها فئة اعلى ولا تقارن بالفيات او التيوتا

اقتباس:

---

المشاركة الأصلية كتبت بواسطة kareemhisham

احب اقول لحضرتك ان اي شركة لها تاريخ .. استدعت عربيات قبل كدة و منهم فيات

fiat recalls 500,000 grande punto - autoevolution

دي احدى الاستدعائات لفيات ..

و مش عارف ليه الناس بتتكلم على اساس ان تويوتا قفلت !!!!!!!!!!

ياريت مننساش انها تويوتا .. حبنها كرهنها .. هي تويوتا

---

علي العموم طلع معاك حق إن فيات إستدعت و لكن برضة يا أخي شوف الفارق بين الحالتين

واحدة دواسة بنزين بتعلق و بتعمل حوادث مميتة، و التانية مشكلة في الدركسيون ربما تؤثر علي التحكم و أداء الفرامل

و بعدين محدش قال أن تويوتا قفلت، بس متنكرش يعني ان الخبطة لتويوتا كانت قوية و الشركة بتولول يعني

و بعدين ان الناس في مصر كان ناقص تعمل معبد لتويوتا و تقدم لها قرابين، لدرجة أن الكامري مثلا سعرها وصل أنة بقي أغلي من المرسيدس إي كلاس

والله يا اخى الكريم مع احترامى الشديد وحبى الخاص لللينيا والجراند بونتو الى انى ارى ان انتا بتقارن كيانات جبارة بشركة صغيرة نسبة اليهم لا ترتقى اليهم فى حجم الانتاج ولا التنوع فى الموديلات المصنعة وممكن حضرتك تشوف حجم فيات كشركة وانتاجها عالميآ وترتيبها عالميآ وتشوف فورد وتيوتا يا ناس خليكم واقعيين رجاء لوجة الله حتى لا تشتتو الناس

اقتباس:

---

المشاركة الأصلية كتبت بواسطة amrbakly

علي العموم طلع معاك حق إن فيات إستدعت و لكن برضة يا أخي شوف الفارق بين الحالتين

واحدة دواسة بنزين بتعلق و بتعمل حوادث مميتة، و التانية مشكلة في الدركسيون ربما تؤثر علي التحكم و أداء الفرامل

و بعدين محدش قال أن تويوتا قفلت، بس متنكرش يعني ان الخبطة لتويوتا كانت قوية و الشركة بتولول يعني

و بعدين ان الناس في مصر كان ناقص تعمل معبد لتويوتا و تقدم لها قرابين، لدرجة أن الكامري مثلا سعرها وصل أنة بقي أغلي من المرسيدس إي كلاس

---

مقدرش انكر ان الخبطة جامدة من تويوتا .. و لو قلتلك ان الحصل دة عادي ابقا بضحك عليك

فكرة ان شركة تسحب عربيات دة عادي جدا .. لكن المرة دي كانت كبيرة اوي من تويوتا ..

العيوب الفي السيارات نادرة الحدوث و مش بتحصل غير في ظروف معينة ..

المشكلة في دواسة البنزين و مفيش اي حاجة عن الدريكسيون خاااااااااااااااالص ..

و المشكلة دي مبتحصلش غير في البرد القارص .. طبعا لو حصل احتمال كبير تأدي الحادثة .. بس الموضوع في المجمل مش بالبشاعة دي

الناس هنا في مصر بتعشق التويوتا بسبب تاريخها الاكثر من ناجح .. عربيات بتدي كل شئ طبيعي ان الناس تحبها .. و صدقني الموضوع دة حاصل مع الالماني اكتر من تويوتا

سبب ارتفاع سعر الكامري هو الجمارك لان العربية بتيجي كلها مستوردة ..

اما الbmw و المرسيدس فهم مجمعين هنا في مصر و لذلك السعر متقارب

اقتباس:

---

المشاركة الأصلية كتبت بواسطة ashrafsadany

والله يا اخى الكريم مع احترامى الشديد وحبى الخاص لللينيا والجراند بونتو الى انى ارى ان انتا بتقارن كيانات جبارة بشركة صغيرة نسبة اليهم لا ترتقى اليهم فى حجم الانتاج ولا التنوع فى الموديلات المصنعة وممكن حضرتك تشوف حجم فيات كشركة وانتاجها عالميآ وترتيبها عالميآ وتشوف فورد وتيوتا يا ناس خليكم واقعيين رجاء لوجة الله حتى لا تشتتو الناس

---

والله جت في دماغي النقطة دي .. و كنت هقول ان تويوتا شركة عملاقة .. و لكن فيات شركة صغيرة

انما المشكلة ان لما حد يقول الكلمتين دول .. بيقولوا دي فيات تمتلك الفا روميو و فيراري و لامبورجيني و مازياراتي

طبعا دي كلها شركات جبارة .. لكن مش كبيرة

شوف فيات بكل شركاتها بتبيع قد ايه في السنة و تويوتا لوحدها من غير شركاتها بتبيع قد ايه في السنة ؟

الاضية مش انا الى اقول او حضرتك الى تقول لان الكلام دا كلام منظمات دولية ومؤسسات شغلتها التقييم وممكن تعرف ترتيب فيات وحجمها الحقيقى عالميآ من الشركات الكبيرة زى جنرال موتورز وفورد وتويوتا بالارقام علشان الموضوع ميبقاش لتقديرات واراء شخصية وللفيات كامل احترامى وانا بموت فى حاجة اسمها لينيا وكنت لن اتردد لحظة واحدة فى امتلاكها لولا انها مانيوال وربنا يبارك لاصحابها فيها لانها عربية مميزة جدآ

!!!!!!!!!!!! فيات شركة صغيرةة مش هتكلم كفاية التعبير !!!!!!!!!!!!

يا جماعة سواء فيات أو تويوتا , الشركتين ليهم احترامهم , و عربياتهم من زمان يعتمد عليها , علشان كدة لما يحصل عيب صناعة منهم بتبقى مصيبة
اجابتى على السؤال : لأ , فيات عمرها ما حتاخد مكان تويوتا , ببساطة لأن انتاج الشكرتين موجه لأسواق مختلفة تماما , تويوتا بتنتج لأمريكا والخليج انما فيات لأوروبا

اقتباس:

---

المشاركة الأصلية كتبت بواسطة fouady

!!!!!!!!!!!! فيات شركة صغيرةة مش هتكلم كفاية التعبير !!!!!!!!!!!!

---

يا اخى الفاضل انا مبقولش صغيرة انا بقول وضعها وحجمها بلنسبة للقييم العالمى وليس الشخصى مقارنة بلشركتان الاوئل يعنى مرسيدس وbmw على ما اذكر كان ترتيبهم ال12 وال13 مقارنة ب جنرال موتورز وفورد وتويوتا وهما الاوائل دا مشمعناة ان المرسيدس شركة صغيرة لاكن الموضوع بيدخل فية مقاييس كتيير زى حجم الانتاج والتنوع فى لانواع وحجم المصانع وخطوط النتاج وغيرة من المقاييس ياعنى انا عمرى ما شفت عربية جيب لفيات مثلآ او شاحنات او بيك اب او عربيات vip سيدان على سبيل المثال

فيه على فكرة جيب فيات بس أنا آسف إني فهمتك غلط أنا كنت فاكرك بتقول إنها يعني صغيرة فـكنت هقولك إنها مش كده خالص وفيات من أكبر 5 شركات فـال عالم على فكرة أنا مش بتكلم على المبيعات فاهم قصدي المبيعات فيها كذا نقطة كده وآسف مرة تانية

يا جماعة أنا عايز الناس تدور على الدبابات والطيارات الي فيات مصنعاها عشان فكرة إن فيات شركة عربيات فقط ده غلط لإنها بتصنع عربيات ونقل وأوناش وطيارات ودبابات ومدرعات وعنده ا شركات تأمين وبلاوي كتييييييييييييير وهي فعلا تعتبر صغيرة في المبيعات بالذات في الشرق الأوسط وشبه معدومه في أمريكا لكن إنتاجها في أوروبا كبير

مفيش دبابا فول اوبشن او فول حراتى حنا
بهزر مع حضرتك

اقتباس:

---

المشاركة الأصلية كتبت بواسطة yoko

يا جماعة أنا عايز الناس تدور على الدبابات والطيارات الي فيات مصنعاها عشان فكرة إن فيات شركة عربيات فقط ده غلط لإنها بتصنع عربيات ونقل وأوناش وطيارات ودبابات ومدرعات وعنده ا شركات تأمين وبلاوي كتييييييييييييير وهي فعلا تعتبر صغيرة في المبيعات بالذات في الشرق الأوسط وشبه معدومه في أمريكا لكن إنتاجها في أوروبا كبير

---

لو بنتكلم كدة .. يبقى مفيش شركة تقدر تنافس ميتسوبيشي في العالم كله :) ..

ميتسوبيشي ببساطة صناعتها داخلة في كل حاجة ..

و لكن احنا بنتكلم على السيارات ..

انا مش عايز الناس تفهم كلامي ان فيات شركة صغيرة يعني ضعيفة .. لأ لأ لأ

فيات شركة صغيرة بس قوية جدا .. انما تويوتا و جنرال موتورز و فولكس فاجن .. دول شركات عملاقة

كل واحد فيهم تمتلك عدد موديلات اكتر من التمتلكه فيات بمرات .. بتنتج كميات من السيارات كبيرة لا تقارن بما تنتجه مجموعة فيات كلها ..

يا جماعة انا مقدرش اقول كلمة على فيات .. فيات شركة قوية ليها خبرة كبيرة من زمان .. و تمتلك شركات هي الاقوى في العالم

اقتباس:

---

المشاركة الأصلية كتبت بواسطة ashrafsadany

مفيش دبابا فول اوبشن او فول حراتى حنا
بهزر مع حضرتك

---

براحتك يا باشا

اقتباس:

---

المشاركة الأصلية كتبت بواسطة kareemhisham

لو بنتكلم كدة .. يبقى مفيش شركة تقدر تنافس ميتسوبيشي في العالم كله :) ..

ميتسوبيشي ببساطة صناعتها داخلة في كل حاجة ..

و لكن احنا بنتكلم على السيارات ..

انا مش عايز الناس تفهم كلامي ان فيات شركة صغيرة يعني ضعيفة .. لأ لأ لأ

فيات شركة صغيرة بس قوية جدا .. انما تويوتا و جنرال موتورز و فولكس فاجن .. دول شركات عملاقة

كل واحد فيهم تمتلك عدد موديلات اكتر من التمتلكه فيات بمرات .. بتنتج كميات من السيارات كبيرة لا تقارن بما تنتجه مجموعة فيات كلها ..

يا جماعة انا مقدرش اقول كلمة على فيات .. فيات شركة قوية ليها خبرة كبيرة من زمان .. و تمتلك شركات هي الاقوى في العالم

---

أنا قصدي كده لإن ناس هتمسك في كلمة إن فيات صغيرة وتعد تشتم وتتريق :majd(4):
وفعلا الشركات دي واكله السوق بتنوع الموديلات على عكس فيات (بتخاطب فئة واحده وهي الشباب)

اقتباس:

---

المشاركة الأصلية كتبت بواسطة yoko

براحتك يا باشا

أنا قصدي كده لإن ناس هتمسك في كلمة إن فيات صغيرة وتعد تشتم وتتريق :majd(4):
وفعلا الشركات دي واكله السوق بتنوع الموديلات على عكس فيات (بتخاطب فئة واحده وهي الشباب)

---

صدقني والله العظيم انا حاسس دلوقتي نفس احساسك بظبط بس ناحية تويوتا ..

شوف الحاصل مع تويوتا دلوقتي من هجوم في المنتدى .. تويوتا غلطت

بس للاسف في ناس هنا في المنتدى معندهاش دراية كفاية و هتفهم ان تويوتا دي اوعاك تشتريها تاني دي بتموت !!

طبعا الكلام متقلش بالنص .. و لكن في كام مشاركة كدة اليومين الفاتوا في قسم المقارنات ناس بتقول خد بالك دي تويوتا بتسحب موديلاتها !!!!!!!!

فالناس ابتدت تهاجم تهاجم .. و الله كأنهم مستنين تويوتا تغلط عشان يطلعوا الجواهم ..

للاسف مشفتش كدة في المنتدى قبل كدة !! .. مع ان مفيش حاجة اتسحبت من مصر

بص هي تويوتا شركة كبيرة جدا مفيش كلام ومبيعاتها اكبر بكتير من فيات مفيش كلام برضة
بس انا عايز اخدك في حتة تانية خالص و هي انك قولت ان مفيش حاجة اتسحبت من مصر و انا بزود و اقول ان مفيش حاجة حتتسحب من مصر حتى لو معيوبة
انت بتقول ايه يا راجل بقى التوكيل حيسحب عربية و يديك مكانها واحدة تانية او انه يصلحها و يرجعهالك!!!!!!!!!!!!!!!!!!!
ده لو الشركة حتديلة واحدة مكانها عشان يديهالك حياخدها و يبيعها لحسابه

اقتباس:

---

المشاركة الأصلية كتبت بواسطة loodaa

بص هي تويوتا شركة كبيرة جدا مفيش كلام ومبيعاتها اكبر بكتير من فيات مفيش كلام برضة
بس انا عايز اخدك في حتة تانية خالص و هي انك قولت ان مفيش حاجة اتسحبت من مصر و انا بزود و اقول ان مفيش حاجة حتتسحب من مصر حتى لو معيوبة
انت بتقول ايه يا راجل بقى التوكيل حيسحب عربية و يديك مكانها واحدة تانية او انه يصلحها و يرجعهالك!!!!!!!!!!!!!!!!!!!
ده لو الشركة حتديلة واحدة مكانها عشان يديهالك حياخدها و يبيعها لحسابه

---

لأ معلش يا باشا فكر فيها تاني ..

هل تعتقد ان تويوتا اليابان بيقولوا للتوكيل عندك عربيات معيوبة و يسبوهم لضميرهم ؟؟؟؟

لأ طبعا .. دي تعليمات جاية من الشركة الام مفيهاش نقاش ..

لو الشركة الام اديت تعليمات يبقا لازم تتنفذ .. متنفذتش يبقا نسحب منك التوكيل و نشوف حد بيسمع الكلام و ينفذ التعليمات

التوكيل مينفعش يخسر حاجة .. طالما الغلط مش من عند التوكيل يبقا التكاليف كلها على الشركة الام

بص انا عارف ان ياما اتعمل سحب للعربيات من شركات كتير و اكيد في منها جه مصر .. بس احنا عمرنا ما اتسحب حاجة من عندنا !!

و لكن انا المرة دي معلق امل على الموضوع لان السحب كبير اوي

و طبعا احنا مش بيتسحب من عندنا عربيات لاننا معندناش معاير سلامة و امان