السلام عليكم
حد يا جماعه يعرف أسعار الحج الى فات كانت كام
والمتوقع تكون كام فى الحاج اللى جاى ان شاء الله
عرض للطباعة
السلام عليكم
حد يا جماعه يعرف أسعار الحج الى فات كانت كام
والمتوقع تكون كام فى الحاج اللى جاى ان شاء الله
حج من الامارات ارخص لك بكتير جدا
الكلام ده كان من سنتين تلاته، لكن دلوقتىاقتباس:
حج من الامارات ارخص لك بكتير جدا
السعوديه خفضت حصة الامارات من حوالى 22 الف حاجة الى 5 الاف حاج
4 الاف مواطن والف وافد
فالاسعار اصبحت من 30 الف درهم وانت طالع وبسمع ارقام غريبه زى 120 الف درهم بس ده بتبقى لل vip
اللهم ارزقنا الحج
جزاك الله خيرا يا عمرواقتباس:
السنة الماضية أعلى مستوى كان 35ألف بسبب هوجة أنفلونزا الخنزير وطبعاً كان فيه من أول 17ألف وإنت طالع لحد 35ألف
أعتقد السنة دي الحج ممكن يرفع تاني ويوصل أعلى مستوى لـ55-60 ألف
رزقنا الله وإياك الحج
اسعار الحج يا باشا بتختلف من مستوى لمستوى اقل حاجة بتكون حج القرعة وده بيكون فى حدود 20 الف تقريبا والسعر بعد كده بيتدرج حسب مستوى الفنادق اللى هتقعد فيها ومواعيد السفر وخلى بالك من موضوع مواعيد السفر ده عشان ممكن تروح قبل الحج ب 25 يوم وترجع بعد الحج ب 15 يوم هتلاقى شركات بتعمل برنامج ب 30 الف و35 الف و40 الف وفى عندك شركات زى الهانوف ومايا ترافل عنده برامج حج بتتكلف حوالى 120 الف جنيه بتسافر فى اخر فوج وبتقعد فى خيم مكيفة فى عرفة و مزدلفة ومنة وبيكون فى ميه ساقعة واوبن بوفيه وخدمة خمس نجوم وممكن كمان لو عايز حد يطوف ويرمى الجمرات مكانك هتلاقى .
نصيحة من اخ الحج من مصر مكلف جدااااا والسبب الشركات اللى بتسرق عينى عينك وبتكون عايزة تكسب 500% فممكن زى كاميلوا ما قالك تعملها من بلد تانية أى بلد تانية وياريت تكون من الخليج من هناك ممكن تاخد تأشيرة بسهولة وكمان ممكن تشترك مع حملة بتكون معاها اتوبيساتها وبتكون تكلفتها قليلة يعنى تقريبا حوالى 10000ج وفى ناس بتقول والعهدة على الراوى ان ممكن تروح على السودان وتسافر من بورسودان على جدة وتقريبا رحلة الحج بتتكلف من هناك بالتأشيرة بكل حاجة حوالى 7000ج بس ويا رب ارزق المسلمين اجمعين حج بيتك الحرام وارزقنى حج البيت للمرة التالتة يا رب يا كريم
لو مشكلة الامارات في الغلاء فقط وليس تحديد الاعداد المسموح لها بالحج
انصحك تحج بري ارخص كتير وله متعة مختلفة
والاسعار اكيد بتختلف من مكتب حج لاخر على حسب مستوى السكن في المدينة ومكة
ربنا يكتبها لحضرتك السنة دي وكل الاعضاء الكرام
فعلا الحج البري ممتع جدا عكس ماكان الواحد متوقع..ومش متعب
لان اقصى مدة ركوب متواصلة في الباص حوالي 6
السنة اللي قبل اللي فاتت كانت ب 28 ألف
السنة اللي فاتت كانت ب 22 ألف
والناس اللي رحنا معاهم كان ليهم طريقة كدا بيطلعوا فوج مسمينه رجال اعمال بيجيلهوم تأشيرة عمل لدولة قطر وبعدين يدخلوا منها على السعودية بري
والموضوع دا كان بيكلف حوالي 10 ألاف
حسبي الله و نعم الوكيل في كل واحد بيصعب على الناس أداء فريضة الحج ,
وفي كل بني أدم بيستغل الحج كفرصة للنصب و الهبر من الناس اللي نفسها تأدي فرض ربنا
أنا مش فاهم إزاي التفاوت الرهيب ده بين أسعار الحج و العمرة
يعني إيه إنك تقدر تطلع عمرة طيران و في فنادق معقولة ب 3500 لكن عشان تحج يبقى مش حاتلاقي بأقل من 35000 , يعني 10 أضعاف العمرة !!!
أنا عارف طبعا إن مناسك الحج أكتر من العمرة لكن الفرق مايبقاش 10 أضعاف , دي كده تبقى قمة الإستغلال و السرقة
السنة اللى فاتت كنت بشوف فى التلاتينات واقل
لكن الحمد لله رفعوا الحظر بتاع السن وكل اللى معرفش يسافر حيهجم السنة دى واكيد الشركات عايزة تعوض خسارة العمرة بتاعة رمضان والحاج فالاسعار حتولع
القرعة بتبدا من 14 الف بس سمعت ان ممكن يبقى 5 فى اودة
انا معاك طبعا بس من خلال معرفنى شوية بإجراءات الحج والعمرة اللى بتحددها وزارة الحج السعودية اقدر اقولك ان المشكلة بتكون فى عدد التأشيرات اللى بتطلع لكل بلد وهى دى اللى بتخلى الناس تحكم فى الأسعار براحتها العمرة بتكون التأشيرات فيها غير محددة بعدد وممكن مثلا فى النصف التانى من رمضان يكون فى المملكة اكتر من نص مليون مصرى بيعملوا عمرة رمضان لكن الحج المملكة بتدى لكل بلد نسبة واحد على الف من عدد السكان تأشيرات حج وده طبعا لكل البلاد فمصر بيكون ليها 55000 الف تأشيرة وأحيانا كتير الرئيس بيقدر يجيب من الملك عبدالله فى حدود 15000 تأشيرة كمان فبيكون الإجمالى 70000 تأشيرة ل 75 مليون فرد فلازم يستغلوك ويطلعوا عينك