الموضوع: اية رأيكم نيو اكسنت الشكل الحالي ولا اكسنت سبورت

انا حقولكم على حاجة
اولا هى اذوق اكيد فى الاول وفى الاخر

بس استنوا العربية لما تنزل فى المعارض وروحوا اتفرجوا عليها لسبب
لان اغلب الناس اللى اتفرجوا عليها اتفرجوا عليها من الصور مش على الطبيعة
وانا واحد من الناس روحت شوفتها على الطبيعة فى معرض الاهرام وعملت عنها تقرير بالصور وموجود عندكم عشان اللى حابب يتفرج , وبعدين كان واقف فى المعرض الاتنين جنب بعض ,وبصراحة اللى كانت لافتة الانتبااه وشكلها حلو الجديدة , وكان بس تعليق الناس على ان كان لازم ينزل فيها جنوط
المهم
بعد ما صورتها وروحت بتفرج على الصور لقتها مش حلوة فى الصور , وشكلها متغير عن الطبيعة
وده اللى حصل معايا بجد
فاستنوا لما العربية تنزل فى المعارض وتنتشر واحكموا على شكلها
والشكل القديم بردوا حلو
لان العربية كلها حلوة بصراحة شكلا واداءا

انا من وجهة نظرى شايف ان الشكل الجديد ناقصه فقط جنوط
واكيد طبعا دى وجهات نظر واذواق

وبعدين حتى لو الشكل الجديد مثلا حلو, استحالة لو واحد معاه الشكل القديم يغيرها وياخد الشكل الجديد لان اللاتنين نفس الامكانيات ,ومش حيدفع الفرق فى شكل زيادة , لانه ممكن يدفع فرق فى امكانيات زيادة معلش ,
ويمكن عشان كدا الناس متماسكة بالشكل القديم لانه مش وحش وشيك بردوا وفيه نفس الامكانيات وسعره اقل بحوالى 5 الاف