عرض للطباعة
ارجو الافاده من اصحاب المعرفه انا معايا بالكتير 25000 ممكن ادفعهم مقدم عربيه صغيره وممكن ادفع من 500 ل600 جنيه بالكتير قسط شهرى فبالتالى لا يوجد امامى سوى الهيونداى الاتوس عايزه اعرف رايكم فى العربيه دى من حيث حجم الصالون وقوه العربيه وسعر قطع الغيار وايه رايكم فى العربيه ككل ولو حد يعرف فرع محترم فى تعاملاته لغبور اوتوموتيف اتعامل معاه لانى ناويه اجيبها بالقسط وكل فرع بيقولى كلام غير الفرع التانى ولكم جزيل الشكر
والله أنا لسه النهاردة مجربها فى وكيل معتمد مش فاكر إسمه فى بنزينة الوطنية فى المعادى على الأتوستراد
تحس من بره إن هيه ديقة ، بس من جوه واسعة وحلوه وتابلوه شيك
وموتورها هادى أوى - تكييفها حلو - عالية عن الأرض والسعر 53000 جنيه
باور - تكييف - كاسيت سى دى والمعرض مزود فيها سنتر وإنذار بالريموت
ونفسى أنا كمان أعرف هل تتواجد قطع الغيار برده التوكيل ومنتشرة؟؟
للاسف قطع غيارها متوفرة فى التوكيل و هتلف عليها برة كثير .. انا لفيت كثير اوى ملقتش فانوس خلفى
ولا حتى فى التوفيقية؟؟؟؟
متاااااااااااااابع باهتمام لاني بفكر فيها برضه
نا معايا اتوس 2010 و هي ليها معايا 6 شهور و هي عربية ممتازة و صالونها مناسب و هي الأفضل في فئتها( بيكانتو أو سبارك ) من وجهة نظري مقارنة بسعرها
وهي اقتصادية جدا في البنزين و سحبها كويس و ثباتها معقول
طيب ممكن تقولنا معدل إستهلاك البنزين معاك كام ، والباور عامل ايه ؟ ومفيش مرة لاقيت قطع الغيار متوفرة فى السوق؟؟؟