اهو اى حد ينجى من المهزلة بتاعت المرور ياعم درش بدون مايكون قريب وتبع فلان باشا
اى تفائل وخلاص
سياسه الجهات الحكوميه المحترمه فى بلدنا العزيز :
ان يطلع عين اللى خلفوا جدودنا و لا نستطيع الاعتراض و الا تقف كل مصالحنا ..
مشكور على موضوعك و استكمالاً لموضوعك لاستخراج رخصة قياده
انا فضلت فى المرور يوم السبت اللى فات من 9 صباحاً الى 5 مساءً
علشان أغير النمر القديمه بالجديده بس !!!
شكراااااااااً
توقيع : مواطن مفروووس !!
الرخصة المهنية دى متقسمة ثلاث درجات -ثالثة وبتسوقى بيهااا التاكسى والربع نقل والميكروباص .والبنت كانت بتطلعهاااا تقريبااا عشان تشتغل فى تاكسى العاصمة
وفعلااا شوفت اكتر من واحدة سايقة التاكسى الاصفر وساعات مكنوش مصريات
الدرجة التانية عشان النقل الدوبل والمينى باص
الدرجة الاولى عشان الاتوبيسات والنقل والمقطورة (ربنا يكفيكى شرهم ):ma::ma:
ياراجل انا بقالى سنة مش عايز اروح اطلعها من الخنقة اصلى من النوع العصبى شوية
وموقف زى بتاع البنت دى يخلينى ادخل السجن من كتر اعتراضى انسى هروح فى داهية
بس صدقنى والله البلد هنا كلها كدة البنت ممكن تخلص حاجات كتير فى الحاجات الحكومية وبالذات الى فيها مواضيع شرطة يلا علية العوض (على فكرة انا مش ضد السيدات بالعكس بحترمهم جدا بس بكرة اسلوب المعاملة المعاكسة بالنسبة لو البنت مش حلوة المعاملة تتقلب ولو شاب طلعوا عنية )
كفاية كدة
شكرا
انا على فكره طلعت الرخصه من مرور مدينه نصر بس ده كان من كام سنه , قدمت الورق و امتحنت و اتصورت و استلمت الرخصه فى نفس اليوم و ده كله على فكره من غير اى واسطه ولا رشاوى و الحمد لله , الشهادات الطبيه طلعتها من الوحده الطبيه اللى تابعه لمسجد رابعه العدويه و ذاكرت اشارات المرور و دخلت امتحنتها و كان كله تمام و الحمد لله
انا بقه في واحد اعرفه في المرور اللي طلعت منه الرخصة .. ولما جه معاد التجديد .. بدل الزحمة والقرف .. دخلني المبنى من جوا وظبط الموظفين ويقولهم ده تبع الباشا اللواء نائب مدير الامن .. ساعتها تتفتح كل الابواب المغلقة يا سيدي