عرض للطباعة
عايز أجيب قواعد فيتيس لفيستا 1100 بس يكونو ماركة نضيفة
القواعد دي أكتر حاجة بغيرها في العربية مبتزدش عن سنة وتبوظ مع العلم إن بتاعة الفابريكة قعدت أكتر من 10 سنين!!!!!
المشكلة إن الأنواع اللي موجودة كلها أنواع غريبة واللي يقولك ده إنجليزي ودة أسباني وكلة بيتقطع بردة
محدش يعرف حد عندة ماركات محترمة زي الفيبي أو المايلي كدة؟
لا سيبك من الانواع لو عاوزها تعيش ادامك حلين استيراد او جديد اصلي من التوكيل
زي مقال الاستاذ aYaBooY الاستيراد حل كويس لان التوكيل هيكون سعرو خرافي
هوه انته بتعرف منين ان القواعد ديه محتاجه تتغير .. وكذللك قواعد الماتور ... حد يفسر .!!!
على حد علمى المحدود لما بتكون عندك مشكلة فى قواعد الفتيس او قواعد الماتور بتحس بدبة بتحصل كل متقف او تطلع يتحس ان الماتور بيقلب
قواعد الفيتس عندي بحس بيها لأن فعلا لما تكون مقطوعة الفيتيس بيكون يادوب محطوط على القنطرة فمع التحرك من الثبات بحس إن الفيتيس بيترفع من مكانة ويرجع تاني
وممكن الكشف على القواعد عن طريق إنك تعشق العربية على الغيار الأول وتفتح الكبوت وتزق العربية لورا وقدام وتشوف الموتور والفيتيس لو فيهم قواعد مقطوعة بتلاقيهم بيتحركو من مكانهم
وبالمناسبة انا جبت قاعدة من الحرفيين بـ35 جنيه الراجل بيقولى عليها إيطالي بس هيا واضح إنها ماركة تحت السلم بس جبتها وخلاص علشان مكانش فيه غير هيا والتركي والتركي بردة زبالة متتخيرش عنها فقلت امشي بيها لحد ما أبقا أجيب 2 نضاف وأركبهم مع بعض