صحيح نسيت اسئلك اية الفرق بين النوبيرا المصرى و البريميوم
وشكرا ليك
عرض للطباعة
صحيح نسيت اسئلك اية الفرق بين النوبيرا المصرى و البريميوم
وشكرا ليك
هو فيه فروقات كتير ..لكن اللي انا لاحظته في عربيتي عن المصري:
-ايرباج عند السائق.
-التحكم في الراديو والكاسيت من خلال الدركسيون ايضا.
-طارة الدركسيون قابلة للتحرك..اعتقد ديه موجودة في المصري ايضا..مش عارف.
-فرش الصالون وطارة الدركسيون جلد بلون السيارة.
-التكييف تاتش مثل التكييف المنزلي تماما. ..تظبط درجة الحرارة اللي انت عايزها او تخليه اوتوماتيك ..تتحكم في سرعة المروحة وحاجات اخرى..
-الكاسيت سي دي وشريط تاتش ايضا.
-خامات الطابلوة افضل.
-الكونسول ابنوس واعتقد ان في المصري الاوتوماتيك كذلك.
-الفتيس الاوتوماتيك كهرباء مش واير زي المصري..يبوظ بسرعة.
-تقفيل الابواب والكراسي افضل بكتير من المصري.
-فتحة البوابة مختلفة.
-اعتقد الموتور صناعة gm
-الكاوتش كبير وعريض مقاس 195/55/15 غير المصري بيبقى 14 بوصة.
-الفوانيس عدسات مش قطعة واحدة زي المصري.
-كفاية انك تعرف اني استلمت عربيتي وكانت عاملة 43 الف كيلو والفتيس منزلش على الارض..حتى التكت الورق اللي على الابوب وعلى الموتور وداخل السيارة..ده حتى التكت اللي على المساعدين زي ما هو..
مع تحياتي
قصدي الاستبن منزلش على الارض
ربنا يباركلك فيها لو فيه عربية قريبة من عربيتك ياريت تقولنا
ناوي اغير بأتوماتيك بس مش مصري
حضرتك ممكن تدخل على موقع كونتاكت كارContactcars.com ودور على النوبيرا الكوري ....اعتقد ممكن تلاقي...وممكن باقي الاعضاء يفيدونا
كان في موضوع عن النوبيرا بريميوم هديلك معلومات اكتر وده اللنك بتاعه
http://www.nilemotors.net/Nile/111429-1500.html
مع تحياتي
جزيل الشكر اخي الفاضل على التفصيل
ماشاء الله على العربيه
العيوب المذكوره نفس عيبوب المصري بخصوص الصاج والكراسي هابطه
اللي عجبني الفتيس بصراحه انه مش زي المصري كله بيشتكي منه ودا اللي خلاني اجيب مانول
موضوع السوق مش بحبه عشان فيه حوارات ومش مضمون علشان كدا سألت حضرتك لو حد معرفه ولا حاجه عايز يبيع لكن اني اروح سوق وحوار صعب جدا خصوصا اني جبت عربية والحمدلله مبسوط منها لكن انت خلتني احن للاتوماتك تاني فافكرت اغيرها بس مش بطريقة السوق والفرق مايكونش كبير
كنت عايز اعرف منك كام حاجه لو ممكن
مشيت بيها كام كيلو لحد الان واداء الفتيس هل تغير
انت ماذكرتش استهلاك البنزين
هي كلها بتيجي موديل واحد 99 مافيش يعني 2001 او 2001 مثلا
هل فيها تزيق واصوات احتكاك البلاستيك داخل السيارة زي المصري ولالا او مش واضح مثلا
واخرحاجه الاسعار تقريبا كام
والف شكر مقدما