هل الفرق بين السوبر صالون وex يستحق 9000 جنيه !!!؟

الصنى 2010 الاى اكس الاوتوماتيك (المزودة بالاى بى اس و الاى بى دى و البى اى) ثمنها الان 91000 جنيه والسوبر صالون ثمنها 100000 جنيه
والفرق بينهما ان السوبر صالون تزيد بالاتى
وسادة هوائية اضافية للراكب الامامى
جنوط اسبور
سى دى شانجر
فرش مخمل
مقابض نيكل وصالون مطعم بمكونات بلون الابانوس
مخدع بالكنبة الخلفية
(ملاحظة السيارتان لهما نفس العفشة الرياضية مع استثناء وجود ميزان امامى stabling bar فى السوبر صالون فقط وفائدته زيادة الثبات فى المناورات والغرز على سرعات عالية اى القيادة الشبابية والدلع اما خلاف ذلك فالعفشة بالسيارتان متماثلة تماما وعلى نفس درجة قوة التحمل والعمر الافتراضى كما ان هناك ميزان خلفى torsion bar موجود بالسيارتان لزيادة الثبات)
ما رايكم ؟
هل الفروق تستاهل 9000 جنيه ام انها فى المجمل كماليات يمكن اضافتها مستقبلا بمبلغ اقل او حتى الاستغناء عنها تماما......

الوسائده الهوائيه التانيه ......هي اكتر حاجه خلتني اجيب السوبر صالون .... يعني لا قدر الله لو عملت حادثه انت تعيش واللي جنبك( مراتك - ابنك - صحبك ) يروح في داهيه .....! انا باتغاظ جدا من مبدأ الوساده الهوائيه الواحده ده

2- الجنوط دي لوحدها تمنها كام؟ يعني انت هتاخد حاجات غاليه بسعر اقل (كانه عرض مثلا) وهي مش اساسيه بس لو معاك والحمد لله تمنها تبقى فرصه مش كده...!

3- المرايات الكهربا ميزه جامده جدا وعيب خطير جدا لو لقدر الله اتكسرت(هتدفع كتيييييييير)

4-الابانوس والذي منه ......... دلع ... بس لو معالك تمنه والحمد لله يبقى خير وبركه

5-العفشه دي انا اول مره اسمع كده ...... انا على طول بيتقال ان عفشه السوبر صالون رياضيه وخدمه شاقه.......! الله اعلم

شكرا للاخ alfbaa على الرد
نسيت اقول ان بالسيارتان وسادة هوائية للسائق وان السوبر صالون يزيد بها مرايا ضم بالكهرباء

كفاية المرايات الضم لوحدها تعمل الفين ج

انا شايف الفرق يستاهل السعر وزياده

بس يا سيدى
انا ناوى اشترى قريب وعندى وقت افكر اقارن
بالنسبة للفرق يستاهل فعلا بدل ما اشترى وبعد كدة اركبهم لقيت نفسى مش حينفع اركب بعض الحاجات اللى بتبقى اورجينال زى
الوسادة التانية
العفشة
المرايات
الابانوس
الجنوط
وفى نفس الوقت احب اركب طقم صوت على مزاجى
فالافضلية هنا للسوبر صالون اذا كانت الفلوس موجودة
وربنا يوفقك للى فيه الخير

الفرق يساوى و أنا شخصياً لا احب قيادة الأتوماتيك و أعرف أن هذا سيثير اندهاش كثير من الناس و لكنى لا استريح له و على هذا اشتريت المانيول الايه بى اس و هى أعلى فئة فى المانيول و قبل الشراء ذهبت الى التوكيل لدراسة امكانية اضافة كل الموجود فى السوبر صالون مع استعدادى لدفع كل المطلوب و لكن رفض المصنع هذا

نعم الفرق يستاهل
عوامل الامان هامة جدا وكذلك لاتنسي ان الجنط اصلي يعني مش صيني

الفرق ...

عندك:
1-جنوط سبور
2-وسادة هوائية اضافية للراكب
3-تابلوه مطعم بالابانوس
4-فرش مخمل
5-مرايات ضم (مش موجوده فى اى عربيه يابانى غير الكورولا فى الموديلات الحديثة).
6- كاسيت 6 اسطوانات اوديو
7- اضافات للخدمة الشاقة بالعفشه
8-نواكل بالابواب
9-نواكل فى الاكر فى الابواب من الداخل والخارج

اعتقد كل ده يستحق انك تختار السوبر صالون لأن قيمتها اغلى من 9000 جنيه بكتييييير وبيديك احساس بالتميز كمان

و كمان ستارة خلفيه

يستاهل
كفاية الجنوط

يستاهل ياباشا انا معايا اي اكس وندمان اني مجبتش السوبر صالون