يا ريت يا جماعة حد يديني الرأي الأكيد في المقارنة بين الفيرنا واللانوس. أنا شخصيا ميال للفيرنا ولكن ناس كتير بتقول ان اللانوس أفضل بكتير منها مع إن السعر تقريبا واحد.
أرجوا من أهل الخبرة أن يفيدوني قبل ما اشتري وجزاكم الله خيرا
عرض للطباعة
يا ريت يا جماعة حد يديني الرأي الأكيد في المقارنة بين الفيرنا واللانوس. أنا شخصيا ميال للفيرنا ولكن ناس كتير بتقول ان اللانوس أفضل بكتير منها مع إن السعر تقريبا واحد.
أرجوا من أهل الخبرة أن يفيدوني قبل ما اشتري وجزاكم الله خيرا
لو هاتجيب الفيرنا 1600 يبقى الفيرنا احسن من اللانوس
1-Verna 1.6
2-Lanos
3-Verna 1.5
الفيرنا موتورها افضل من الانوس بكتير وكمان 2 كامة اما الانوس فهي انتاج جديد لعربية قديمة
لانوس طبعا
فيرنا 1600 ،، افضل
الفيرنا احسن من اللانوس لو هاتجيب الفيرنا 1500 ابعد عن الهندى وهات المصرى و اللانوس سمعت ان انتجها هايقف فى شهر 8 اللجاى
بدون تحيز انا كنت واقع في نفس حيرتك و اخترت فيرنا 1600 للاتي ( النقاط دي هجيبهالك من منطلق مقارنه سبعاوي باشا للعربيتين )
http://www.nilemotors.net/Nile/showthread.php?t=670
و كانت نقاط القوه للفيرنا الاتي
1- موتور 1600 في مقابل 1500 للانوس
2- شكل الفيرنا في نظري احسن من االنوس بحس ان شكلها افخم علي الرغم من انتشارها الواضح
3 - الفيرن 106 حصان مقابل 85 للانوس
4 فرامل الفيرنا اقوي بشهاده الجميع و ضعيفه في االنوس و يعتبروه عيب فيها و كله الا الفرامل
5- محرك اللانوس رغم انه ليس اهدأ محرك فى العالم لكنه افضل بمراحل من محرك الفيرنا من وجهة نظر الصوت
6-لكن نلاحظ بالمقابل ان الفيرنا صوت آلات الجر بها غير مسموع فى حين يبدو واضحا فى كابينة اللانوس
7- ايضا نلاحظ ان عزل صوت الطريق فى الفيرنا افضل من اللانوس فبينما ان اى عقب سيجارة يخبط فى السيارة اللانوس من اسفل يرن بداخل الصالون فإن دوشة الطريق اسفل السيارة غير مسموعة فى الفيرنا
8- الفيرنا افضل فى التعامل مع دواسات البنزين والفرامل لان مشاويرها اقصر،
9- الرؤية الخلفية والمرايات قاصرة جدا فى اللانوس بسبب ارتفاع الشنطة وصغر الزجاج الخلفى لكنها معقولة فى الفيرنا
10-صالون اللانوس اوسع لكن شنطة الفيرنا اكبر
11- صاج الفيرنا اقوي لكنه يقال ان عفشه الانوس احسن و بصراحه مشفتش ناس كتير اشتكو من عفشه الفيرنا
12-وخامات الصالون افضل الى حد ما من اللانوس
كانت هذه ملاحظات المهندس سبعاوي اكمل باه من عندي
13- موتورها هو موتور الماتريكس و الجتر و الكوبيه و الالنترا القديمه يعني احدث كتبر من اللانوس
14 -موضوع توقف انتاج الانوس فريبا و بيع شركه دايو لجنرال موتورز يقلقني مع نه غير مؤثر علي االنوس
الفيرنا احسن شكلا و فراملها احسن كثير اللا نوس شكلها قديم قوى من سنة 2000 و بعدين جسم العربيه كبير و الكوتش مقاسه صغير فشكلها وحش.و بعدين مش موجوده غير في مصر بس الصالون بتاع الفيرنا انضف من
عايو اقول حاجه الفيرنا 1500 سحبها احسن من 1600 و بتجرى أحسن صوت الموتور 1500 هادى عن 1600 .الكلام ده مش من دماغى ده بعد توصيل العربيتين علي جهاو كمبيوتر في مركز صيانه المهندس اللى هناك هو اللى قالى كده و انا سقت الاثنين سحب 1500 احلى و لو متركب بوجيهات نضيفه و فلتر تطلع 1600
السلام عليكم ورحمة الله وبركاتوه
انا بردوه كنت واقع فى نفس الموضوع وقعدت افكر كتير جدا لغاية ما اتاكلت على الله واشتريت الفيرنا
فنصيحة من اخ اتكل على الله واشترى اللانوس ومتفكرش كتير
الفيرنا احسن من وجهة نظر انها عربية تعتبر جديدة بالنسبة للانوس
وانا ارشح الفيفا كمان لانها جميلة جدا وموتورها قوى مع انه 1500
لالالالالالالالالالالالال الالالالالالالالالالالالا لالالالالالالالالالالالال الالالالالا
انا قصدى تتكل على الله وتشترى لانوس الفيرنا مش احسن من الفيرنا
واللهى انا بنصحك نصيحة لله وانت حر فى اختيارك
خليك فى الللانوس اضمن
الأخ تيمووو ،
بعت لحضرتك ،، كذا رسالة علي الخاص ،،
يا ريت تشوفهم
la2 hat lanous afdal w ashyak w azbat w el verna bt7ok fl matabat mn odam
لو هاتجيب يبقى فيرنا 1600
أما لو بتبص لل1500 يبقى لانوس أحسن وخصوصاً الفول أوبشن
أنا كنت زيك وجبت فيرنا 1600 فول أوبشن وخصوصاً لأن مافيش لانوس تانى
http://www2.0zz0.com/thumbs/2007/12/27/13/77199419.jpg
استاذى الفاضل
اشترى الفيرنا افضل بكثير من خلال التجربه
عندى مكتب ايجار وعندى الاثنين
بسم الله ما شاء الله الفيرنا سبتت وجود وقوت تحمل اعلى بكثير من الانوس
قوة تحمل اعلى فى الاداء اقل فى الاعطال دى الفيرنا
ولكن قطع غيار الانوس ارخص من الفيرنا
اقتباس
السلام عليكم ورحمة الله وبركاتوه
انا بردوه كنت واقع فى نفس الموضوع وقعدت افكر كتير جدا لغاية ما اتاكلت على الله واشتريت الفيرنا
فنصيحة من اخ اتكل على الله واشترى اللانوس ومتفكرش كتير
وبتنصحه بالانوس ليه بعد ما جيب الفيرنا
اناشايف فيرنا 1600
ارجو ان كل اللي بيقول لانوس او فيرنا خصوصا اللانوس يقول اسبابه ميدخلش يقول لانوس و خلاص
لان دي امانه يا جماعه
شكرا لجميع من ساهم في هذا الموضوع، ولكن أرجو من الأخ الذي قال اشتري اللانوس ومتفكرش كتير أن يقول لي ما هي الأسباب التي جعلته يقول ذلك. وجزاكم الله خيرا
الانوس طبعا
عيوب الانوس
- صالون اوسع جدا و خاصة من ورا
- شكل اجمل هوه صحيح من 99 بس برضو اجمل من الفيرنا لان الفيرنا من قدام شكل عربيات الثمانينات وتركبها تشوف الكبوت
- حجم الانوس اكبر عشان كده هيه عائليه
- شنطة مناسبه لشنط عائلة
- صالون اشيك
- تكيف ثلاجه
- الميكانيكيه حفظوها
- قطع غيار متوفره عن البقالين وارخص من الفيرنا
- عمر الموتور اطول يعنى حوالى 250 الف
- ثبات معقول
- هوا صحيح تسارع الفيرنا احسن بس انت مش محتاجه فى طرق مصر وصوت موتور الفيرنا اعلى
- واطية من ورا وعايزه حريف سواقه للتعامل مع المطبات
- الفرامل ودى ظهرت عند الناس اللى ركبو تيل او طنابير وحشه لكن وهيه جديده زى الفل
- ما فيش فلتر للتكيف
اسمحلي اخي بالرد
اولا بالنسبه للشكل فدي مساله اذواق و ان كان يعجبني الشكل الخارجي للفيرنا
و متنساش ميزه الفيرنا في قوه الهيكل عن اللانوس و قوه الموتور كمان ال 100 سي سي دول الزياده لو مفرقوش في المشي جوه شوارع بلدنا كفايه انهم يخلو التكييف يدب فريزر مش تلاجه اللانوس :)
ثانيا من مقارنه الاستاذ سبعاوي تقدر تعرف ان شنطه الفيرنا اكبر
ثالثا الفيرنا و االانوس متشابهين ان الميكانيكيه حفظوها تحس انهم هيبقو زي ال 128 بعد عشر سنين ولا حاجه :)
اما عمر الموتور فمدرش افتي فيها ( الاعمار بيد الله ) لكن منساش ان موتور اللفيرنا احدث بكتييييييير من اللانوس ( موتور الماتركس و الكوبيه و الالنترا القدبم ) و زي مانت قلت الانوس محصلش عليها تغيير من عام 99
اما العيوب فزد عليها الهيكل الضعيف الفرامل فعلا فيها مشاكل و ده بصراحه اللي اعرفه
و لا ازيد عن هذا لان هذه معلوماتي
و تقبل احترامي
و توافر قطع الغيار بمرور السنين هتحصل فيه مشاكل و هتزيد قطع الغيار المضروبه للانوس لان المصنع اوقف انتاجها بعكس الفيرنا اللي لاتوجد نيه عند هيونداي حتي الان لايقافها
يا استاذ احمد عزت تكييف اللانوس اسوأ تكييف شوفته في حياتي
لازم اجيبه عل الرابع علشان احس بيه
وساعتها تلاقي العربيه مش قادره تمشي
انا جبتها زيرو 2007 وبعتها بعد اسبوعين وخسرت فيها 7 الاف
انا كنت راكب جولف 2 قبلها
صراحه لا مجال للمقارنه
طيب جربها واحكم
ana r2ii lanos 3la al a2l 3fshta astra 92 almani 3fshtha andf w a7sn kter mn al verna w sabta l7d 150 anma al verna ana a3rf kaza wa7d at2lbo beeha 3la al sor3a di ana bsra7a msh b2id al verna di tmamn
انتوا لخبطوني انا كمان
الانوس أفضل من الفيرنا في :
الفيرنا أفضل في:
- ثبات علي الطريق أعلي
- الصالون أوسع و مريح أكتر
- قطع غيار أرخص
- موتور و عفشه ألماني
- أسرع من الانوس في الطلعة و بتجمع بسرعة ( وده مفيد لو أنت جيب عربيه علشان تشد يها مع صحابك إنما العربتبن هيعدوا ال 120 في الأخر و التجميع من هيفرق معك في حاجة قوي )
- فرمل الفرنا أحسن ( بس فرمل الانوس مش ضيعة في نفس الوقت )
ديه الحجات المهمه في وجهت نظري أنما في نقط مش حوهريه قوي
و شكرا
- الشكل .... ده كل وحد و ذوقوا
- الانتاج الهيتوقف للاوس .... في عريات كتير مصنها وقفت و لسا لها قطع غيار... ده غير أن تركيا مشاء الله بعملو كل قطع الغيار إللي في دنيا ...
- موضوع أن الشنطه أوسع في الفرنا ... مش الفرق الخرافي يعني
- الزجاج الخلفي صغير في لانوس ... ديه مسأله نسبيه بين كل سواق و التاني ... بي بردوا مس زي العربيه الفولكس القديمة .. هتشوف إلى وراك متخفش ....
اللى اعرفه ان اللانوس قيل انها حتقف من سنة 2004 لكن فى منها حتى اليوم موديل 2008 و اظن التنافس بين هونداى و دايوا ممكن يخلى الدايوا لا تتوقف عن الانتاج خصوصا انه فى اقبال عليها كتير و كمان اصبحت زى ال128 اللى وقفت انتاجها و طلعت تانى من سنة او اتنين فى مصر على الزيرو!
بل حكاية الصاج بصراحة يخلى اللى صاجها اقوى افضل لانه بيحمي كده كده سواء فى حوادث لا قدر الله او فى المشي العادى و الخبطات اللى مفيش مفر منها فى مصر