انا سمعت عن اجهزه بتحط عليها العربيه بتعدل الشاسيه زي المصنع من اول و جديد
باستخدام كمبيوتر
يا ترى مين اللي عنده الجهاز ده في مصر
ارجو سرعه الرد لسفري غدا للقاهره باذن الله
و شكرا
عرض للطباعة
انا سمعت عن اجهزه بتحط عليها العربيه بتعدل الشاسيه زي المصنع من اول و جديد
باستخدام كمبيوتر
يا ترى مين اللي عنده الجهاز ده في مصر
ارجو سرعه الرد لسفري غدا للقاهره باذن الله
و شكرا
فى ارض اللواء بس مش عارف اسمه هو مركز كبير وخاص للزراجين فقط بس لو نزلت ارض اللواء وسالت عليه هو معروف هناك جدا بجوار توكيل تويوتا وبورش
طب معلش حتعب حضرتك معايا ازاي اروح لارض اللواء
الحرفيين بها ورش
طب حضرتك لو الجهاز ده موجود في الحرفيين يبقى عند مين
لو انت جاى من الزقازيق وعاوز تروح الحرفيين اكيد هتاخد طريق بلبيس والعاشر
اما لو هاتنزل ارض اللواء يبقى هتاخد الزراعى ومنه تطلع اول طلعه دائرى فى اتجاه المحور واتجاه الرمايه
وهاتنزل تانى نزله للمحور اللى فى اتجاه وسط البلد وميدان لبنان هى وصله صغيره اقل من كيلو هاتنزل منها اول نزله تقابلك يمين علشان تبقا فى شارع السودان اول فتحه يمين هى دى مدخل ارض اللواء وهى عباره عن مزلقان قطار بعد ما تعدى هاتدخل يمين بعد شويه هتلاقى توكيل بورش وتويوتا هناك اسال على المركز
سمير علي أشهَر واحد في الحرفين بيستعدل شاسيهات
بجد بامانه و الله
مش عارف اقول ايه
متشكر جدا لحضراتكم و على تعبكم معايا
انا سبت العربيه علشان شغل العفشه و المكنه و حطلع يوم الاحد باذن الله تكون خلصت نبتدي مشوار استعدال الشاسيه
دة عبارة عن مصطبة صلب بتطلع عايها العربية و بتتثبت فيها من اماكن معينة من الشاسية و بيتم مقارنة مقاييس العربية دى بالمقاييس الاستاندرد بتاعت العربية... و اى فروق بيتم تقويمها من خلال مكابس ضغط هوا بتشد سلاسل حديد مربوطة فى الجزء اللى محتاج تعديل من الشاسية
يعنى لو عنك فردة شايسة مكبوسة جوة و فى اتجاة الموتور حتوجة المكبس بحيث يبقى السلسلة بتتسحب لبرة بعيدا عن الموتور و تبدا تشغل المكبس و تفرد الاعوجاج... طبعا الضبط مبيجيش من اول مرة لان الحديد مرن و بياخد و يدى مع احمال الشد بالتالى الموضوع بيتكرر كذا مرة و بعد كل مرة الفنى بيراجع على القياسات لحد ما تطابق المقاس الاستاندر
http://www.kenstokessmash.com/images...aena_bench.jpg
MMamdouh
الله ينور عليك ..
سؤال تانى
طيب لو فى عربيات زى 128 او 127 اللى اتلحم الشاسيه بتاعهم اكتر من مرة و حبوا انهم يشوفوا الشاسية هل لو مش متظبط هيفك اللحام و يعيد التظبيط و يلحم تانى و لا الحكاية دى مش هتكون عند سمير على
و امتى الواحد يحكم على الشاسيه انه عاوز يتظبط ؟
دى لازم ترجع ليهم و تشوف رائيهم الفنى ايه فى الموضوع
MMamdouh
اشكرك با ا محمد ............
وياريت لو حد من الاخوة معاه تليفونه يبقى تمام اوى ...
أفادكم الله جميعا
بس انا في المشاكل العصيبه بعتمد على اتنين التوكيل و كار بويز
روحت توكيل سكودا اللي في العبور هما هناك يعرفوني علشان العربيه مميزه و كده
المهم قالولي احنا نعملك ظبط زوايا و الجهاز ده عندنا و نشوف التقرير اللي حيطلع يبقى ايه و بعد كده نتكلم
انا روحتلهم 11 وربع قعدت ساعه بالظبط طلع التقرير فعلا زي ما اتقالي قبل كده و اتقالي تعديلهم حياخدله يوم كامل و حيتكلف 400 جنيه فقولت انا حعمل شغل العفشه الاول بره علشان نبقى ماشيين مظبوط قالولي مفيش مشاكل و دفعت 38.5 جنيه علشان ظبط الزوايا و التقرير ناس محترمه
المهم طلعت بعد كده على كار بويز قالولي لأ حنوديك لواحد اسمه الاسكندراني لان ممكن عربيتك يبقى فيه حاجات باظت في العفشه فخليه يعملك تقرير كامل عن العربيه شامل العفشه
المهم ودوني لواحد اسمه الاسكندراني فيالحرفيين بيظبط زوايا و بيستعدل شاسيهات روحتله طلعلي تقرير فني تاني بنفس المشاكل وزود عليه الحاجات البايظه في العفشه و قالي تعديل الشاسيه حيكلف 350 جنيه طبعا ده اول الكلام من غير فصال و كده
و دفعتله 20 جنيه علشان ظبط الزوايا و التقرير
و روحت كار بويز تاني سبتلهم العربيه علشان حيفككوا العفشه بالكامل و يكشفوا عليها و اللي بايظ حيتغير طبعا باصلي علشان منشتغلش فيها تاني
و ان شاء الله حروحلهم يوم الاتنين الليجاي تكون العربيه خلصت باذنه و اطلع على الاسكندراني علشان يعملي العربيه
ربنا يعينك وان شاء الله موفق وابقا طمنا
متشكر جدا لحضرتك و لكل من ساهم في الموضوع بالافاده
و يارب نكمل المشوار ان شاء الله
لا انا عملت حادثه كبيره بسببها دخلت في الرصيف مرتين و الحمد لله توفيق من عند ربنا و ستره
ثانيا تسقيط العربيه للارض و علو ارتفاع الرصيف حال دون انقلاب العربيه
الحمد لله مره تانيه
فالخبطات كلها المشكله جت في العجل فاللي ماسك الهجل اتلوح ومحتاج يستعدل بس
الحمد لله على سلامتك و ان شاء الله العربية ترجع احسن من الاول
حمد لله عالسلامة وتتظبط ان شاء الله ياباشا
متشكر جدا لروحكم الطيبه
السادة الأعضاء الكرام
ارجو الإفادة
عندى 128 و بها جنوط سبور الومنيوم وليست بتاعة ال128 الاصليه
الكوتش الشمال تحس انه مش متوسطن داخل تجويف الكرتيره وراجع ورا شويه حتى إنه بيحك بالرفرف
و إن شاء الله ان هغير جنوطها للأصليه و هجيب 4فرد 145/55
لأنى لقيت اللى ركبين عندى 165/70
بس أنا رحت لواحد مشهور بتاع عفشة و ظبط زوايا بالجيزة إسمه حمادة إمام من شارع البحر الأعظم قالى :
لازم أغير الجنوط و قال ان العجله الشمال عايزه تتقدم 2 سم ولما سألته وده مين يعمله قالى السمكرى و طلب أيضا لما اعمل ده اروح واجيب معايا 4مساعد امام و خلفى و بطاحتهم
فهل ده مظبوط
افيدونى افادكم الله
وشكرا للردود مسبقا
بص انا عاوز اقولك على الصدمه في الموضوع بتاعي و كل اللي متباعني
عربيتي مكنتش مشيسه منهم لله البهايم
لما طلعت على كار بويز تاثير الحوادث اثر على العفشه فلما غيرتها كلها بالكامل
و ظبط زوايا بس طلعت العربيه بسم الله ما شاء الله سليمه مفيهاش غلطه
بالنسبه لموضوع حضرتك نصيحه مني روح لميكانيكي شاطر بس قولي تاريخ العربيه علشان اقدر افيد حضرتك
اشكرك على الرد
هل تقصد بتاريخ العربيه موديلها هى موديل 70
لأ انا قصدي عملت حوادث قبل كده صياناتها كانت ازاي تفاصيلها
يعني مثلا ايه اللي خلى العجل يرجع ورا ممكن تكون محتاج تغير مقص و مساعد مثلا و خلاص فاهم قصدي
أسلام عليكم
يابيه انا جديد فى موضوع السواقة ده وكتر خير الناس الموجودين بالمونتدى انا بحاول افهم عشان دى اول عربيه اسوقها
و فعلا انا ذى ما بيقولو اكلت بيها مطلب فالعجل طبق الرفف الشمال بعد مرجعت لورا وكسرت المقص
فرحت غيرت المقصين يمين وشمال و كمان غيرت جوز بارات وضبط زوايا بس انا بعد كده بقيت بسمع صوت صفاره مع تحويل إتجاء الدركسيون شمال + إنها بتحدف شمال سنه فبصيت لقيت إن العجله اليسار راجعه وكذلك لاحظت بردوا إن العجله اليمين لما تبقى العجله اليسار مستقيمه بتبقى فتحه لبره سنه
عشان مطولش عليك يافندم
رحت إنبارح بعد مارحت لمركز العفشه وضبط الزويا اللى قالى إنى أقدم العجله يسار السائق 2 سم رحت لواحد سمكرى قولته وسألته فاهم قال ايوه وقام ورانى المكان الذى يثبت به المقص بالشاسيه وقام شادد بجنزير الحته دي وركب العجله فعلا لقيت العجله بقت متوسطنه و قال في شرخ فارق المكان الذى يثبت به المقص عن مكان لحامه بالشاسيه فلحمه بعد مفك العجله وكمل بهذا المنطقة حبه لحامات عشان لما نركب العجل تانى يثبت في مكانه ولكن لما نزلت العربية على الارض ومشينا بيها عشان نجرب فبصيت لقيت العجله اليمين رجعت تانى لورا
قعد يبص تحت العربيه وقال ملاحظات كده : إن كوتش الميزان متاكل تماما وإن الميزان المنطقة المستقيمه منه التى يثبت بها الإفزان على صدر العربيه من الأمام بعيده عن صاج وش العربيه حوالى 2سم مكان كده يعدى صباع وقال ده بيبقى في العربيات ال128 الأخرى لاصق في تماما في حتة الصاج اللى بالوصف كده تحت الإكصدام الامامى تماما وقال والمساعدين بيجيبو زيت
فقلته مال كل ده بالعجله اللى مش متوسطنه فقال اجيله مره اخرى يعمل زرجينه تانيه
إيه رأى حضرتك
طب معلش الصوره موصلتليش كامله ممكن يكون المساعد اتاثر بالخبطه مع المقص
سؤال الزرجينه اتعملت على الطمبوره او الركبه و لا على لاشاسيه علشان مفهمتش بس
و اقولك حاجه اعمل موضوع تاني في نفس القسم باللي قولته اكيد فيه ناس برضه حتساعدك فيه
أسلام عليكم
وهو السمكرى خلع العجله و فك المقص و حط هيلب بتاع رافعه من اللى بيرفعوا بيها المواتير في مكان تثبيت المقص وقعد يشد الجنزير و ركب وشافها متوسطنه ولحم ولكن رجعت تانى
بص اشتري مقص تاني اي حاجه بتستعدل بترجع زي الاول
روح لعفشجي نضيف يقولك ايه اللي بايظ او متني في العفشه حتى لو بسيط
بس غالبا ده مقص متني لجوا شويه و حله واحد جديد و الله اعلم
أسلام عليكم
المقص ده جديد غيرته مكان اللى كسر قبله من 2 شهر تقريبا
ماهو بص ايه الليي متني عندك و السمكري عدلهولك بالظبط