الحمد لله أشتريت ألتو 1100 تكييف فقط موديل 2009

الحمد لله أشتريت ألتو 1100 تكييف فقط موديل 2009 بعد مشوار حيرة وتردد كبيير جدا بين كل

أنواع العربيات اللى بتلعب فى الرنج تحت ال 55000 جنية وهى دية كانت أخر أمكانياتى والحمد لله

بعد صلاة الآستخارة وأستشارة أهل الخير والآهل والآحباب والآصحاب رسيت عليها لكن صعبان

عليا جدا أن مجبتش ماروتى وكان نفسى أن يكون عندى المقدرة أن أشترى الآثنين لكن الحمد لله وأنا

هفضل مع أحبابى الماروتية الغاليين أوى بردة بالآضافة لانضمامى لعائلة الآلتو وكلة فى الآخر داخل

قسم السوزوكى يعنى مش خارج برة . ودية كانت أفضل نتيجة قدرت أوصلها فى حدود أمكانياتى

المتواضعة والحمد لله .أنا كنت بحلم بالوجان وما زلت لكن الآمكانيات والظروف أيضا ما تسمحش فى

الوقت الحالى الى أن يشاء الله مستقبلا يمكن الواحد يغير لآحسن منها .أنا عايز أقولكم حاجة مهمة ألا

وهى أن التغيير سنة الحياة فالواحد بأذن الله بيغير ويحدث مع الزمن واحدة واحدة بدون أستعجال وأنا

فكرت فى الآلتو فى الوقت الحالى لآنها هتلبى رغباتى فى الوقت الحالى ومستقبلا أن شاء الله وحسب

أمكاناتى أيضا ومش هفكر أغير دلوقتى خالص يعنى التغيير ممكن يكون مش قبل 5 ألى 10 سنوات

لو ربنا أدانا طولت العمر . وهى أفضل سيارة بالنسبالى تحت رنج 55000 قطع غيار يابانى

تقفيل هندى وأنا أشترتها ب 51000 جنية بعد التخفيض من مودرن موتورز المساحة الدقى بعد

طول أنتظار للماروتى وفى النهاية دية كانت أرادة ربنا والنصيب والحمد لله أولا وأخرا وربنا يباركلى

فيها ويكفينى شرها ويرزقنى خيرها ويسترها معاى ومعاكوا ومع الناس أجمعين يا رب وللموضوع

بقية أن شاء الله وأنتظروا تقييمى لها أول بأول أن شاء الله بعد ما أرخص وأبدأ أتعايش معاها واحدة

واحدة بأذن الله والى تكملة الموضوع قريبا أن شاء الله والسلام عليكم ورحمة الله وبركاتة .

الف مبروك وربنا يباركللك فيها ويديك خيرها ويكفيك شرها

اولا الف الف مبروك وربنا يعطيك خيرها ويكيفك شرها
تانى حاجة باذن الله ربنا يوسع عليك باذن الله وتقدر تغيرها فى المستقبل باحسن
بس انا عاوز اعرف دلوقتى انتا اشتلاتها زيرو موديل 2009 طيب مش سالت على العرض اللى عاملينه بتاع التخفيض على اسعار قطع الغيار والصيانات بيقولوا انها مجانا على موديلات 2009

العرض اللى معمول هو فلتر مجانى على الزيت موبيل 10000 فقط يعنى مش ال5000 عند تغيير الزيت ودة هو الرسمى .وممكن يعملوا تخفيض لو العميل طلب منهم بيعملوة حاجة بسيطة مجاملة للعميل على قطع الغيار أو الآكسسوارات و دة غير رسمى

الف مبروك وربنا يباركللك فيها ويديك خيرها ويكفيك شرها
هل دى اول عربية تركبها ولا ركبت عربيات قبل كده

لانى بتعلم السواقة وعاوز اشترى عربية

فقولت اسألك

وشكرا
م. محمد بيومى

اقتباس:

---

المشاركة الأصلية كتبت بواسطة bayoumisoft

الف مبروك وربنا يباركللك فيها ويديك خيرها ويكفيك شرها
هل دى اول عربية تركبها ولا ركبت عربيات قبل كده

لانى بتعلم السواقة وعاوز اشترى عربية

فقولت اسألك

وشكرا
م. محمد بيومى

---

الحمد لله أنا بدأت بال 127 فيورا ودية نصيحة مهمة أوى أن أى حد لازم لو مش بيعرف يسوق كويس لازم يبتدى بمستعمل حتى لو سنة واحدة علشان ميبهدلش الزيرو بعد كدة لآنى بصراحة الفيورا أستحملت كتيير وأتعلمت منها كتيير لكن بردة تعبتنى كتيير أوى وكل أسبوع يأما عند الميكانيكى يأما عند العفشجى يا سمكرى يا زوايا ومواضيع المستعمل ما بتخلصش خالص لكن الواحد لازم يتعلم علشان بعد كدة يحافظ على اللى هيجيبة بعد كدة وأنا أتعلمت كتيير منها كل حاجة منها السواقة طبعا .والله الموفق

الحمد لله خلصت أجراءات التراخيص وأتكلفت كلها على بعضها 1000 جنية لمدة ثلاث سنوات بس تعبت قوى فى تخليص الرخصة .

وأنا أستلمت العربية مفروشة موكيت على كل الآرضية وكوريك ومفتاح عجل بدون طاسات أو طفاية وأستلمت كتالوج العربية وكتاب الضمان لسة علشان خلص وهيبعتوا يجيبوة دفعة تانية من أبو رواش وأستلمت كمان صورة من جواب الآفراج الجمركى وشهادة بيانات والمبيعة

العربية كانت عاملة حوالى 70 كيلو وشكلهم كدة جايبنها من أبو رواش ماشية لكن مش باين عليها أى أثار بهدلة لسة طبعا بكيسها ونظيفة والكيلوهات دية مش كتير نوعا ما وأنا مش قلقان بس التنك بتاع البنزين كان مشطب ورحت فولت 92 على طول .
أفضل لون أنا أستريحتلة كان الفضى وراجعت على كل حاجة تكييف راديو سى دى أماكن زيت الموتور و المقياس بتاعة والمياة بتاعت الرداتير وكلة تمام والراجل غسلها قبل الآستلام نظافة والحمد لله وربنا يبارك فيكم ويباركلكم جميعا ان شاء الله .وللحديث بقية أن شاء الله

يا باشا الف الف الف مبروك لحضرتك علي العربية ربنا يديك خيره ويكفيك شرها أمين
العربية دي من العربيات الهايلة من وجهة نظري وهي فعلا افضل اختيار لسيارة من الحجم ده مقارنة باسعار مثيلاتها في السوق (سبارك وبيكانتو و i 10)
ويكفي انها ياباني (موتور وعفشة) والتجميهع الهندي مش وحش ابدا
انا كانت معايا الماروتي قبل عربيتي الحالية (الكيا ريو) وصدقني لو قلتلك ان لما باشوف ماروتي في الشارع مبهدلة بازعل جدا لان العربية دي كنت محافظ عليها جدا وزعلان لاني بعتها لكن زي ما حضرتك قولت دي سنة الحياه
مستنيين التقييم باذن الله

اقتباس:

---

المشاركة الأصلية كتبت بواسطة Abdm

الحمد لله أنا بدأت بال 127 فيورا ودية نصيحة مهمة أوى أن أى حد لازم لو مش بيعرف يسوق كويس لازم يبتدى بمستعمل حتى لو سنة واحدة علشان ميبهدلش الزيرو بعد كدة لآنى بصراحة الفيورا أستحملت كتيير وأتعلمت منها كتيير لكن بردة تعبتنى كتيير أوى وكل أسبوع يأما عند الميكانيكى يأما عند العفشجى يا سمكرى يا زوايا ومواضيع المستعمل ما بتخلصش خالص لكن الواحد لازم يتعلم علشان بعد كدة يحافظ على اللى هيجيبة بعد كدة وأنا أتعلمت كتيير منها كل حاجة منها السواقة طبعا .والله الموفق

---

يعنى انت تنصحنى باية فى الاول , بس ياريت حاجة ما يكونش فيها الميكانيكى :khd:

انا كنت بفكر فى ماروتى كسر الزيرو , يعنى موديل من سنتين لا 3 سنين,

ولا انت اية رايك؟؟

وكمان احنا كلنا منتظريين تقيمك للعربية
و ربنا يديك خيره ويكفيك شرها أمين يا رب

اقتباس:

---

المشاركة الأصلية كتبت بواسطة bayoumisoft

يعنى انت تنصحنى باية فى الاول , بس ياريت حاجة ما يكونش فيها الميكانيكى :khd:

انا كنت بفكر فى ماروتى كسر الزيرو , يعنى موديل من سنتين لا 3 سنين,

ولا انت اية رايك؟؟

---

الماروتى موديل سنتين تلاتة بالكتير أوى مع أهم حاجة عدد كيلوهات قليل أن شاء الله هتكون زياراتك للميكانيكية قليلة قوى
لو عايز تزور الميكانيكى والعفشجى على فترات ممكن 127 أو 128 أو مازدا 323 أو 131 ودية كلها عربيات كويسة حسب الحالة

لكن لو عايز تكبر خالص وتبعد عن الصنيعية بس لفترات طويلة يعنى بالتأكيد لا غنى عنهم نهائى ولازم هتحتجلهم فى الصيانات يبقى ماروتى كسر زيرو عربية عملية وعلى أد الحال وأقتصادية والله الموفق

ألف مبروك يا باشا ربنا يديك خيرها و يكفيك شرها

الف مبروك
و ربنا يباركلك فيها و يديك خيرها و يكفيك شرها
واهلا بيك وسط مالكي الالتو

اقتباس:

---

المشاركة الأصلية كتبت بواسطة abdm

الماروتى موديل سنتين تلاتة بالكتير أوى مع أهم حاجة عدد كيلوهات قليل أن شاء الله هتكون زياراتك للميكانيكية قليلة قوى
لو عايز تزور الميكانيكى والعفشجى على فترات ممكن 127 أو 128 أو مازدا 323 أو 131 ودية كلها عربيات كويسة حسب الحالة

لكن لو عايز تكبر خالص وتبعد عن الصنيعية بس لفترات طويلة يعنى بالتأكيد لا غنى عنهم نهائى ولازم هتحتجلهم فى الصيانات يبقى ماروتى كسر زيرو عربية عملية وعلى أد الحال وأقتصادية والله الموفق

---

انا عندى ماروتى 2009 فضى و بفكر ابيعها بس مش اقل من 32000 لو عاوزها بجد كلمنى 0119449863 ايمن لانى بفكر بردة فى التو او سيلاريو

اقتباس:

---

المشاركة الأصلية كتبت بواسطة abdm

الماروتى موديل سنتين تلاتة بالكتير أوى مع أهم حاجة عدد كيلوهات قليل أن شاء الله هتكون زياراتك للميكانيكية قليلة قوى
لو عايز تزور الميكانيكى والعفشجى على فترات ممكن 127 أو 128 أو مازدا 323 أو 131 ودية كلها عربيات كويسة حسب الحالة

لكن لو عايز تكبر خالص وتبعد عن الصنيعية بس لفترات طويلة يعنى بالتأكيد لا غنى عنهم نهائى ولازم هتحتجلهم فى الصيانات يبقى ماروتى كسر زيرو عربية عملية وعلى أد الحال وأقتصادية والله الموفق

---

انا فعلا عاوز اكبر دماغى من الصنيعية خالص

عشان كده انا ممكن اشترى ماروتى موديل 2008 او 2009 ,

امشى بيها سنة لغاية لما اتعلم وبعد كده ان شاء الله اجيب حاجة اكبر,

اقتباس:

---

المشاركة الأصلية كتبت بواسطة aymanay32

انا عندى ماروتى 2009 فضى و بفكر ابيعها بس مش اقل من 32000 لو عاوزها بجد كلمنى 0119449863 ايمن لانى بفكر بردة فى التو او سيلاريو

---

طيب يا باشا هى عاملة كام كيلو بالضبط والحالة عاملة أية بالضبط علشان اللى عايز يشترى يكون عندة معلومات وممكن بردة لو عايز تعرضها فى قسم البيع والشراء يبقى أحسن بالآضافة لهنا

اقتباس:

---

المشاركة الأصلية كتبت بواسطة bayoumisoft

انا فعلا عاوز اكبر دماغى من الصنيعية خالص

عشان كده انا ممكن اشترى ماروتى موديل 2008 او 2009 ,

امشى بيها سنة لغاية لما اتعلم وبعد كده ان شاء الله اجيب حاجة اكبر,

---

تفكير سليم ما تشوف الآخ أيمن وتتفقة على السعر مع بعض وربنا يوفق ويكرم الجميع

1000 مبروك يا باشا و في انتظار تقييم العربيه

اقتباس:

---

المشاركة الأصلية كتبت بواسطة abdm

طيب يا باشا هى عاملة كام كيلو بالضبط والحالة عاملة أية بالضبط علشان اللى عايز يشترى يكون عندة معلومات وممكن بردة لو عايز تعرضها فى قسم البيع والشراء يبقى أحسن بالآضافة لهنا



تفكير سليم ما تشوف الآخ أيمن وتتفقة على السعر مع بعض وربنا يوفق ويكرم الجميع

---

انا لسة بتعلم السواقة فى مدرسة قياده

غير كده انا مظبط نفسى ان شاء الله على بعد 3 شهور كده على ما اشترى عربية

10000 مبروك
بس أنا إتصلت بالتوكيل وقاللى السعر 53 ألف؟؟؟؟؟؟؟؟؟

اقتباس:

---

المشاركة الأصلية كتبت بواسطة ahmedbakr50

10000 مبروك
بس أنا إتصلت بالتوكيل وقاللى السعر 53 ألف؟؟؟؟؟؟؟؟؟

---

السعر دة للآلتو تكييف فقط موديل 2010 لكن 2009 بيتعمل علية تخفيظ 2000 أو 2500 وممكن توصل 3000 فرق الموديل أنا عملولى تخفيض 2500 علشان فرق الموديل يعنى بتاعتى خلصت على 50500 والله الموفق

الف مبروك ياباشا وربنا يكفيك شرها
[url=http://www.0zz0.com]http://www13.0zz0.com/2010/02/12/12/213721870.jpg[/url]

السلام عليكم والف مبروك على العربيه انا كمان عايزه اشترى سوزوكى التو 2009 800 سىسى بس هى مستعمله استعمال خفيف ماشيه 32000 كم وهى فيها تكيف برده بس ممكن اعرف منك اكتر عن عربيتك وكماليتها وسعرها وهل كانت زيرو ولا مستعمله لانى الى فهمته من كلام حضرتك انها ماشيه 70000 كم ولا انا فهمت غلط ولا تعرف اكتر عن الالتو افيندنى لانها عجبانى لكن فى ناس بتحظرنى منها انها مش حلوه وسوقها مش حلو وانها 800 سىسى مش حتستحمل معايا وشكرا جزيلا

بس متهيألى 32000 كيلو كتير أوى على موديل 2009

اقتباس:

---

المشاركة الأصلية كتبت بواسطة tamtoma

السلام عليكم والف مبروك على العربيه انا كمان عايزه اشترى سوزوكى التو 2009 800 سىسى بس هى مستعمله استعمال خفيف ماشيه 32000 كم وهى فيها تكيف برده بس ممكن اعرف منك اكتر عن عربيتك وكماليتها وسعرها وهل كانت زيرو ولا مستعمله لانى الى فهمته من كلام حضرتك انها ماشيه 70000 كم ولا انا فهمت غلط ولا تعرف اكتر عن الالتو افيندنى لانها عجبانى لكن فى ناس بتحظرنى منها انها مش حلوه وسوقها مش حلو وانها 800 سىسى مش حتستحمل معايا وشكرا جزيلا

---

يا tamtoma أنا العربية زيرو مستلمها عاملة 70 كيلو مش 70000 وهى 1100 cc مش 800 cc تانى حاجة لو حالة العربية اللى أنت عايزها كويسة وموتورها كويس وكلة تمام أتوكلى على الله وأشتريها بس أنا مش فاهم أزاى أستعمال خفيف وعاملة 32000 كم فى سنة واحدة كدة كتيير أقوى فى سن واحدة لو هيكرمك فى السعر يبقى أوكة لو مش هيكرمك شفى بدائل تانية أحسن لو عايزة مستعمل زى البرايد العصفورة والآونو والماروتى

بس أنا أنصحك بالزيرو لو تقدرى. بالذات مع البنات علشان ما تتعبكيش وتريحك عندك الماروتى. أو الآلتو 1100 أفضل لآن سعرها قريب قوى من 800 المكيفة وبالتوفيق أن شاء الله

ألف مبروك وربنا يديك خيرها ويكفيك شرها

متشكره جدا على الرد استاذ abdm انا قصدى من استعمال خفيف انها بحاله الفابريكه لانها فابريكه بالداخل والخارج وانا اتفقت مع صاحبها على 37000 جنيه بالعافيه كمان من غير كاسيت و هى فيها تكيف وفرش جلد وسنتر لوك ولسه متردده ومش عارفه اعمل وشكرا

اقتباس:

---

المشاركة الأصلية كتبت بواسطة tamtoma

متشكره جدا على الرد استاذ abdm انا قصدى من استعمال خفيف انها بحاله الفابريكه لانها فابريكه بالداخل والخارج وانا اتفقت مع صاحبها على 37000 جنيه بالعافيه كمان من غير كاسيت و هى فيها تكيف وفرش جلد وسنتر لوك ولسه متردده ومش عارفه اعمل وشكرا

---

أية سبب التردد . نوع العربية ولاسعر العربية ولا أية

لو فى أى قلق من العربية نفسها خلى حد كويس سمكرى + ميكانيكى يكشفة عليها ويقيمها تقييم مبدئى للعربية والسعر علشان تستريحى وأنت اللى تقررى فى الآخر أنت عايزة أية والله الموفق

سبب التردد ان العربيه سعرها عالى وهى عربيه صغيره جدا من جوه وكمان هى 800 سىسى يعنى 3 سلندر وناس كتير بتقولى ابعدى عن اى عربيه 3 سلندر وكمان فى ناس بتقولى انك بالسعر ده ممكن تجيبى عربيه كبيره موديل اقدم شويه
ومن ناحيه تانيه بقول انها عربيه جديده موديل 2009 اينعم هى عامله 32000 كم بس العربيه فابريكه مفيهاش خدش يعنى كسر زيرو لو حبيت اجيبها زيرو هتوصل ل 45000 جنيه وكمان هتوفرلى كتير فى البنزين عن العربيات الكبيره
فهمت يا استاذ abdm سبب التردد ايه معلش انا اسفه للاطاله وشكرا

طبعا علشان منظلمش صاحب العربية ممكن يكون دة فعلا سعرها حتى لو وصلت ل 35000 جنية لكن بردة علشان منظلمكيش فى بدائل أحسن كتيير بالسعر دة37000
العربية أنا معاكى أنها 800 cc قليل شوية لكن مش وحش
الحجم أنا شايفوا مش وحش من جو كويسة قوى كمان
هى فيها ميزة أنها لو كويسة فعلا تعتبر كسر زيرو وأحسن 100 مرة من المستعمل لكن بردة أول يد غير تانى يد ولازم تكونى مقتنعة بيها
فى حاجة مهمة أنا لما جيت أشترى الراجل قلى فية 800 cc فل أوبشنز تقريبا 48000 أو 49000 وفية 1100 cc ب 51000 تكييف فقط
قلتولة لآ أنا عايز 1100 ومش هتفرق ال 3000 دول . للآسف الآثنين سعرهم قريب قوى من بعض بس أى حد حتخيرية هيقولك لآ أنا أجيب 1100 ومش هتفرق ال 3000 دول . لكن لو 800 cc كان سعرها فل أوبشنز مثلا 43000 : 45000 كنت بالتأكيد هافكر فيها
لكن أنا لو فى أيدى المبلغ دة كاش مش قرض أو تمويل من بنك أسلامى وعايز أجيب عربية بصراحة مش هحطة فى 800 cc أقل حاجة 1100

وبعدان فى بدائل كتير ذى دايو 99 أو 2000 وممكن أعلى من كدة كمان . وممكن أكسنت 1300 أو 1500 حالة نظيفة دية حاجات واسعة شوية أو كيا برايد العصفورة حلوة قوى . دية بدائل فى المستعمل

حاجة تانى فى ممكن تتدفعى اللى معاكى وتجيبى زيرو ألتو 1100 cc أو شيفرولية لانوس أو فيرنا أو اللى كان نفسى فيها وما زلت حاجة واسعة قوىىىى وممتاذة اللوجان ودية كلها حاجات زيرو حتريحك
لما تدفعى مثلا 40000 هيكون القسط قليل قوى وركبة زيرو وكبيرة وواسعة . دة لو كان مش عجبك العربيات الهاتش باك ذى الآلتو 1100 أو البيكانتو أو i10 ودول سعرهم أقل طبعا من اللوجان والانوس وفكرى وقررى والله الموفق

الف مبروك ياباشا على العربية وربنا يديك خيرها ويكفيك شرها

كنت عايز اسالك على حاجة هل العربية مافيهاش اى اوبشن غير التكيف يعنى مثلا هل فى باور او ازاز كهربا او سنتر لوك او حتى الاكصدام بلون العربية؟؟
والـ 800 سى سى الفول اوبشن هل عندك فكرة ايه الاوبشن اللى فيها بالظبط؟؟؟

اقتباس:

---

المشاركة الأصلية كتبت بواسطة hamzawy

الف مبروك ياباشا على العربية وربنا يديك خيرها ويكفيك شرها

كنت عايز اسالك على حاجة هل العربية مافيهاش اى اوبشن غير التكيف يعنى مثلا هل فى باور او ازاز كهربا او سنتر لوك او حتى الاكصدام بلون العربية؟؟
والـ 800 سى سى الفول اوبشن هل عندك فكرة ايه الاوبشن اللى فيها بالظبط؟؟؟

---

العربية فيها تكييف وكاسيت سى دى فقط ودة بالنسبالى أهم حاجة . والحاجات التانية ذى السنتر والآنذار والزجاج الكهربا حاجات بسيطة لو أنا عايزها ممكن تتركب فى أى مكان
نيجى بقى للباور الدريكسيون مش تقيل قوى ودة بالنسبة للى ساق قبل كدة 127 أو 128 وأكيد بأذن الله هيخف مع الوقت أكتر
الآكصدام لونة أسود مش نفس اللون
ال 800 الفل أوبشنز تكييف وزجاج كهربى أمامى سنتر كاسيت أنذار أكصدام بنفس اللون تقريبا rpm طاسات للعجل . والله الموفق

الف شكر ياباشا على الرد
وفعلا الاضافات اللى فى الــ 800 سى سى ممكن تركب فى الـ 1100 بكلام فاضى