يا جماعه انا نازل اشتري بكرة زيت موتور ايه رايكم احسن نوع ؟
فيه ناس تقول شل الصفر وناس تقول الاحمر
ويا تري سعره كام؟
مع العلم العربيه اكسيل 95
عرض للطباعة
يا جماعه انا نازل اشتري بكرة زيت موتور ايه رايكم احسن نوع ؟
فيه ناس تقول شل الصفر وناس تقول الاحمر
ويا تري سعره كام؟
مع العلم العربيه اكسيل 95
الشيل الاصفر دة زيت احادى الدرجة او معدنى وتمنة 100 جنية صناعة مصرية
يقابلة فى الاداء زيت موبيل xhp وبنفس التمن
وانا عن تجاربى زيت شيل احسن واريح للماتور وبيقعد 3000 كيلو بتغيرة انت على 2800 او 2500 كيلو للحفاظ على المكنة
زيت شيل الاحمر دة للمواتير الخفيفة اوى لانة بيبقى تقيل جدا جدا وطبعا هايقرفك فى التسخين وكلة على حسب حالة الماتور وتمنة حوالى 45 جنية مش فاكر بالظبط لان لو عندك الماتور كويس يبقى انت بتبوظة لو حطتلة الاحمر لانة بيتقل حركة عمود الكرنك والكامة وكل الاجزاء الميكانيكة
مشكووووووووووووور اخي
شل احمر ايه اللى ب45 ده ب 70 ومش للمواتير الخفيفه ولا حاجه ده 20w50 يعنى مالوش دخل بخفه الموتور او تقله !!!!!!!!!!!!!
انا قولت معرفش سعرة بالظبط ومع غلاء الاسعار الاخيرة فى الزيوت معرفش وصل بكام ,لانى اصلا بحط الالترا فامبسالش على الاسعار
لكن اللى انا متاكد منة ان زيت شيل الاحمر زيت للمواتير الخفيفة وبيتغير كل 1500 كيلو ,وبردة بيتحط للمواتير القديمة ,والزيت دة تقيل وماشى بيشتغل فى درجة حرارة 20 درجة
بس خواصة قليلة جدا عن الزيت اللى فى العبوة الصفراء ,ولو عايز تتاكد روح للبتاع الزيوت واسالة هايقولك نفس كلامى
أحسن حاجة فيسكو ... بيتغيرمن بنزينات كارجاس وفيه فى القسم التعليمى للمنتدى موضوعين عليه وكل اللى جربه بيشكر فيه جدا جدا جدا وانا عن نفسى بستعمله انت عربيتك ينفع لها فيسكو 2000 وده بيقعد لحد 5000 كم وبيريح الماتور فعلا وفيه كمان تكنولوجيا جديده اسمها الدرع النظيف لتنظيف الماتور من ترسبات الكربون وشوائب الزيت (وبيخفض درجة حرارة الماتور بس ده فى الفيسكو 3000 ) اما الدرع النظيف فى جميع انواع الزيوت التانية اللى من فيسكو .. غير لفيسكو 2000 بــ 72 ج وبيقعد 5000 كم او موتور اويل برده فيسكو وبيقعد 3000 كم وده 56 ج ولو عايز تتاكد ادخل على المنتدى التعليمى وانت هتلاقى موضوعين ليه هناك
http://www.nilemotors.net/Nile/105045-a.html
http://www.nilemotors.net/Nile/117986-a.html
أي نوع تحب تشتريه بس يكون api sl لو الموتور عندك حالتة كويسة وغيره على 5000كم
ولو عامل كيلو متر كتير شويه أوحاسس إن الموتور إبتدى يخف حط api sj وغيره على 3000كم
انا بحط موبيل 3000 وزي الفل
الزيت اما احادى الدرجة يعنى مكتوب عليه 40 او 50 ودى درجة لزوجة الزيت او ان يكون متعدد الدرجات مثل 20w50 وفى العربيات القديمة او اللى موتورها خفيف يفضل احادى الدرجة لانه تقيل .
اما نوع الزيت فالزيت بعلامة s يصلح لمحركات البنزين و الزيت بعلامة c يصلح لمحركات الديزل (السولار) فتجد مثلاً زيت sf معناه انه يصلح لمحرك البنزين s اما f فهى مستوى تطور الزيت من a-z يعنى مستوى j اعلى من مستوى f وهكذا لذلك لابد وان تنظر لهذه العلامات دون النظر الى الاعلانات يعنى يقول بيتغير كل 10000 وغيره ده نصب لان كل موتور ليه حالته وكمان لازم يكون الزيت من شركة محترمة عشان تثق فى العلامات الموجودة عليه ، يعنى انا عن نفسى مبثقش فى التعاون و مصر للبترول .
من الزيوت المتازة عن تجربه bp بتاع الغاز ويليه امارات مصر وتوتال وطبعاً موبيل بس غالى .
مع تحياتى
زيت توتال 3000 ك زيت ممتاز عن تجربة سنتين بلا اية مشاكل فى أوبل أسترا ولانوس وصنى وسعره زهيد(55 جنية فقط)