برافو عليك و نقلك للتجربة مفيد جدا
و ياريت ا طارق بعلق على الموضوع ده لأنه مفيد جدا و طالما ليه مكان موجود ليه مش بيركب ؟؟؟؟؟؟؟؟؟؟
عرض للطباعة
برافو عليك و نقلك للتجربة مفيد جدا
و ياريت ا طارق بعلق على الموضوع ده لأنه مفيد جدا و طالما ليه مكان موجود ليه مش بيركب ؟؟؟؟؟؟؟؟؟؟
متشكرين اوي بجد علي المعلومات الحلوه اوي دي وأنشاء الله قريب هقلدك ده بعد اذنك يعني واركب عمود الاتزان ده
شكرا لردك لكن للاسف مش عارف اشوف الاخرام دى فين بالتحديد لانى معرفش اى مصطلحات تحت العربيه فى العفشهاقتباس:
عفشة المكوه الخلفيه هى هى عفشة البومه بس بردو ما يمنعش انك تتأكد ان أماكن تثبيت الميزان موجودة فى المكوة و لما تتأكد إتكل على الله و ركبلك واحد أكيد هيحسن الثبات.
فياريت لو صوره ومكان الاخرام وبيبقوا كام خرم علشان اخرج اشيك علي العربيه دلوقتى واقلكوا
http://img102.imagevenue.com/loc73/t...s_122_73lo.jpghttp://img138.imagevenue.com/loc240/..._122_240lo.jpg
اولا اسف على الصورة مش واضحة اوى لانى قلت بالمرة اغسل العفشة فا كل ما اجى ادخل الاقى مية تنزل فا خفت عالكاميرا فا لقطها من بعيد شوية الصورة عليها ارقام هكتب كل رقم دا اة
اضغط على الصورة عشان تشوف الارقام بوضوع
1-دا عامود الميزان نفسة الى واصل بين العجلتين الخلفيتين
2-هيا دى الخوصة وبتكون متسبتة فى الشاسية من فوق فى اخرام فوقيها علطول فى الناحيتين بس معلش الناحية التانية مش باينة بس هيا نفس الشكل بالظبط ورا الشكمان
3-دا بيسموة مسمار الميزان دا بقة الى بيتركب فى المقص زى ما احنا شايفين تحت علطول هتلاقى نقط صفراء فى احد الصور هيا دى الكاوتشة الى بقول عليها لازم لو جبت ميزان تجيبة بية لانها مش كاوتشة عادية دى فيها حديد لانها عفشة طالعة وانزلة لازم تشتحمل وعشان متعملش تزيءءء موجودة يمين وشمال بردوة
4 دا طبعا المقص ومجهز انوا فى الخرم الى راكب فى المسمار
خدبالك كل مسمار فى كاوتشتين واحدة فوق المقص وواحدة تحت المقص ومن تحت خالص صامولة
الحمد اللة بص على الميزان الى جبتة والخوصة بتاعتة لونها اجدد من لون العربية اصلى انا رخم شوية فى الموضوع دا عشان كدة الناس اشتغلونى وخدتة ب 500 لو الموضوع مش فارق معاك وممكن تخدة مصدى هتاخدة ب370 400 بالكتير دا سعرة المتداول بس انا اول ما لقيت واحد كدة شبط فية
واى خدمة انا موجود
سلام عليكم
تسلم والله على مساعدتك واهتمامك دا وانا بكره الصبح هشيك على العربيه واشوف فيها الاماكن ولا لاء
يعني فرقت أوي ..ولا فرق بسيط
وأنا معايا نفس عربية إيفو
.
وعاوز أظبط أكتر
اة بجد فرق اوى اوى لدرجة من اول وهلة هتحس انى العربية سايبة من قدام والحلو فى الموضوع انها فرقت فى كل الاحوال يعنى سواء على الطرق المكسرة او على سرعة عادية ثابتة او سرعة مع انحناءات بص انا هالك على كذا تجربة كدا على السريع
نفترض انك هتاخد ملف يمين افضل ماشى علطول ومع نهاية الملف اكسر بغشومية اة الى بيحصل العربية بتنحنى جامد جدا طبعا بس بدخل عادى الاول واللة دى مش احاسيس على فكرة الموضوع دا انا مجربة كذا مرة ومتاكد منة كنت لما اعمل كدة العربية ترمى بس لازم تلحق بفرامل عشان تهدى اندفاع العربية من الخلف يا اما هتلبس على فكرة دا كلام ثقة مية فى المية يعنى لو تقدر تجيبة اتكل على اللة بجد من غير ما تسال ولو تحب انا من القاهرة مدينة نصر اتفضل فى اى وقت جرب العربية بنفسك بجد بجد فرقت فى كل الاحوال على فكرة انا من النوع الى مش بيعجبنى العجب يعنى لو معقول مش كويس اوى هقولك وحش بعدين حاجة تانية وانت ماشى كدة عادى اكسر يمين ومرة واحدة شمال هتحس انى العربية بتلم معاك عادى جدا وانت على سرعة 50 60 كدة مجربتش الحركة دى على سرعة بصراحة عشان مهيسش عليك
بص من الاخر من كتر اعجابى بية انا عايز اشوف هل ينفع اركب قدام ولا اة الكلام من تحت كلة مش من فوق لانى لغاية دلوقتى مش فاهم ميزان من فوق ولا مقتنع بية بصراحة يا ريت لو تعرف فكرتة تقلى بعد ازنك الميوان الى من فوق على المساعدين
بس دة مش ممكن يكون غلط على العربية ، خاصة إن العربية نازلة مش مصممة لكدة وإلا كانوا حطو هما فيه الميزان دة ، أكيد هما شالوه لحكمة معينة ولا أية ؟
أكيد يعني مكانش هيفرق ان هما يزودوا ميزان ب 500 جنيه ولا بألف حتى ؟
وبعدين أية أخبار ثبات العربية معاك على السرعات العالية ؟ أنا أكبر سرعة جبتها باللانسر بتاعتي 1300 اوتوماتيك 160 كيلو ، انت أية الأخبار معاك خاصة بعد لما ركبت الميزان ؟
وهل استهلاك البنزين تأثر بعد تركيب الميزان ؟
فكره هايله طبعا وعلى فكره الناس فعلا مش متخيله هيفرق قد ايه الا اذا جربت فرق الثبات بين البومه ال 1300 وال 1600
تسلم على نقلك التجربه دى واحتمال اعمل زيك قريب