طب قولنا علي اللي حصل معاك بالظبط
عشان علي الاقل الناس تستفاد من تجربتك
عرض للطباعة
أنا شايف أن العربية كويسة بس هما العيبين دول بس ولهم حل ، الفتيس بيتم تصليحه فى التوكيل وبيمشى كويس بعد كده والمساعدين سيئة جدا" والتوكيل برضه محتاج معاملة خاصة وشوية مناهدة :049: ممكن تغيير المساعدين فيما بعد ، وفيه بعض الخامات صناعتها ضعيفة بس العربية بشكل عام كويسة وأفضل من غيرها من ناحية الشكل المميز والكماليات مقارنة بالسعر وده رأيى بمنتهى الأمانة بعد تجربة 30000 ك :36_1_50[1]:
ربنا يوفق
يعني حضرتك مبتشتكيش من حاجه غير الخامات الداخليه ؟
انا قصدى دى المشكله الى مستمره لكن غير كدا كلها مشاكل بتتكرر زى عضه الفتيس والتوكيل ضبطها فى صيانه ال5 الاف وبصراحه مبتحصلش من يومها وحاجات بسيطه زى سماعه الباب اليمين علقت موره واحده بس اتظبطت فى صيانه الالف بس دا الى انا ملاحظه مع انى حاسس ان حضرتك بتتهمنى بانى بخبى عيوبها:11:
على العموم لو فى اى حاجه جديده اكيد هقولها فى المنتدى
شكرا لمشاركتك
انا تحت امرك فى اى استفسار
ومتهيألى انا ممكن اجاوب على سؤالك كويس لاننا عندنا لانوس 99 وكانت زيرو يعنى بقالها معانا 10 سنين هى بتاعت والدى لكن انا سوقتها طول الفتره دى كتير اوى
بمقارنتها مع اسبرانزا لقيت الجرى العربيتين كويسين والسحب
اللانوس افضل واكيد الموتور 1500 يفرق عن 1300
التجميع تقريبا متقارب
الفرامل بجد الاسبرانزا احسن بكتير
التقفيل اللانوس افضل
الكماليات طبعا اسبرانزا افضل بكتير
التحكم فى العربيه اسبرانزا احسن
فتيس اللانوس اتعم شويه فى الحركه فى النقله الثالثه والمارشيدير بس
وطبعا متنساش فرق السعر لصالح اسبرانزا
ومتهيألى ان برضه العربيه الى المفروض تتقارن باللانوس او الفيرنا هى a516 او m11 لكن ال a113 موتور اصغر وامكانيات اقل
اتمنى اكون قدرت افيدك