التوكيل غيرلى علبه الدريكسيون وعندى استفسار

انا محبتش اعمل الموضوع ده من فتره قلت استنى شويه لحد لما اتأكد واشوف الصوت هيبقى ايه نظامه,فى اول ديسمبر 2009 انا رحت التوكيل اعمل صيانه العشره الاف وهناك المهندس اقتنع ان العربيه فيها علبه الدريكسيون وهتتغير وقاللى ان تغيرها بيأخد حوالى 3 شهور على ميحددولى ميعاد قلت ماشى وبعدها بكم يوم لاقيت التوكيل بيكلمنى قالولى العلبه وصلت وممكن اروح اغيرها,المهم رحت فرع ابورواش يوم 24 ديسمبر وطبعا الفرع هناك مش محتاج انى اتكلم عليه الناس كلها عارفاه وكمان ابوعبدلله عمل عنه تقرير ممتاز,المهم انا رحت وغيرتها وقلت استنى لما اشوف ايه اللى هيحصل,ادينا بقينا نص فبراير يعنى تقريبا عدى شهرين ومن ساعتها الصوت اللى كان بيظهر فى معظم المطبات وحتى فى فواصل الكوبرى اختفى خالص ولكن...صوت التكتكه لسه بيظهر لكن فى المطبات الشدييييييييده اوى او لما بعدى على منطقه مدشدشه خالص وبسمعه كل فين وفين هل ده معناه ان مشكله العلبه لسه موجود ولا ايه يا جماعه؟
شكرا مقدما للردود
تقبلوا تحياتى جميعا

أولا مبارك عليك التعديل
ثانيا مسألة الصوت ده انا رايي ما علمته وتحدثت فيه مع المهندس مصطفى مهندس الضمان للمشكلة
ان المشكلة دي لن تحل بشكل 100 %
والأسباب هيا :
1- المشكلة بتاعت الصوت دي مشكلة لا يوجد لها حل غير انك تكتم الصوت لأن شوارعنا لازم هتهز بارات علبة الدركسيون
وعلشان تكتم الصوت هيأثر بذلك على سرعة اداء الباور
لأن المشكلة كلها تتلخص في ان الصوت ده صادر من تخبيط البارات بتاعت علبة الدركسيون في الجلب اللي في نهاية العلبة اللي بيخرج منها البارات للحركة يمين ويسار
والجلب دي عدلوها بجلب تستحمل اكتر لأنها في الأول كانت بتستهلك من كتير التخبيط ومكنتش بتستحمل الكلام ده
ولكن يبقى هناك صوت طفيف يحدث في حالات معينة يكون فيها الأهتزاز عالي
لأن ببساطة العلبة بتاعت الدركسيون مجوفة من الداخل
لا يوجد ما يكتم صوت هذا التخبيط مثلما موجود في علب الدركسيون الباور العادية اللتي تعمل بزيت وضغط هواء وده بيعمل لوحده على كتم اي صوت صادر من العلبة

هو الباور فى السيريو كهرباء ؟؟؟
اصل انا عندى نفس المشكلة فى البيكانتو وناس كتير بتشتكى من الموضوع دة فى البيكانتو الشكل الجديد القديم لا (الباور زيت) فهل دة معناة ان البور الكهرباء مش مناسب لشوارعنا ؟؟

اقتباس:

---

المشاركة الأصلية كتبت بواسطة أبو عبدالله

أولا مبارك عليك التعديل
ثانيا مسألة الصوت ده انا رايي ما علمته وتحدثت فيه مع المهندس مصطفى مهندس الضمان للمشكلة
ان المشكلة دي لن تحل بشكل 100 %
والأسباب هيا :
1- المشكلة بتاعت الصوت دي مشكلة لا يوجد لها حل غير انك تكتم الصوت لأن شوارعنا لازم هتهز بارات علبة الدركسيون
وعلشان تكتم الصوت هيأثر بذلك على سرعة اداء الباور
لأن المشكلة كلها تتلخص في ان الصوت ده صادر من تخبيط البارات بتاعت علبة الدركسيون في الجلب اللي في نهاية العلبة اللي بيخرج منها البارات للحركة يمين ويسار
والجلب دي عدلوها بجلب تستحمل اكتر لأنها في الأول كانت بتستهلك من كتير التخبيط ومكنتش بتستحمل الكلام ده
ولكن يبقى هناك صوت طفيف يحدث في حالات معينة يكون فيها الأهتزاز عالي
لأن ببساطة العلبة بتاعت الدركسيون مجوفة من الداخل
لا يوجد ما يكتم صوت هذا التخبيط مثلما موجود في علب الدركسيون الباور العادية اللتي تعمل بزيت وضغط هواء وده بيعمل لوحده على كتم اي صوت صادر من العلبة

---

الله عليك ياأبوعبدالله..

شرحت فكفيت ووفيت بارك الله فيك ومتعك بالصحة والسعادة..

بس أنا واخد على خاطرى منك شوية؟هو احنا مش جيران والا ايـــــــــة؟؟

على فكرة أنا كنت عندك امبارح فى المنصورة بالليل:Y_hi_3[1]:

وما رضيتش أطلبك أحسن أخد مقلب زى المرة اللى فاتت؟ فاكر؟؟؟؟؟واحشنى.بس خلاص.

تحيــــــــــــــــــــــ اتى:7[1]:

اقتباس:

---

المشاركة الأصلية كتبت بواسطة ibrahim reda

هو الباور فى السيريو كهرباء ؟؟؟
اصل انا عندى نفس المشكلة فى البيكانتو وناس كتير بتشتكى من الموضوع دة فى البيكانتو الشكل الجديد القديم لا (الباور زيت) فهل دة معناة ان البور الكهرباء مش مناسب لشوارعنا ؟؟

---

ايوه دي فعلا مشكلة كل الباور الكهرباء
ان علشان مفيش زيت فأي صوت خبطه فيها بيظهر ويبقى واضح
وده فعلا في عربيات كتير

اقتباس:

---

المشاركة الأصلية كتبت بواسطة توفيق طة

الله عليك ياأبوعبدالله..

شرحت فكفيت ووفيت بارك الله فيك ومتعك بالصحة والسعادة..

بس أنا واخد على خاطرى منك شوية؟هو احنا مش جيران والا ايـــــــــة؟؟

على فكرة أنا كنت عندك امبارح فى المنصورة بالليل:y_hi_3[1]:

وما رضيتش أطلبك أحسن أخد مقلب زى المرة اللى فاتت؟ فاكر؟؟؟؟؟واحشنى.بس خلاص.

تحيــــــــــــــــــــــ اتى:7[1]:

---

ليه بس
ده انا كان معايا ميدو امبارح والله
وكان يبقى يوم سيريوني جميل بجد
عالعموم متعوضه ان شاء الله
وجزاك الله كل خير

والله توكيل محترم وناس فاهمه ,, المشكلة فى الطرق السيئة عندنا في مصر عايزالها مصفحات مش عربيات

كشرا لكم جميعا يا شباب واخص بالشكر ابوعبدالله طبعا طمنتنى

شرح وافي وممتاز أبا عبدالله :S_thum1[1]:

جزاكم الله خيراً

طيب يعني نغير ولا مش فارقه
انا زي ما قلت قبل كده الحمد لله لحد الان كل المشكله صوت فقط مش عالي اوي يعني لكن مفيش حدفه ولا هزه ولا غيره
اروح اغيرها برده ولا مش لازم
ووهل مشكله الصوت ممكن تقلب بحاجه تانيه ؟ يعني ممكن بعد فتره يبقى في حدفه ورعشه في الدركسيون وكلام من ده
ولا اخرها صوت فقط

اقتباس:

---

المشاركة الأصلية كتبت بواسطة gmakram

كشرا لكم جميعا يا شباب واخص بالشكر ابوعبدالله طبعا طمنتنى

---

جزاك الله خيرا

اقتباس:

---

المشاركة الأصلية كتبت بواسطة عمرو عمارة

شرح وافي وممتاز أبا عبدالله :s_thum1[1]:

جزاكم الله خيراً

---

جزاك الله كل خير يا عمرو ووحشني يا اخي والله
طمني عليك

اقتباس:

---

المشاركة الأصلية كتبت بواسطة bmya

طيب يعني نغير ولا مش فارقه
انا زي ما قلت قبل كده الحمد لله لحد الان كل المشكله صوت فقط مش عالي اوي يعني لكن مفيش حدفه ولا هزه ولا غيره
اروح اغيرها برده ولا مش لازم
ووهل مشكله الصوت ممكن تقلب بحاجه تانيه ؟ يعني ممكن بعد فتره يبقى في حدفه ورعشه في الدركسيون وكلام من ده
ولا اخرها صوت فقط

---

يبقى انت كده مقرتش الكلام كويس
أولا المشكلة كلها عبارة عن صوت فقط
يعني مفيش حاجه اسمها حدفة ولا هزة ولا اي حاجه من كل الكلام ده
لأن الموضوع ببساطة عبارة عند دراعات خارجه من علبة الدركسيون عن طريق جلب
ولازم في اي عربيه يكون فيه احتكاك او تخبيط بين الدراعات والجلب دي
ولكن الفرق ان علبة الدركسيون الكهرباء مش بيبقى فيها زيت زي الباور العادي وبالتالي اي صوت فيها بيبقى واضح ومسموع جدا
مع الفارق ان علبة الباور العادي اللي بالزيت بيبقى فيها ضغط هواء جامد مع زيت فبيبقى في كاتم صوت منها فيها

ماشي يا ابو عبد الله منا فاهم بص هقول لحضرتك انا قصدي اييه
انا عارف ان المشكله صوت فقط بس انا قصدي ان الموضوع مش هيتطور عن حدود الصوت من كتر التخبيط ومع الوقت يعني
وهل التعديل ده مجرد حشو للعلبه عشان يكتم الصوت ؟!!
طيب ليه بقه كانوا بيقولوا ان اللي موجود ل 2008 ولسه مفيش تعديل لعلب 2007 على حد كلام ميدو
هو ايه الفرق بين 2007 و 2008 في العلب
انا بقه بسأل يعني لو العيب فقط صوت والحل هو كتم الصوت بدون اي خطوره مستقبلا لتغيير الصوت ده لحركه او زياده في الصوت يبقى ملهاش لازمه اغيرها لان بصراحه لو اتفكت مش هترجع زي الاول ودي حاجه انا مقتنع بها عمليا ونظريا حتى لو في التوكيل
يبقى لو على الصوت نستحمله وخلاص واصلا انا معنتش باخود بالي منه غير لما اركز معه
خصوصا انكم بتقولو العلبه الجديده مش هيتكتم للابد
ولا تغيير العلبه هيثأر على حاجه تانيه

اقتباس:

---

المشاركة الأصلية كتبت بواسطة bmya

ماشي يا ابو عبد الله منا فاهم بص هقول لحضرتك انا قصدي اييه
انا عارف ان المشكله صوت فقط بس انا قصدي ان الموضوع مش هيتطور عن حدود الصوت من كتر التخبيط ومع الوقت يعني
وهل التعديل ده مجرد حشو للعلبه عشان يكتم الصوت ؟!!
طيب ليه بقه كانوا بيقولوا ان اللي موجود ل 2008 ولسه مفيش تعديل لعلب 2007 على حد كلام ميدو
هو ايه الفرق بين 2007 و 2008 في العلب
انا بقه بسأل يعني لو العيب فقط صوت والحل هو كتم الصوت بدون اي خطوره مستقبلا لتغيير الصوت ده لحركه او زياده في الصوت يبقى ملهاش لازمه اغيرها لان بصراحه لو اتفكت مش هترجع زي الاول ودي حاجه انا مقتنع بها عمليا ونظريا حتى لو في التوكيل
يبقى لو على الصوت نستحمله وخلاص واصلا انا معنتش باخود بالي منه غير لما اركز معه
خصوصا انكم بتقولو العلبه الجديده مش هيتكتم للابد
ولا تغيير العلبه هيثأر على حاجه تانيه

---

التعديل يا شريف معملشي كاتم صوت ولا حاجه
وانما غيروا الجلب الخارجية دي علشان تستحمل التخبيط اكتر من الأول مع تقليل الصوت الصادر
ولكن في بلدنا انسى

المهم تركيب علبة الدركسيون مش صعب
اانا معاك ان المسالة صعبة لو بنفكش وش الماتور او اي حاجه شبيهه مع ان في التوكيل بيبقوا متدربين على الحاجت دي
ولكن تركيب علبة الردكسيون لو عندي ونش يرفع العربيه هركبها انا وممكن انزلها واعملها التعديلات بنفسي ومخليش فيه اي صوت
الصوت مش هيزيد ومادام لحد الآن عندك مزدشي يبقى تمام
لو زاد روح غيرها
اما غير كده فمفيش اي تأثير على اي شئ اخر لا من قريب ولا من بعيد متخفشي
وممكن علشان تطمن نفسك قبل نهاية الضمان روح غيرها ويبقى ضمنت واحده جديده شغاله معاك كمان كام سنة :ma:

تمام كده انا اعمل كده فعلا استنى على نهايه الضمان وابقه اغيرها وخلاص لسه قدامي لشهر 6 2011 ان شاء الله
بس المشكله ان انا اصلا مش بمشي بالعربيه كتير يعني يدوب عامل 18400 خايف لما يزيد الكيلو تبدأ تهرتل معايا بس ربنا يتسر والله انا بحسس عليها بجد بغباء